Hechos 20:31 - Emberá Chamí

³¹ Maud̶eeba kauwa panásturu. Kĩrabásturu mʉʉba año õbea ãyadaa maud̶e ẽsabud̶e jẽa b̶uuba machicha chi setaa jaradeabadaurã ʉ̃rʉbena kauwa nuread̶ai jara b̶uasii.

Hechos 20:31 ပူးပေါင်းရင်းမြစ်များ

Mateo 13:25

Maamina chi ichi baita bari trajabadaurã kãi duanuumisa chi kĩramaabarii neeped̶a sirua kachirua trigo uud̶ad̶e uusii. Maabae wãsii.

Mateo 3:7

Maka b̶uud̶e waabenarã Moisesba b̶ʉd̶a jaradeabadau neesid̶au Juanba boro eamera. Waabenarã fariseorã basii; waabenarã saduceorã basii. Maamina Juanba ãchi unuuruud̶e jarasii: «Ẽbẽrarã dama kĩra nuree, ¿kaiba jarasma machi Dachi Akõre kĩruuruud̶e poyaa mirud̶ayu?

Lucas 21:36

Maud̶eeba ãrea kauwa panásturu. Dachi Akõremaa ewaricha ʉtaa id̶i panásturu mau ewari kachiruad̶ebena ichiba karibamera maud̶e mʉ, chi Ẽbẽra Ba B̶uad̶a daad̶e perad̶awẽa panad̶ai baita».

Hechos 19:10

Año ome maka wausii. Maka joma Asia druad̶ebena judiorãba maud̶e judiowãerãba Dachi Mechiu Jesús ʉ̃rʉbena ũrisid̶au.

Hechos 19:8

Jed̶ako õbea Pablo judiorã araa ãbua imibadau deed̶aa wã b̶uabachii. Aria wapeawẽa judiorã ome berrea b̶uabachii Dachi Akõreba ichi warr Jesusd̶eeba, ichid̶irã ichi juad̶e ua b̶uu ʉ̃rʉbena, mau ãchiba ijãad̶amera.

Hechos 20:11

Pablo waya ded̶e ed̶a wãped̶a pan b̶ʉaped̶a, kosii. Maabae wabid̶a berrea b̶uud̶e ewarisiid̶e wãsii.

Hechos 20:19

Mʉʉba chi Dachi Akõreba waubi b̶uu wau b̶uasiid̶e chi aude mechiu nibai kʉ̃riabasii. B̶esed̶e jẽa b̶uabachii, judiorãba mʉ kachirua wau kʉ̃ria panasiid̶eeba.

Hechos 20:7

Maabae nabena ewari misad̶e Jesusd̶e ijãabadaurã ome araa ãbua panasid̶aud̶e pan b̶ʉad̶aped̶a kosid̶au. Maud̶e Pabloba jaradea b̶uasii. Norema wãi b̶uud̶eeba ẽsabud̶e ẽsab̶aare baaruud̶aa berrea b̶uasii.

Hechos 24:17

»Mʉ Jerusalend̶ebena ãyaa wãd̶a año ãrea bad̶akare, waya araa neesii, chi mʉ puurud̶ebenarã chi nejarr barauwãe nureemaa chi nejarra deai baita maud̶e Dachi Akõremaa ãnimara baa deai baita.

1 Corintios 4:14

Mʉʉba mau b̶ʉ kub̶uwẽe machi kĩrakayabiai baita. Maumaarã mʉ warrarã kĩra machi kʉ̃ria b̶uud̶eeba maka b̶ʉ kub̶uu jipa kʉ̃risiabiai baita.

Filipenses 3:18

B̶es ãrea mʉʉba nau machimaa jarasii maud̶e jẽa b̶uuba waya jaraaruu: ẽbẽrarã ãreaba ãchiba wau panuud̶eeba unubiabadau chi Cristo cruzd̶e biud̶a ʉ̃rʉbena bed̶ea kuitaad̶ai kʉ̃riad̶akau.

Colosenses 1:28

Joma kʉ̃risia kuitaad̶ebena daiba Cristo ʉ̃rʉbena jomaurãmaa jaradea panuu jipa nibad̶amera. Maka daiba ẽbẽrarã joma Cristod̶eeba jomad̶e jipa panuu Dachi Akõremaa unubiad̶ai.

1 Tesalonicenses 5:14

Ãbarã, daiba chi chuburia id̶i panuu chi machi tãed̶e koꞌoa nureerãmaa kĩra ʉb̶ʉa berread̶amera. Chi sõd̶e kĩra nomaa nuree kĩrajʉʉbísturu, maud̶e chi poyaa dauchia jãadua nuread̶awẽa nuree maud̶e chi sõd̶e meserãa wãꞌãe nuree aid̶ásturu. Jomaurã ome dauchia jãadua panásturu.

2 Tesalonicenses 2:5

Machimaa b̶uasiid̶e mʉʉba ¿mau jarawẽa b̶uaska? ¿Kĩrabad̶awẽa panuka?

2 Tesalonicenses 3:8

Daiba machid̶e chiko bari deaped̶aad̶a kod̶aabasii, maumaarã ãyadaa maud̶e ẽsabud̶e kʉrrjĩrud̶awẽa traju wau panasid̶au machid̶ebena ab̶au bid̶a daimaa ne kaebea dearãad̶amera.

2 Timoteo 4:5

Maamina bichi jomad̶e kĩra jipa b̶uase. Joma nebʉrad̶e b̶uud̶e jãadua b̶uase. Bed̶ea biꞌia Cristo ʉ̃rʉbena jaradea b̶uase. Joma bichiba Dachi Akõre baita waui b̶uu jipa wau b̶uase.

Hebreos 13:17

Ãbarã, machi karrarãba jara panuu ijã́sturu. Machi nu panuud̶eeba ãchi juad̶e panásturu. Ãchiba kuitaa panuu Dachi Akõreba ichiaruud̶e joma ãchiba wauped̶aad̶a ichimaa arakʉd̶e jarad̶ai. Maud̶eeba ãchiba jara panuu ijã́sturu. Maka ãchiba kĩrajʉʉ maud̶e kĩra nomaad̶awẽa joma waud̶ai. Machiba maka waud̶awẽa panuud̶eeba ãchi kĩra nomaabiiduubʉrã, machi poyaa biꞌia aid̶abiabasii.

Apocalipsis 16:15

Maarãba hebreo bed̶ead̶e Armagedón abadau druad̶aa chi reyrã chĩod̶e uad̶osid̶au. «¡Ũrísturu! Mʉ nechiru kĩra neei. Biꞌia panad̶ai chi mʉ neeruu esed̶au panuu maud̶e paru uru nuree. Maka mʉ neeruud̶e maarã ewaraa panad̶aabai maud̶e kĩra nejasia panad̶aabai».