Hechos 21:27 - Emberá Chamí

²⁷ Maamina 7 ewari bamaa b̶uud̶e waabenarã judiorã Asia druad̶ebena Dachi Akõre de mechiu dud̶a panasid̶au. Mau judiorãba Pablo unusid̶aud̶e joma ẽbẽrarã aria duanuu kĩrubikad̶aped̶a Pablo jidausid̶au.

Hechos 21:27 ပူးပေါင်းရင်းမြစ်များ

Lucas 21:12

»Maamina joma makai naed̶e machi wãraad̶ai biꞌiwãe paneebiad̶ai baita. Chi nuree jidaud̶aped̶a judiorã araa ãbua imibadau ded̶e adoed̶ai. Maabae machi nebʉra ichiad̶aped̶a chi jʉ̃abadau ded̶e jʉ̃akuad̶ai. Mʉʉd̶e ijãa panuu kakua ãchiba machi chi jaradea ua b̶uabadaurã maud̶e chi reyrã daad̶e adoed̶ai.

Hechos 13:50

Maamina judiorãba Dachi Akõre wapea nuree wẽrarã chi mechiurãmaa maud̶e mukĩra chi mechiurãmaa jarasid̶au Pablo maud̶e Bernabé kachirua waud̶amera. Maka ãchi puurud̶ebena duabʉisid̶au.

Hechos 14:19

Listrad̶e panuud̶e waabenarã judiorã Antioquía puurud̶ebena maud̶e Iconio puurud̶ebena neesid̶au. Ãchiba Listrad̶ebenarãmaa Pablo ʉ̃rʉbena kachirua kʉ̃risiabiasid̶au. Maud̶eeba jomaurãba Pablo mooba b̶atasid̶au. Ichi biusii kʉ̃risiasid̶aud̶eeba puuru awara erta adoesid̶au.

Hechos 14:2

Maamina judiorã Jesús ijãad̶akaurãba judiowãerãmaa chi ãbarã ʉ̃rʉbena kachirua kʉ̃risiabiasid̶au.

Hechos 14:5

Judiorã maud̶e judiowãerã chi puurud̶ebena karrarã ome bed̶ea deasid̶au Pablo maud̶e Bernabé puꞌuabiad̶aped̶a mooba b̶ata bead̶ai baita.

Hechos 16:6

Pablo ichi ome nibad̶a sid̶a Frigia druad̶e maud̶e Galacia druad̶e nibasid̶au Dachi Akõre Jauriba chi bed̶ea Jesús ʉ̃rʉbena Asia druad̶e ida jarabiad̶aabasiid̶eeba.

Hechos 17:13

Maumisa judiorã Tesalónica puurud̶ebenarãba kuitaasid̶au Pabloba Dachi Akõre bed̶ea Berea puurud̶e jaradea b̶uu. Maud̶eeba araa wãsid̶aud̶e arabenarã kĩrubikabiasid̶au kachirua waud̶amera.

Hechos 18:12

Galión abadau Acaya druad̶ebena chi karr b̶eesiid̶e chi judiorã chiya berread̶aped̶a Pablo jidaud̶aped̶a ichi mau Galión kĩraare adoesid̶au.

Hechos 2:9

Dachi tãed̶e Partiad̶ebena, Mediad̶ebena, Elamd̶ebena, Mesopotamiad̶ebena, Judead̶ebena, Capadociad̶ebena, Pontod̶ebena, Asiad̶ebena,

Hechos 20:19

Mʉʉba chi Dachi Akõreba waubi b̶uu wau b̶uasiid̶e chi aude mechiu nibai kʉ̃riabasii. B̶esed̶e jẽa b̶uabachii, judiorãba mʉ kachirua wau kʉ̃ria panasiid̶eeba.

Hechos 24:11

12 ewari basii mʉ Jerusalend̶aa wã b̶uad̶a Dachi Akõremaa biꞌia berreai baita. Bichiba barikiamaa id̶iiruu kuitaai mau biawãra b̶uu.

Hechos 24:18

Maka b̶uud̶e chi Dachi Akõre daad̶e biꞌia panad̶ai baita mʉʉba joma wausiid̶e, Dachi Akõre de mechiud̶e chi Asiad̶ebena judiorãba mʉ unusid̶au. Maamina ẽbẽrarã ãrea wãꞌãe basii maud̶e ẽbẽrarã kĩrubikad̶ai sid̶a wãꞌãe basii.

Hechos 26:21

Maud̶eeba judiorãba mʉ Dachi Akõre de mechiud̶e jidaud̶aped̶a bead̶ai kʉ̃riasid̶au.

Hechos 4:3

Pedro maud̶e Juan jidaud̶aped̶a jʉ̃a bʉikasid̶au. Kiusiid̶eeba noremaud̶aa b̶usid̶au.

Hechos 5:18

Maud̶eeba chi Jesusba bʉid̶arã jidaud̶aped̶a jʉ̃a bʉikasid̶au.

Hechos 6:12

Maka ãchiba puurud̶ebenarã, judiorã chi chõrarã maud̶e chi Moisesba b̶ʉd̶a jaradeabadaurã kĩrubikasid̶au. Maud̶eeba Esteban jidaud̶aped̶a chi ẽbẽrarã araa ãbua imibiabadaurã duanuumaa adoesid̶au.

Hechos 6:9

Maud̶e waabenarã judiorã Cirene druad̶ebena maud̶e Alejandría puurud̶ebena panasid̶au. Ãchi judiorã araa ãbua imibadau de “Chi chibari baita bari trajabarii enakuaped̶aad̶arã” abachid̶au. Waabena judiorã Cilicia druad̶ebena maud̶e Asia druad̶ebena panasid̶au. Joma mau judiorã Esteban ome oa kachirua berrea duaneesid̶au.

2 Corintios 11:26

Mʉ od̶e wãaruud̶e, do che nub̶uud̶e nibabachii, maud̶e nechiruabadau baraumare nibabachii. Ara mʉ ẽbẽrarã judiorã tãed̶e maud̶e judiowãerã tãed̶e mʉ kachiruad̶e b̶uasii. Puurud̶e maud̶e puuru awara mʉ kachiruad̶e b̶uasii. Mard̶e bid̶a kachiruad̶e b̶uasii. Biawãra ãbarãwãe kakua mʉ kachiruad̶e b̶uasii.

1 Tesalonicenses 2:16

Dachi Akõreba karibamera daiba judiowãerãmaa jaradea kʉ̃ria panuud̶e, maarãba daiba jaradead̶ai ida kabid̶aabasii. Maka aude kachirua wau panuud̶eeba Dachi Akõreba ichi oa kachiruad̶eeba maarã ãrea kastikai.