Hechos 20:19 - Emberá Chamí

¹⁹ Mʉʉba chi Dachi Akõreba waubi b̶uu wau b̶uasiid̶e chi aude mechiu nibai kʉ̃riabasii. B̶esed̶e jẽa b̶uabachii, judiorãba mʉ kachirua wau kʉ̃ria panasiid̶eeba.

Hechos 20:19 ပူးပေါင်းရင်းမြစ်များ

Lucas 19:41

Jesús Jerusalén kaita baaruud̶e chi puuru unusiid̶e. Mau puuru kakua jẽasii.

Juan 12:26

Barikia mʉ baita bari trajabarii ba kʉ̃ria b̶uubʉrã, mʉ baara nibai b̶uu. Mʉ wãaruumaa, mʉ baita bari trajabarii sid̶a wãi. Barikiu mʉ baita bari trajabariibʉrã, mʉ Chachaba mau chi mechiu b̶ui.

Hechos 17:13

Maumisa judiorã Tesalónica puurud̶ebenarãba kuitaasid̶au Pabloba Dachi Akõre bed̶ea Berea puurud̶e jaradea b̶uu. Maud̶eeba araa wãsid̶aud̶e arabenarã kĩrubikabiasid̶au kachirua waud̶amera.

Hechos 17:5

Maamina judiorã Jesusd̶e ijãawẽa nuree sõd̶e kachirua duaneesid̶au. Maud̶eeba ẽbẽra kachiruarã ãrea jʉrʉd̶aped̶a puuru kĩrubikabiad̶e wãsid̶au. Ãchi kʉ̃ria, Jasón ded̶e ed̶a wãd̶aped̶a, Pablo maud̶e Silas jidausid̶au jomaurã daad̶e ãchi nebʉra ichiad̶ai baita.

Hechos 20:3

Aria jed̶ako õbea b̶uasii. Pablo Siria druad̶aa jãbad̶e wãi baita kub̶ud̶e kuitaasii judiorãba ichi kachirua waud̶ai baita bed̶ea deasid̶au. Maud̶eeba Macedonia druad̶aa wãsii.

Hechos 20:31

Maud̶eeba kauwa panásturu. Kĩrabásturu mʉʉba año õbea ãyadaa maud̶e ẽsabud̶e jẽa b̶uuba machicha chi setaa jaradeabadaurã ʉ̃rʉbena kauwa nuread̶ai jara b̶uasii.

Hechos 21:27

Maamina 7 ewari bamaa b̶uud̶e waabenarã judiorã Asia druad̶ebena Dachi Akõre de mechiu dud̶a panasid̶au. Mau judiorãba Pablo unusid̶aud̶e joma ẽbẽrarã aria duanuu kĩrubikad̶aped̶a Pablo jidausid̶au.

Hechos 27:23

Mʉ Dachi Akõred̶ebʉ. Ichid̶e ijãa nii. Ẽsabud̶e ara mau Dachi Akõred̶e ángel mʉʉmaa unubisii.

Romanos 1:1

Mʉ Pablobʉ, Jesucristo baita bari trajabariibʉ. Dachi Akõreba mʉ jʉrʉ adausii Jesucristoba bʉid̶a b̶uamera maud̶e b̶usii chi bed̶ea bia Dachi Akõre ʉ̃rʉbena jaradead̶e wãmera.

Romanos 1:9

Dachi Akõreba kʉ̃ria b̶uu joma mʉ sõd̶eeba wau b̶uu chi bed̶ea bia ichi Warr ʉ̃rʉbena jaradea b̶uud̶eeba. Ichiba kuitaa b̶uu mʉʉba ʉtaa id̶iiruucha machi baita ʉtaa id̶ibarii.

Romanos 12:11

Koꞌoa panarã́sturu, maumaarã chokekea panásturu. Chi Dachi Mechiu Jesusba kʉ̃ria b̶uu sõd̶eeba joma wáusturu.

2 Corintios 2:4

Biawãra mau karta b̶ʉsii machi iadaai baita. Maamina maka b̶ʉʉbasii machi kĩra nomaad̶amera, maumaarã kuitaad̶amera mʉʉba machi biawãra kʉ̃ria b̶uu. Maud̶eeba mʉʉba kĩra nomaad̶eeba, ãrea kʉ̃risia b̶uud̶eeba maud̶e jẽa b̶uud̶eeba mau karta b̶ʉ b̶uasii.

2 Corintios 3:5

Daiba poyaa jarad̶aabai ara dai du ab̶a Dachi Akõre traju poyaa waud̶ai panuu. Maumaarã kuitaa panuu Dachi Akõred̶eeba joma poyaa waud̶ai.

2 Corintios 7:5

Macedonia druad̶e neesid̶aud̶e dai poyaa kʉrrjĩrud̶awẽa panasid̶au, maumaarã ne jomad̶e ãrea biꞌiwãe panasid̶au. Ẽbẽrarã dai ome oa kachirua berreabachid̶au maud̶e dai ne wapea nibabachid̶au.

Gálatas 1:10

Maka jara b̶uud̶eeba mʉʉba jʉrʉwẽa b̶uu ẽbẽrarãba mʉ biꞌia unud̶amera, maumaarã kʉ̃ria b̶uu Dachi Akõréburu mʉ biꞌia unumera. Cristod̶e ijãai naed̶e mʉʉba jʉrʉ b̶uabachii ẽbẽrarãba mʉ biꞌia unud̶amera. Wabid̶a maka wau b̶uasirã, mʉ Cristo baita bari trajabarii b̶uabai basii.

Efesios 6:7

Machi chibariba jara b̶uu waumaa panuud̶e, sõbiad̶eeba wáusturu Dachi Mechiu baita wau panuu kĩra. Kʉ̃risiarã́sturu nau iujãad̶ebena chibari báitaburu maka traja panuu.

Filipenses 3:18

B̶es ãrea mʉʉba nau machimaa jarasii maud̶e jẽa b̶uuba waya jaraaruu: ẽbẽrarã ãreaba ãchiba wau panuud̶eeba unubiabadau chi Cristo cruzd̶e biud̶a ʉ̃rʉbena bed̶ea kuitaad̶ai kʉ̃riad̶akau.

Colosenses 3:24

Machi Dachi Mechiu Cristo baita bari trajabadaurãbʉ. Machiba kuitaa panuu ichi baita biꞌia wau panuud̶eeba, ichiba machimaa chi adaud̶ai panuu deai.

1 Tesalonicenses 1:9

Ara ãchiba jara panuu saka machiba dai deed̶aa urúbad̶e aped̶aad̶a, maud̶e Dachi Akõre kuenda juaba ne kaped̶aad̶arã ida b̶usid̶au Dachi Akõre biawãra chokae nii ijãad̶ai baita.

2 Timoteo 1:4

Mʉʉba bichi jẽad̶a ʉ̃rʉbena kʉ̃risiaruud̶e ichiad̶e wã kʉ̃ria b̶uabarii kĩrajʉʉ ãrea b̶uai baita.

Santiago 1:2

Ãbarã, barikia ãrea biꞌiwãe panuud̶e kĩrajʉʉ panásturu.

1 Pedro 1:6

Maud̶eeba ãrea kĩrajʉʉ panuu. Ara ʉ̃raud̶aa ne aꞌawaraad̶eeba machi ãrea biꞌiwãe panumina,

2 Pedro 1:1

Mʉ Simón Pedrobʉ, Jesucristo baita bari trajabariibʉ maud̶e ichiba bʉid̶abʉ. Mʉʉba nau karta b̶ʉʉruu chi Dachi Akõred̶e maud̶e Dachi Karibabarii Jesucristod̶e ijãabadaurã baita. Ichi jipa niid̶eeba, dai ome arab̶aud̶e biꞌia ijãa panuu.

Apocalipsis 7:15

Maud̶eeba maarã Dachi Akõre rey ãkau jãkaa duanuu. Ichi ded̶e ãyadaa maud̶e ẽsabud̶e ichi baita ne wau panuu. Maud̶e chi ãkaud̶e akʉ b̶uu maarã baara b̶uai.