Hechos 19:9 - Emberá Chamí

⁹ Maamina waabenarã sõ chaareakuad̶aped̶a ijãad̶aabasii. Ẽbẽrarã daad̶e Jesús chi O ʉ̃rʉbena kachirua berreabachid̶au. Maud̶eeba Pablo jãmabena ãyaa wãsii. Ichiba chi ijãabadaurã jaradeabadau deed̶aa adoesii. Mau de Tiranod̶e basii. Aria ewaricha jaradeabachii.

Hechos 19:9 ပူးပေါင်းရင်းမြစ်များ

Mateo 15:14

Maud̶eeba fariseorã kakua kʉ̃risiarã́sturu. Ãchi o unubibadaurã dau pãriu nuree kĩra panuu. Dau pãriu niiba ab̶a dau pãriu niimaa o jaradearuud̶e, omea chob̶ead̶e b̶ae wãd̶ai.

Mateo 16:4

Machi chi id̶ibaebenarã kachiruarãba Dachi Akõred̶e ijãad̶ai ida b̶u panuu. Id̶i panuu mʉʉba ẽbẽrarãba ne poyaa waud̶akau waumera. Maamina mʉʉba maka waubai. Machiba ab̶aburu Jonás maka b̶uad̶a kĩra unud̶ai». Maabae Jesús ãchi b̶ʉiped̶a wãsii.

Mateo 26:55

Maabae Jesusba waabenarãmaa id̶isii: —Machi ¿sakãe machi espada maud̶e bakuru baara imisid̶ama mʉ jidaud̶ayua ẽbẽra mia kachirua nii jidauduu kĩra? Mʉʉba ewaricha Dachi Akõre de mechiu dud̶a machimaa jaradea akʉ b̶uabachii. ¿Sakãe mʉ aria jomaurã daad̶e jidaud̶aabasma?

Juan 12:40

«Mʉʉba ãchi dau pãriu nuree kĩra b̶usii maud̶e sõ chaarea b̶usii ãchi dauba unu panumina kuitaarãad̶amera maud̶e ũri panumina sõd̶eeba ũrirãad̶amera. Maka panuud̶eeba mʉʉmaa need̶akau mʉʉba aribiabiamera».

Hechos 11:26

Aria año ab̶a ijãabadaurã baara paneesid̶au, maud̶e ãrea ẽbẽrarãmaa Jesucristo ʉ̃rʉbena jaradeabachid̶au. Mau Antioquía puurud̶e ẽbẽrarãba chi Jesusd̶e ijãabadaurã “cristiano” abachid̶au. Mau chi nabena ewari basii maka trʉ̃aped̶aad̶a.

Hechos 14:4

Maamina mau puurud̶ebenarãba aꞌawaraa kʉ̃risia nureasii. Chi nuree judiorã baara panasid̶au maud̶e chi waabenarã Pablo maud̶e Bernabé baara panasid̶au.

Hechos 17:4

Chi nuree judiorãba mau ijãad̶aped̶a Pablo maud̶e Silas ome ãbua paneesid̶au. Maud̶e ãrea griegorã Dachi Akõre wapea nureeba maud̶e chi nuree wẽrarã mechiurãba ijãasid̶au.

Hechos 19:23

Mau ewarid̶e Jesús Od̶e duanuu kakua ẽbẽrarã ãrea kĩrubikasid̶au.

Hechos 19:30

Pablo aria ẽbẽrarã ome berread̶e wã kʉ̃ria b̶uasii, maamina chi Jesusd̶e ijãabadaurãba ida bʉid̶aabasii.

Hechos 20:31

Maud̶eeba kauwa panásturu. Kĩrabásturu mʉʉba año õbea ãyadaa maud̶e ẽsabud̶e jẽa b̶uuba machicha chi setaa jaradeabadaurã ʉ̃rʉbena kauwa nuread̶ai jara b̶uasii.

Hechos 22:4

Mauba, mʉʉba chi O Wid̶i ijãa panuurã wãraa b̶uabachii. Mukĩrarã maud̶e wẽrarã jʉ̃a bʉikabiabachii. Maud̶e chi nuree beabiasii.

Hechos 24:21

Ab̶aburu poyaa jarad̶ai mʉʉba naka jĩwa jarasii: “Id̶i machiba mʉ kachirua jara panuu chi biud̶arã chokae jiradud̶ai ijãa b̶uu kakua”.

Hechos 28:22

Maamina daiba kuitaa panuu joma druacha mau kʉ̃risia wid̶i ʉ̃rʉbena kachirua berrea panuu. Maud̶eeba ũri kʉ̃ria panuu bichiba saka kʉ̃risia b̶uu.

Hechos 7:51

»¡Machi sõ chaarea nuree! ¡Sõd̶eeba ijãad̶akau! Dachi Akõre bed̶ea ũri kʉ̃riad̶akau. Dachi Akõre Jauriba jara b̶uu machiba ewaricha ida b̶ubadau. Ara machi nabẽraed̶ebenarã kĩra nuree.

Romanos 11:7

¿Mau ʉ̃rʉbena saka kʉ̃risia panuma? Israeld̶ebenarãba Dachi Akõre puuru bad̶ai jʉrʉ panasmina makad̶aabasii. Maamina israeld̶ebenarã ãreawãe panuuba ijãasid̶au, Dachi Akõreba jʉrʉ adausiid̶eeba. Waabenarãba ijãad̶ai kʉ̃riad̶aabasii.

Romanos 9:18

Mauba kuitaabia b̶uu Dachi Akõreba ab̶a bid̶a kĩra chuburiai kʉ̃ria b̶uubʉrã maka waubarii maud̶e ab̶a bid̶a sõ chaarea b̶eebii kʉ̃ria b̶uubʉrã makabibarii.

1 Corintios 16:9

Nama mʉ kĩramaa panumina poyaa Dachi Akõre bed̶ea biꞌia jaradea b̶uai maud̶e ãreaba ijãa panuu.

1 Timoteo 6:5

Mau ẽbẽrarã kʉ̃risia biawãe nuree maud̶e biawãra berrea adua nuree sid̶a barikia oa kachirua berreabadau. Ãchiba kʉ̃risiabadau Dachi Akõred̶e ijãa b̶uud̶eeba chi nejarra adaud̶ai.

2 Timoteo 1:15

Bichiba kuitaa b̶uu joma ãbarã Asia druad̶ebenarãba mʉ istu b̶ʉisid̶au. Maarãd̶ebena ãba Figeloba maud̶e Hermogenesba maka wausid̶au.

2 Timoteo 3:5

Dachi Akõred̶e ijãabadaurã kĩra nuread̶ai maamina ida b̶ud̶aabai Dachi Akõreba ichi poyaabariiba ãchi jipa nureabiamera. Makʉrã ome ãbua b̶uarã́se.

2 Timoteo 4:2

Dachi Akõre Bed̶ea jaradea b̶uase. Ẽbẽrarãba ũri kʉ̃ria panuud̶e maud̶e ũri kʉ̃riad̶awẽa panuud̶e jaradeai baita b̶uase. Biꞌiwãe wau nuree jipa waui kuitaabiáse. Kachirua wau nuree iadaase. Maud̶e ãbarã aid̶ase biꞌia ijãad̶amera. Joma jãadua b̶uud̶eeba, kauwa jaradea b̶uud̶eeba maka wause.

Hebreos 3:13

Wabid̶a ãyadaa b̶uud̶eed̶e ewaricha chiya aid̶a panásturu biꞌia ijãad̶ai baita. Maka ab̶a bid̶a kachiruaba setaa kũruaped̶a sõ chaarea nureabai.

2 Pedro 2:12

Maamina setaa jaradeabadaurãba ãchiba adua panuud̶ebena kachirua berreabadau. Ãnimara kĩra kʉ̃risiaswãe nuree. Ab̶a ãchi kakuaba kʉ̃ria b̶uu waubadau. Ãnimara tobadau ẽbẽrarãba jidaud̶aped̶a bead̶amera. Ara mau kĩra setaa jaradeabadaurã joma biud̶ai.

2 Pedro 2:2

Maarãba waabenarã daad̶e ãrea mianejasia waubadau, ẽbẽrarã ãreaba ara mau kĩra waud̶ai. Maarã ʉ̃rʉbena ẽbẽrarãba chi biawãra bed̶ea kakua kachirua berread̶ai.

Judas 1:10

Maamina chi maarã ẽbẽrarã machi tãed̶e neeped̶aad̶aba, ãchiba adua panuu ʉ̃rʉbena kachirua berreabadau. Ãnimararãba kʉ̃risiabadau kĩra kʉ̃risiabadau maud̶e chi kakuaba waubi kʉ̃ria b̶uu kĩráburu waubadau. Maud̶eeba Dachi Akõreba kastikakuai.