Hechos 2:40 - Emberá Chamí

⁴⁰ Pedro ãrea berreasii ãchiba ijãad̶amera. Naka jara b̶uasii: —¡Dachi Mechiuba chi id̶ibaebena ẽbẽrarã kachirua waubadaud̶ebena ãyaa wã́sturu!

Hechos 2:40 ပူးပေါင်းရင်းမြစ်များ

Mateo 12:34

¡Ẽbẽrarã dama! ¿Machi chi kachiruarãba saka ne bia berread̶aima? Ẽbẽraba ichi sõd̶e kʉ̃risia b̶uu kĩra, maka berreabarii.

Mateo 16:4

Machi chi id̶ibaebenarã kachiruarãba Dachi Akõred̶e ijãad̶ai ida b̶u panuu. Id̶i panuu mʉʉba ẽbẽrarãba ne poyaa waud̶akau waumera. Maamina mʉʉba maka waubai. Machiba ab̶aburu Jonás maka b̶uad̶a kĩra unud̶ai». Maabae Jesús ãchi b̶ʉiped̶a wãsii.

Mateo 17:17

Jesusba jarasii: —¡Machiba Dachi Akõred̶e ijãad̶akau! ¡Machi chi kachirua nuree! Machiba ijãad̶amera ¿sakaed̶aa mʉ dauchia jãadua b̶uaima? Warr namaa enésturu.

Mateo 23:33

»¡Machi dama kachirua kĩra nuree! ¿Dachi Akõreba machi nebʉra baraa panuu aped̶a, tʉbʉchia aoko kub̶uu kiikaud̶e bʉibai b̶uu a kʉ̃risia panuu kĩra?

Marcos 8:38

Ab̶auba mʉ ʉ̃rʉbena kĩrakayaaruubʉrã maud̶e mʉ bed̶ead̶e, mʉ, chi Ẽbẽra Ba B̶uad̶a neeruud̶e mau ẽbẽra kakua kĩrakaya b̶uai. Mau ewarid̶e mʉ Chachaba mʉʉmaa poyaabarii dead̶ad̶eeba neei, chi ichi angelerã biꞌia nuree baara».

Lucas 21:36

Maud̶eeba ãrea kauwa panásturu. Dachi Akõremaa ewaricha ʉtaa id̶i panásturu mau ewari kachiruad̶ebena ichiba karibamera maud̶e mʉ, chi Ẽbẽra Ba B̶uad̶a daad̶e perad̶awẽa panad̶ai baita».

Juan 21:25

Wabid̶a maucha Jesusba waukuad̶a barau. Maamina joma mau kartad̶e ab̶aab̶aa b̶ʉʉduubarã, mʉʉmaarã mau karta b̶ʉkuad̶a nau iujãad̶e kabeebai basii.

Hechos 10:42

Jesusba dai bʉisii joma ẽbẽrarãmaa naka jarad̶amera: Dachi Akõreba ichi b̶usii chi chokae nuree maud̶e biuped̶aad̶a ãchi juez b̶uamera.

Hechos 15:32

Judas maud̶e Silas Dachi Akõre baita berreabadaurã basii. Maud̶eeba ne ãrea jarasid̶au ãbarãba biꞌia ijãad̶amera maud̶e chaarea panad̶amera.

Hechos 20:11

Pablo waya ded̶e ed̶a wãped̶a pan b̶ʉaped̶a, kosii. Maabae wabid̶a berrea b̶uud̶e ewarisiid̶e wãsii.

Hechos 20:2

Joma mau druad̶e nibasiid̶e ãbarã aid̶abachii Dachi Mechiud̶e biꞌia ijãad̶amera. Maabae Grecia druad̶e neesii.

Hechos 20:21

Judiorãmaa maud̶e judiowãerãmaa mʉʉba jarasii kachirua waubadau ida b̶ud̶aped̶a Dachi Akõremaa need̶amera maud̶e Dachi Mechiu Jesucristod̶e ijãad̶amera.

Hechos 20:24

Maamina mʉʉba mau ʉ̃rʉbena kʉ̃risiakau, mʉ biꞌia b̶uai jʉrʉwẽed̶eeba. Ab̶aburu chi Dachi Mechiu Jesusba mʉʉmaa waubi b̶uu mau joma wau kʉ̃ria b̶uu. Mauburu chi bed̶ea bia Dachi Akõreba ichi sõbiad̶eeba kariba b̶uu ʉ̃rʉbena mʉʉba jara b̶uai.

Hechos 20:9

Maud̶e kũudrãa Eutico abadau poraa kaebeu boroa ichiabadaumare akʉ b̶uasii. Pablo ãrea berreamaa b̶uud̶eeba mau kũudrãa dapokeaba kãi nub̶eeped̶a, de jã ʉtʉ õbead̶ebena b̶aesii. Jiradubid̶e wãsid̶aud̶e biu nub̶uu unusid̶au.

Hechos 28:23

Maud̶e ãchiba ewari ab̶a b̶usid̶au. Mau ewari neesiid̶e ẽbẽrarã ãrea Pablo b̶uumaa neesid̶au. Daped̶eed̶ebena ab̶a kewaraad̶aa Pabloba berreamaa b̶uasii Dachi Akõreba ichid̶irã ichi juad̶e ua b̶uu ʉ̃rʉbena. Moisesba b̶ʉd̶ad̶eeba maud̶e Dachi Akõre baita berreabadaurãba b̶ʉped̶aad̶ad̶eeba jaradea b̶uasii Jesusd̶e ijãad̶amera.

Hechos 4:36

Maka wausii ẽbẽra Levid̶ebena need̶a, Joseba. Mau mukĩra Chipre islad̶ebena basii. Mau chi Jesusba bʉid̶arãba Bernabé abachid̶au (mau jara b̶uu «Kĩrajʉʉbibarii»).

2 Corintios 5:20

Maud̶eeba Cristoba dai bʉisii ichi baita berread̶amera. Daid̶eeba Dachi Akõreba machi iu b̶uu ichi ome waya ãbua panad̶amera. Daiba Cristo trʉ̃d̶eeba chi chuburia id̶iiduu: Dachi Akõre ome waya ãbua panásturu.

2 Corintios 6:17

Maud̶eeba Dachi Mechiuba naka jarasii: «Maarãd̶ebena ãyaa wã́sturu. Maarã ome araa ãbua panarã́sturu. Mʉʉba chi biꞌia unukau ida b̶ústuru. Maabae mʉʉba machi biꞌia irsibii.

Gálatas 5:3

Waya mʉʉba jaraaruu: barikia mukĩraba ichi mukĩra chi kakua tõobiiruubʉrã, Moisesba b̶ʉd̶a joma wau b̶uai b̶uu.

Efesios 4:17

Machiba biawãra waud̶amera, mʉʉba Dachi Mechiu trʉ̃d̶eeba nau jaraaruu: waa Dachi Akõre adua nuree kĩra nibarã́sturu. Ãchi kʉ̃risia biꞌiwãe nureed̶eeba nibabadau.

Filipenses 2:15

Maka machi ʉ̃rʉbena kachirua jarad̶ayuswãe nuread̶ai maud̶e jipa nuread̶ai. Ẽbẽrarã ãrea kachirua waubadau tãed̶e panumina kachiruaswãe panásturu. Dachi Akõre warrarãd̶eeba ãchi tãed̶e ʉtarebena pusterrea ted̶echoabadau kĩra nuree.

1 Tesalonicenses 2:11

Mau awara kuitaa panuu chi akõreba ichi warrarã ome waubarii kĩra daiba machicha maka wau panasid̶au.

1 Timoteo 4:16

Ara bichi ʉ̃rʉbena maud̶e bichiba jaradea b̶uu ʉ̃rʉbena kauwa b̶uase. Joma mau jipa wau nibase. Maka wau niibʉrã bichi karibai. Bichiba jaradea b̶uu ũri panuu sid̶a karibad̶ai.

1 Pedro 5:12

Ãba Silvanoba nau karta cheke aid̶a b̶ʉsii. Mʉʉba kuitaa b̶uu ara ichiba jara b̶uu kĩra joma waubarii. Nau kartad̶eeba mʉʉba machi aid̶a kʉ̃ria b̶uu biꞌia ijãad̶amera. Maud̶e kuitaabiai kʉ̃ria b̶uu biawãra Dachi Akõreba ichi sõbiad̶eeba aid̶a b̶uu. Mau ijãa panásturu.