Hechos 19:8 - Emberá Chamí

⁸ Jed̶ako õbea Pablo judiorã araa ãbua imibadau deed̶aa wã b̶uabachii. Aria wapeawẽa judiorã ome berrea b̶uabachii Dachi Akõreba ichi warr Jesusd̶eeba, ichid̶irã ichi juad̶e ua b̶uu ʉ̃rʉbena, mau ãchiba ijãad̶amera.

Hechos 19:8 ပူးပေါင်းရင်းမြစ်များ

Hechos 1:3

Jesús biusiid̶e ãchimaa ara ichi b̶es ãrea unubiasii kuitaad̶amera ichi biawãra chokae jiradusii. Maud̶e ãchimaa jaradeabachii ichid̶eeba, Dachi Akõreba ichid̶irã ichi juad̶e ua b̶uu ʉ̃rʉbena. Cuarenta ewari maka wausii.

Hechos 13:14

Ãchi Perged̶e panaped̶a wãsid̶au Antioquía puurud̶aa. Mau puuru Pisidia druad̶e b̶uu. Aria bari panabadau ewarid̶e judiorã araa ãbua imibadau ded̶e ed̶a wãd̶aped̶a akʉ paneesid̶au.

Hechos 13:46

Mau Pabloba maud̶e Bernabeba wapeawẽa ãchimaa naka jarasid̶au: —Biawãra daiba machimaa Dachi Akõre bed̶ea naa jarad̶ai panasid̶au. Maamina machiba mau bed̶ea ida b̶u panuud̶eeba maud̶e machimaarã ewaricha Dachi Akõre ome chokae b̶uai kʉ̃riad̶awẽed̶eeba, daiba judiowãerãmaa mau bed̶ea jarad̶e wãd̶ai.

Hechos 14:1

Iconio puurud̶e ãchiba waubadau kĩra Pablo maud̶e Bernabeba judiorã araa ãbua imibadau ded̶e ed̶a wãsid̶au. Ãchiba jaradea panuu kakua ãrea judiorã maud̶e griegorãba Jesusd̶e ijãasid̶au.

Hechos 17:17

Maka b̶uud̶e Pablo judiorã araa ãbua imibadau ded̶e ãchi ome maud̶e judiowãerã Dachi Akõre wapea nuree ome Jesús ʉ̃rʉbena berrea b̶uabachii. Mau awara puurud̶e ewaricha ẽbẽrarã ãrea duanuumaa berrea b̶uabachii.

Hechos 18:19

Wãaduud̶e, Éfeso puurud̶e need̶aped̶a Pablo Aquila maud̶e Priscila ome b̶uad̶a ãyaa wãsii. Maud̶e judiorã araa ãbua imibadau deed̶aa wãped̶a judiorã ome Jesús ʉ̃rʉbena berreasii.

Hechos 18:26

Maud̶e Apolosba judiorã araa ãbua imibadau ded̶e wapeawãe jaradea b̶uasii. Ichiba jaradea b̶uu Aquilaba maud̶e Priscilaba ũrisid̶au. Maud̶eeba ichi ãyaa adoed̶aped̶a Dachi Akõre O ʉ̃rʉbena biꞌia jaradeasid̶au.

Hechos 18:4

Bari panabadau ewaricha Pablo judiorã araa ãbua imibadau ded̶e berrea b̶uabachii judiorãba maud̶e griegorãba Jesusd̶e ijãad̶amera.

Hechos 19:10

Año ome maka wausii. Maka joma Asia druad̶ebena judiorãba maud̶e judiowãerãba Dachi Mechiu Jesús ʉ̃rʉbena ũrisid̶au.

Hechos 19:7

Mau ãchi 12 kĩra panasid̶au.

Hechos 19:9

Maamina waabenarã sõ chaareakuad̶aped̶a ijãad̶aabasii. Ẽbẽrarã daad̶e Jesús chi O ʉ̃rʉbena kachirua berreabachid̶au. Maud̶eeba Pablo jãmabena ãyaa wãsii. Ichiba chi ijãabadaurã jaradeabadau deed̶aa adoesii. Mau de Tiranod̶e basii. Aria ewaricha jaradeabachii.

Hechos 20:31

Maud̶eeba kauwa panásturu. Kĩrabásturu mʉʉba año õbea ãyadaa maud̶e ẽsabud̶e jẽa b̶uuba machicha chi setaa jaradeabadaurã ʉ̃rʉbena kauwa nuread̶ai jara b̶uasii.

Hechos 28:23

Maud̶e ãchiba ewari ab̶a b̶usid̶au. Mau ewari neesiid̶e ẽbẽrarã ãrea Pablo b̶uumaa neesid̶au. Daped̶eed̶ebena ab̶a kewaraad̶aa Pabloba berreamaa b̶uasii Dachi Akõreba ichid̶irã ichi juad̶e ua b̶uu ʉ̃rʉbena. Moisesba b̶ʉd̶ad̶eeba maud̶e Dachi Akõre baita berreabadaurãba b̶ʉped̶aad̶ad̶eeba jaradea b̶uasii Jesusd̶e ijãad̶amera.

Judas 1:3

Ãbarã, mʉʉba nau kartad̶e Dachi Akõreba dachi karibad̶a ʉ̃rʉbena b̶ʉ kʉ̃ria b̶uasii. Maamina mʉ baita, bibuara b̶uu jãabae b̶ʉi kauwa panad̶amera. Chi machiba ijãa panuu ab̶aumaa ida ãyaa jaradeabirã́sturu. Dachi Akõreba chi biawãra bed̶ea ichi ẽbẽrarãmaa b̶es ab̶aburu deasii. Diware deakau.