Hechos 2:47 - Emberá Chamí

⁴⁷ Ãchiba Dachi Akõremaa biꞌia berreabachid̶au. Maud̶e waabenarãba ãchi biꞌia unubachid̶au. Maud̶e Dachi Mechiuba ewaricha ẽbẽrarã karibabachii. Maka Dachi Akõreba ãchi ãrea bawaabiasii.

Hechos 2:47 ပူးပေါင်းရင်းမြစ်များ

Lucas 19:48

Maamina poyaa bead̶aabasii jomaurãba ichi bed̶ea ewaricha ũribadaud̶eeba.

Lucas 2:52

Jesús kakua meserãa warisii maud̶e ewaricha ne kuitaa kãribasii. Dachi Akõreba maud̶e ẽbẽrarãba ichi biꞌia unusid̶au.

Hechos 11:21

Dachi Mechiuba ichi poyaad̶eeba ãchi aid̶akuasii. Maud̶eeba ãchiba jara panuu ãreaba ijãasid̶au. Ãchiba chi naed̶e kachirua kʉ̃risia badaped̶aad̶a ida b̶ud̶aped̶a Jesucristod̶e ijãa kopaneesid̶au.

Hechos 13:48

Judiowãerãba mau ũrisid̶aud̶e kĩrajʉʉsid̶au. Ara makʉd̶e chi Dachi Mechiu bed̶ea biꞌia b̶uu asid̶au. Chi Dachi Akõreba ewaricha ichi baara chokae nuread̶ai duanud̶aba ijãasid̶au.

Hechos 14:1

Iconio puurud̶e ãchiba waubadau kĩra Pablo maud̶e Bernabeba judiorã araa ãbua imibadau ded̶e ed̶a wãsid̶au. Ãchiba jaradea panuu kakua ãrea judiorã maud̶e griegorãba Jesusd̶e ijãasid̶au.

Hechos 14:21

Derbe puurud̶e Pablo maud̶e Bernabeba chi bed̶ea bia Jesús ʉ̃rʉbena jarasid̶aud̶e ãreaba ijãasid̶au. Mau maad̶akare Listra puurud̶aa, Iconio puurud̶aa maud̶e Antioquiad̶aa waya wãsid̶au.

Hechos 16:5

Maka ãbarãba Dachi Mechiud̶e biꞌia ijãasid̶au maud̶e ewaricha ãrea maucha imisid̶au.

Hechos 17:12

Mauba ãrea judiorãba Jesusd̶e ijãasid̶au. Maud̶e ãrea griego wẽrarã chi mechiurãba maud̶e mukĩrarãba ijãasid̶au.

Hechos 2:39

Dachi Akõre chi Mechiuba ichi Jauri deai jarad̶a machi baita b̶uu, machi warrarã baita b̶uu maud̶e ẽbẽrarã kaitawẽ nureerã baita b̶uu. Joma chi Dachi Akõre Mechiuba iukua b̶uu ẽbẽrarã baita b̶uu.

Hechos 2:41

Ãrea ẽbẽrarãba ichi bed̶ea ijãad̶aped̶a boro easid̶au. Mau ewarid̶e chi Jesusd̶e ijãaped̶aad̶a 3.000 panasid̶au.

Hechos 4:21

Maabae chi karrarã aria duanuuba maucha jarasid̶au maka jarabirãad̶amera. Ãchiba jidau panasmina kastikad̶ai baita, ẽbẽrarã kakua wapea duanuud̶eeba ida b̶usid̶au. Ẽbẽrarã joma Dachi Akõremaa biꞌia berreasid̶au,

Hechos 4:33

Jesusba bʉid̶arãba Dachi Akõre poyaad̶eeba Dachi Mechiu Jesús chokae jiradud̶a ʉ̃rʉbena arakʉd̶e jaradeabachid̶au. Maud̶e Dachi Akõreba ichi sõbiad̶eeba ãbarã ãrea aid̶abachii.

Hechos 4:4

Maamina chi Pedroba jaradea b̶uad̶a ũri panad̶a ãreaba Jesusd̶e ijãasid̶au. Chi maarã mukĩrarã 5.000 basii.

Hechos 6:1

Mau ewarid̶e chi Jesusd̶e ijãabadaurã maucha aude baraasii. Maud̶e chi griego bed̶ead̶e berreabadaurã judiorãba chi hebreo bed̶ead̶e berreabadaurã kachirua jara kopaneesid̶au. Jarasid̶au ãbarãba pẽdrãarã ewaricha aid̶aaduud̶e ãchi pẽdrãarã aid̶ad̶akau.

Hechos 6:7

Maud̶e ãbarãba Dachi Akõre bed̶ea aude jarasid̶au. Maka chi Jesusd̶e ijãabadaurã Jerusalend̶e maucha aude baraasii. Mau awara ãrea paarerã bid̶a ijãasid̶au.

Hechos 9:31

Maumisa Judea druad̶e, Galilea druad̶e maud̶e Samaria druad̶e ãbarã jirukaraayuwãe duanasid̶au maud̶e ne baraakuasid̶au. Dachi Mechiu wapea panuud̶eeba nibasid̶au maud̶e Dachi Akõre Jauri poyaad̶eeba ãbarã aude baraasii.

Hechos 9:35

Lida puurud̶e panabadaurã maud̶e Sarón druad̶e panabadaurã jomaurãba Eneas aribiabid̶a unusid̶aud̶e, Dachi Mechiud̶e ijãasid̶au.

Romanos 14:18

Chi maka Cristo baita ne waubadaurã Dachi Akõreba biꞌia unu b̶uu. Ẽbẽrarã bid̶a mau biꞌia unubadau.

Romanos 8:30

Dachi Akõreba chi ichiba naed̶e duanud̶arã iukuasii, ichi Warr Jesús kĩra nuread̶amera. Chi ichiba iukuad̶a chi ichid̶irã jipa nuree baara b̶usii. Chi ichiba chi ichid̶irã jipa nuree baara duanud̶arãmaa ichi biꞌia niid̶ebena deai.

Romanos 9:27

Maud̶e Isaiasba israeld̶ebenarã ʉ̃rʉbena naka jarasii: «Israeld̶ebenarã ãrea panuu mar ibu kĩra. Maamina ãchi ãreawãe karibad̶ai Dachi Mechiuba nau iujãad̶e nuree isa joma kastikakuaid̶eeba».

1 Corintios 1:18

Chi tʉbʉchia kiikaud̶aa wãd̶ai ẽbẽrarãmaarã, Cristo cruzd̶e biud̶a ʉ̃rʉbena bed̶ea kĩranema berrea b̶uu. Maamina dachi, chi Dachi Akõreba karibabadaurã, dachiba kuitaa panuu mau bed̶eaba Dachi Akõre poyaabarii kuitaabia b̶uu.