Hechos 2:20 - Emberá Chamí

²⁰ Dachi Mechiuba nebʉra kastikai ewari neei naed̶e ʉmada kii. Maud̶e jed̶ako oa bai. Mau ewari chi mechiu mia pera bai.

Hechos 2:20 ပူးပေါင်းရင်းမြစ်များ

Mateo 24:29

»Ẽbẽrarã ãrea biꞌiwãe panaped̶aad̶akare ara makʉd̶e ʉmada pãriui. Jed̶ako sid̶a pãriui. Pusterrearã bajãad̶ebena b̶aed̶ai. Joma bajãad̶e b̶ee urid̶ai.

Mateo 27:45

Ʉmada jipad̶ebena ʉmada b̶aare baaruud̶aa joma pãriu nub̶eesii.

Marcos 13:24

»Ẽbẽrarã ãrea biꞌiwãe panaped̶aad̶akare ʉmada pãriui. Jed̶ako sid̶a pãriui.

Lucas 21:25

»Machiba ʉmada, jed̶ako maud̶e pusterrearã kĩra awara unud̶ai. Mauba unubiai ewari kachirua neeruu. Maud̶eeba nau iujãad̶e ẽbẽrarã ãrea perad̶ai. Maarãba kãare kʉ̃risiad̶ai aduad̶ai mard̶ebena ʉ̃rape ãrea arraaid̶eeba.

Hechos 2:19

Mau ewarid̶e ẽbẽrarãba ne poyaa waud̶akau bajãad̶e unubiai. Maud̶e iujãad̶e unubiakuai. Oa, aoko maud̶e nari unubiai.

Hechos 2:21

Maamina chi Dachi Mechiumaa chi chuburia id̶iiduu joma karibai”.

1 Corintios 5:5

mau ẽbẽra kastikad̶amera. Mau ãyaa duabʉid̶ai panuu, Satanasba ãrea biꞌiwãe b̶uabimera. Makaaduubʉrã nau kakuaba kachirua wau kʉ̃ria b̶uu ida b̶ui. Maud̶e Dachi Mechiu neei ewarid̶e ichi karibai.

1 Tesalonicenses 5:2

machiba ãrea kuitaa panuud̶eeba Dachi Mechiuba kastikai ewari maka neei nechiru ẽsabud̶e neebarii kĩra.

2 Pedro 3:10

Dachi Mechiuba kastikai ewari bai nechiru neebarii kĩra. Mau ewarid̶e kachirua ãrea ʉrʉrʉaped̶a bajãa wãꞌãebii. Ne joma dachiba bajãad̶e unubadau baawãi. Maud̶e nau iujãa maud̶e ne joma nau iujãad̶e nuree baawãi.

2 Pedro 3:7

Ara mau kĩra Dachi Akõre bed̶eaba nau iujãa maud̶e bajãa nu uru b̶uu maud̶e ichiba kastikai ewarid̶e tʉbʉchiad̶e baai. Mau ewarid̶e chi ichi kʉ̃riad̶akaurã nebʉra ichiaped̶a joma kastikai.

Apocalipsis 16:8

Mau maad̶akare june ab̶a angelba ichi sãud̶e uru b̶uad̶a ʉmada ʉ̃rʉ eabʉisii. Mauba chi ʉmada aude koabisii ẽbẽrarã baamera.

Apocalipsis 6:12

Mau maad̶akare mʉʉba unusii chi Oeja Kaebe Niiba chi wãa kub̶uu maucha oetaaruu. Maud̶e ioromia ãrea urisii. Ʉmada pãriusii paru parr ab̶a biud̶akare jʉ̃badau kĩra. Jed̶ako joma oa kĩra puria kob̶eesii.