Hechos 20:4 - Emberá Chamí

⁴ Ichi baara naarã Asia druad̶aa wãsid̶au: Berea puurud̶ebena Pirro warr Sópater, Tesalónica puurud̶ebena Segundo maud̶e Aristarco, Derbe puurud̶ebena Gayo, Asia druad̶ebena Tíquico maud̶e Trófimo maud̶e Timoteo.

Hechos 20:4 ပူးပေါင်းရင်းမြစ်များ

Hechos 14:20

Maabae Jesusd̶e ijãabadaurã Pablomaa araa ãbua imisid̶aud̶e, maka panuud̶e ichi jiradusii. Jiraduped̶a waya puurud̶aa wãsii. Norema Bernabé ome Derbe puurud̶aa wãsid̶au.

Hechos 14:6

Maamina mau kuitaasid̶aud̶e Licaonia druad̶aa miru wãsid̶au. Listra puurud̶aa maud̶e Derbe puurud̶aa wãsid̶au. Joma mau Licaonia druad̶e nibasid̶au.

Hechos 16:1

Maud̶e Pablo Derbe puurud̶e neeped̶a Listra puurud̶aa wãsii. Aria Jesusd̶e ijãa nii Timoteo abadau b̶uasii. Timoteo nawe judio basii; Jesusd̶e ijãa nibasii. Ichi akõre griego basii.

Hechos 16:6

Pablo ichi ome nibad̶a sid̶a Frigia druad̶e maud̶e Galacia druad̶e nibasid̶au Dachi Akõre Jauriba chi bed̶ea Jesús ʉ̃rʉbena Asia druad̶e ida jarabiad̶aabasiid̶eeba.

Hechos 17:1

Pablo, Silas maud̶e chi ãchi baara nibaped̶aad̶a Anfípolis puurud̶e maud̶e Apolonia puurud̶e wãd̶aped̶a Tesalónica puurud̶e neesid̶au. Aria judiorã araa ãbua imibadau de kub̶uasii.

Hechos 17:13

Maumisa judiorã Tesalónica puurud̶ebenarãba kuitaasid̶au Pabloba Dachi Akõre bed̶ea Berea puurud̶e jaradea b̶uu. Maud̶eeba araa wãsid̶aud̶e arabenarã kĩrubikabiasid̶au kachirua waud̶amera.

Hechos 19:29

Maka panuud̶e joma puurud̶ebenarã kuitaa kʉ̃risiad̶awẽa pira wãurisid̶au. Maud̶e waabenarãba Pablo baara nibabadau ome jidaud̶aped̶a teatrod̶aa adoesid̶au: ab̶a Gayo basii maud̶e chi ab̶abena Aristarco basii. Maarã Macedonia druad̶ebena basii.

Hechos 2:9

Dachi tãed̶e Partiad̶ebena, Mediad̶ebena, Elamd̶ebena, Mesopotamiad̶ebena, Judead̶ebena, Capadociad̶ebena, Pontod̶ebena, Asiad̶ebena,

Hechos 20:16

Pablo Asia druad̶e ãrea b̶uamaaba, Éfeso puurud̶aa wãyaa wãsii. Ichi isa Jerusalend̶aa neei kʉ̃ria b̶uasii, makasirã poyaa neei, Pentecostés ewarid̶e aria b̶uai baita.

Hechos 20:18

Ichimaa neesid̶aud̶e Pabloba jarasii: «Machiba kuitaa panuu mʉ nau Asia druad̶e neesiid̶eed̶ebena saka machi tãed̶e nibabachii.

Hechos 21:29

Maka jarasid̶au Trófimo Efesod̶ebena Pablo ome puurud̶e niiba unuped̶aad̶ad̶eeba. Kʉ̃risiasid̶au Pabloba Trófimo Dachi Akõre de mechiu kaita ed̶a adoe b̶uasii.

Hechos 27:2

Maabae dai jãba Adramitio puurud̶ebenad̶e ataud̶aped̶a wãsid̶au. Mau jãba Asia druad̶e puurucha wãaruu basii. Ãba Aristarco Macedonia druad̶ebena dai baara wãsii. Mau Tesalónica puurud̶ebena basii.

Romanos 16:21

Ãba Timoteo mʉ ome ãbua jaradea b̶uuba kʉ̃ria b̶uu machi biꞌia duanad̶ai. Maud̶e mʉ ãbarã judiorã Lucioba, Jasonba maud̶e Sosipateroba kʉ̃ria panuu machi biꞌia duanad̶ai.

Romanos 16:23

Ãba Gayo bid̶a kʉ̃ria b̶uu machi biꞌia duanad̶ai. Mʉ ichi ded̶e b̶uu. Ãbarã jomaurã ichi ded̶e araa ãbua imi panuu. Nau puurud̶ebena chi nejarra nubarii Erastoba maud̶e ãba Cuarto kʉ̃ria panuu machi biꞌia duanad̶ai.

2 Corintios 1:1

Mʉ Pablobʉ. Dachi Akõreba ichi kʉ̃riad̶eeba mʉ Jesucristoba bʉid̶abʉ. Dachi ãba Timoteo mʉ ome b̶uu. Nau karta b̶ʉʉruu ẽbẽrarã Dachi Akõred̶erã Corintod̶ebena baita maud̶e joma ichi ẽbẽrarã Acaya druad̶e nuree baita.

2 Corintios 1:19

Silvanoba, Timoteoba maud̶e mʉa bid̶a machimaa Dachi Akõre Warr Jesucristo ʉ̃rʉbena jaradea panasid̶au. Jesucristoba waui ad̶a waya wauwẽa akau. Ichiba waui ad̶a joma waubarii. Daiba «nau biawãra» ad̶aabasii, maad̶akare «seta» ad̶ai baita.

Efesios 6:21

Dachiba kʉ̃ria panuu ãba Tiquicoba mʉ ʉ̃rʉbena machimaa joma nebʉrʉi kuitaad̶amera mʉ saka b̶uu maud̶e kãare wau b̶uu. Ichi Dachi Mechiu baita ichi kʉ̃ria trajabarii jipa nii, maud̶e ne jomad̶e biꞌia waubarii.

Filipenses 2:19

Dachi Mechiu Jesusba kʉ̃riaruubʉrã mʉʉba Timoteo isa machimaa wãbii. Maka ichi waya mʉʉmaa neeruud̶e mʉ sid̶a kĩrajʉʉ b̶uai machi saka panuu kuitaai b̶uud̶eeba.

Colosenses 4:10

Ãba Aristarco mʉ baara jʉ̃a uru panuu. Mauba jarabʉi b̶uu machi biꞌia panad̶ai. Bernabé niu Marcosba jarabʉi b̶uu machi biꞌia panad̶ai. Ichi ʉ̃rʉbena mʉʉba naed̶e kartad̶e b̶ʉsii. Mau machimaa wãaruubʉrã, deed̶aa iu biꞌia iústuru.

Colosenses 4:7

Mʉʉba dachi ãba Tíquico machimaa bʉiruu mʉ ʉ̃rʉbena jaramera. Daiba mau biꞌia kʉ̃ria panuu. Mauba mʉ ome ãbua Dachi Mechiu traju ne jomad̶e biꞌia wau b̶uu. Mauba dai ʉ̃rʉbena machimaa joma kuitaabiai, maud̶e kĩrajʉʉbiai.

1 Timoteo 1:1

Mʉ Pablobʉ, Jesucristoba bʉid̶a. Dachi Akõre chi Karibabariiba maud̶e Dachi Mechiu Jesucristoba mʉ naka b̶usid̶au. Ara mau Jesucristod̶eeba dachi biawãra biꞌia nuread̶ai kuitaa panuu. Dachiba Jesucristod̶e ijãabadau maud̶e ichi kakua biꞌia nuread̶ai kuitaabadau.

2 Timoteo 1:2

Timoteo, nau karta bichi baita b̶ʉʉruu. Mʉʉba bichi ãrea kʉ̃ria b̶uu mʉ warr kĩra. Kʉ̃ria b̶uu Dachi Bajãad̶ebena Akõreba maud̶e Dachi Mechiu Jesucristo bid̶a bichi kĩra chuburia panad̶ai, ãchi sõbiad̶eeba aid̶a panad̶ai maud̶e jirukaraayuwãe panabid̶amera.

2 Timoteo 4:12

Ãba Tíquico mʉʉba Efesod̶aa bʉisii.

2 Timoteo 4:20

Ãba Erasto Corinto puurud̶e b̶eesii. Ãba Trófimo ẽpermo b̶uasiid̶eeba mʉʉba ichi Mileto puurud̶e b̶ʉisii.

Tito 3:12

Mʉʉba ãba Artemas maebʉrã ãba Tíquico bichimaa bʉiruu. Jãma neeruud̶e isa Nicópolis puurud̶aa mʉ ichiad̶e neese. Mʉ nau kui che ewarid̶e mama b̶uai kʉ̃risia b̶uu.

Filemón 1:24

Marcosba, Aristarcoba, Demasba maud̶e Lucasba jarabʉi panuu bichi biꞌia b̶uai. Maarãba mʉ ome Dachi Akõre traju wau panuu.

3 Juan 1:1

Mʉ Chõrabʉ. Mʉʉba nau karta b̶ʉʉruu mʉ ãba Gayo baita. Mʉʉba bichi biawãra kʉ̃ria b̶uu.