Hechos 20:6 - Emberá Chamí

⁶ Pan ẽesãabibariiwãe kobadau ewari basiid̶e dai Filipos puurud̶ebena jãbad̶e wãsid̶au. Ewari jua ab̶ad̶e ãchi ome Troas puurud̶e unusid̶au. Aria 7 ewari paneesid̶au.

Hechos 20:6 ပူးပေါင်းရင်းမြစ်များ

Hechos 12:3

Herodesba unusii judiorã mau kakua kĩrajʉʉsid̶au. Maud̶eeba Pedro sid̶a jidaubisii. Maka wausii pan ẽesãabibariiwãe kobadau ewarid̶e.

Hechos 16:10

Pabloba mau unusiid̶eeba daiba kuitaasid̶au Dachi Akõreba dai iukua b̶uasii chi bed̶ea bia Jesús ʉ̃rʉbena Macedoniad̶ebenarãmaa jarad̶amera. Ara makʉd̶e wãd̶ai baita paneesid̶au.

Hechos 16:12

Arabena Filiposd̶aa wãsid̶au. Mau drua Macedoniad̶ebena puuru mechiu basii. Mau puurud̶e Romad̶ebenarã ãrea panabachid̶au. Aria ewari b̶aꞌãra panasid̶au.

Hechos 16:8

Maud̶eeba Misia druad̶e mard̶e wãd̶aped̶a Troas puurud̶aa neesid̶au.

Hechos 20:16

Pablo Asia druad̶e ãrea b̶uamaaba, Éfeso puurud̶aa wãyaa wãsii. Ichi isa Jerusalend̶aa neei kʉ̃ria b̶uasii, makasirã poyaa neei, Pentecostés ewarid̶e aria b̶uai baita.

Hechos 20:5

Mau ãbarã dai naa wãd̶aped̶a Troas puurud̶e esed̶au panasid̶au.

Hechos 21:4

Aria daiba chi Jesusd̶e ijãabadaurã unuped̶aad̶ad̶eeba ãchi ome 7 ewari paneesid̶au. Maud̶e ãchiba Dachi Akõre Jaurid̶eeba Pablomaa jarasid̶au Jerusalend̶aa wãrãamera.

Hechos 21:8

Norema wãd̶aped̶a Cesarea puuru mechiud̶e neesid̶au. Aria Felipe ded̶e paneesid̶au. Mau Felipe chi bed̶ea bia Jesús ʉ̃rʉbena jarabarii basii. Ãbarã aid̶abadaurã 7 jʉrʉ adauped̶aad̶ad̶ebena ab̶a basii.

Hechos 28:14

Aria daiba chi nuree ãbarã unusid̶au. Maarãba daimaa jarasid̶au ãchi baara 7 ewari panad̶amera. Maad̶akare Roma puurud̶aa wãsid̶au.

Filipenses 1:1

Mʉ Pablobʉ. Timoteo mʉ ome b̶uu. Dai Jesucristo baita bari trajabadaurãbʉ. Mʉʉba nau karta ãbarã Filipos puurud̶ebenarã baita b̶ʉʉruu: ijãabadaurã nubadaurã, ijãabadaurã aid̶abadaurã, joma ẽbẽrarã Dachi Akõred̶erã Jesucristo ome nureerã baita.

1 Tesalonicenses 2:2

Kuitaa panuu machimaa wãd̶ai naed̶e Filipod̶ebenarãba dai kachirua jarasid̶au maud̶e kachirua wausid̶au. Mau awara machimaa neesid̶aud̶e ãreaba kʉ̃riad̶aabasii daiba jaradea panuu. Maamina Dachi Akõreba dachi sõbiabiasii ichi bed̶ea bia machimaa wapeawẽa jaradead̶amera.

2 Timoteo 4:13

Bichi neeruud̶e mʉ paru ʉ̃rʉ jʉ̃barii eneese. Mau Troas puurud̶e, ãba Carpo ded̶e b̶eesii. Maud̶e mʉ karta eneese. Mʉʉba aude kʉ̃ria b̶uu chi kartarã ãnimara ed̶e b̶ʉ kub̶uu.