Hechos 21:20 - Emberá Chamí

²⁰ Mau ũrisid̶aud̶e ãbarãba Dachi Akõremaa biꞌia berreasid̶au. Maabae ãchiba Pablomaa jarasid̶au: —Ãba, bichiba kuitaa b̶uu judiorã ãreaba Jesusd̶e ijãa panuu. Maud̶e Moisesba b̶ʉd̶a ãchiba ãrea ijãabadau.

Hechos 21:20 ပူးပေါင်းရင်းမြစ်များ

Mateo 9:8

Mau unusid̶aud̶e chi aria duanuu pera duanuu kĩra bara b̶eesii. Maamina Dachi Akõremaa bed̶ea bia berreasid̶au, ichiba chi poyaabarii ẽbẽramaa deasiid̶eeba, kakua kachirua panuu aribiabimera.

Lucas 12:1

Maka panuud̶e ẽbẽra ãrea pĩchuka kob̶eesii. Ãrea pĩchuka kub̶uud̶eeba waabenarã jʉ̃rʉ ʉ̃rʉ tʉabachid̶au. Maud̶e Jesusba naa ichi baara nibabadaurãmaa naka jarasii: «Fariseorã masa ẽesãabibarii kauwa panásturu. Ara ãchiba jarabadau kĩra waud̶akau.

Lucas 15:32

“Maamina biꞌia b̶uu bichi ãba waya dachimaa neeruu, kĩrajʉʉ waud̶ayu. Ichi biu b̶uad̶a chokae jiradusii; barikiad̶e wã b̶uad̶a dachiba waya unusid̶au”».

Juan 12:24

Mʉʉba biawãra jaraaruu: trigo taa iorod̶e b̶aeruuwãebʉrã maud̶e biuruubʉrã, istu b̶eebarii. Maamina mau taa biud̶a kĩra iorod̶e b̶eeruubʉrã, tonoped̶a ãrea chaubarii.

Hechos 11:18

Jerusalend̶ebena ãbarãba mau ũrisid̶aud̶e waa kachirua jarad̶aabasii, maumaarã Dachi Akõremaa naka biꞌia berreasid̶au: —¡Biawãra Dachi Akõreba judiowãerã karibasii ãchi kachirua ida b̶ud̶aped̶a ichimaa need̶amera! ¡Maka ewaricha ichi baara chokae panad̶ai!

Hechos 15:1

Mau ewarid̶e chi nuree Judea druad̶ebenarã Antioquía puurud̶aa wãsid̶au. Aria ãchiba ãbarã judiowãerãmaa jaradea paneesid̶au Moisesba b̶ʉd̶a kĩra mukĩra chi kakua tõod̶aabasiibʉrã, Dachi Akõreba karibaabai.

Hechos 15:24

Daiba ũrisid̶au chi nuree namabena ẽbẽrarã machimaa wãd̶aped̶a ãchiba ãchimaa jaradea panuu kakua machi ãrea jirukaraad̶aped̶a kuitaa kʉ̃risiad̶awẽa paneesid̶au. Maamina mau ẽbẽrarã daiba bʉid̶aabasii.

Hechos 15:5

Maamina chi nuree fariseorã Jesusd̶e ijãabadaurãba jiradud̶aped̶a jarasid̶au: —Joma ãbarã judiowãerã mukĩra chi kakua tõod̶ai panuu. Ãchimaa jaradead̶ai panuu Moisesba b̶ʉd̶a waud̶amera.

Hechos 2:41

Ãrea ẽbẽrarãba ichi bed̶ea ijãad̶aped̶a boro easid̶au. Mau ewarid̶e chi Jesusd̶e ijãaped̶aad̶a 3.000 panasid̶au.

Hechos 22:3

«Mʉ judiobʉ. Cilicia druad̶e Tarso puurud̶e mʉ danaba mʉ adausii. Maamina mʉ nama Jerusalend̶e warisii. Jaradeabarii Gamalielba mʉʉmaa joma dachi nabẽraed̶ebenarã Moisesba b̶ʉd̶a ãrea jaradeasii. Mʉʉba Dachi Akõre ãrea ijãa b̶uabachii machiba ijãabadau kĩra.

Hechos 4:21

Maabae chi karrarã aria duanuuba maucha jarasid̶au maka jarabirãad̶amera. Ãchiba jidau panasmina kastikad̶ai baita, ẽbẽrarã kakua wapea duanuud̶eeba ida b̶usid̶au. Ẽbẽrarã joma Dachi Akõremaa biꞌia berreasid̶au,

Hechos 4:4

Maamina chi Pedroba jaradea b̶uad̶a ũri panad̶a ãreaba Jesusd̶e ijãasid̶au. Chi maarã mukĩrarã 5.000 basii.

Hechos 6:7

Maud̶e ãbarãba Dachi Akõre bed̶ea aude jarasid̶au. Maka chi Jesusd̶e ijãabadaurã Jerusalend̶e maucha aude baraasii. Mau awara ãrea paarerã bid̶a ijãasid̶au.

Romanos 10:2

Mʉʉba jaraaruu ãchiba Dachi Akõre biawãra kuitaa kʉ̃ria panuu. Maamina Dachi Akõreba kʉ̃ria b̶uu ʉ̃rʉbena biꞌiwãe kʉ̃risia panuu.

Gálatas 1:14

Judiorãba jaradeabadau mʉʉba biꞌia kuitaaruu basii mʉ ab̶aarakaurã audeara, dai nabẽraed̶ebenarãba waubachid̶au mʉʉba ãrea waubachiid̶eeba.

Gálatas 1:24

Maud̶eeba mʉ kakua ãchiba Dachi Akõremaa biꞌia berreasid̶au.

2 Tesalonicenses 1:10

Ichi neeruud̶e mau ewarid̶e ichid̶irãba ichimaa biꞌia berread̶ai. Ãchi ome biꞌia waud̶ad̶eeba joma ichi ijãabadaurãba ichi ãrea biꞌia unud̶ai. Daiba ichi ʉ̃rʉbena jaradeasid̶aud̶e, machia bid̶a ijãasid̶au.