Hechos 19:34 - Emberá Chamí

³⁴ Maamina ichi judio nii kuitaasid̶aud̶e jomaurãba hora ome naka b̶ia jarasid̶au: «¡Ãrea biꞌia nii Artemisa Efesod̶ebena!»

Hechos 19:34 ပူးပေါင်းရင်းမြစ်များ

Mateo 6:7

»Bichiba Dachi Akõremaa ʉtaa id̶iiruud̶e Dachi Akõred̶e ijãad̶akaurã kĩra waurã́se. Ãchiba arab̶au b̶es ãrea jarabadau kʉ̃risia panuud̶eeba ãrea ʉtaa id̶iiduud̶e, Dachi Akõreba biꞌia ũri b̶uu. Maamina machi Akõremaa ʉtaa id̶id̶ai naed̶e, ichiba kuitaa b̶uu machiba kãare kʉ̃ria panuu.

Hechos 16:20

Chi jaradea ua b̶uabadaurã daad̶e nub̶ud̶aped̶a jarasid̶au: —Cha panuu judiorãba dachi puuru kĩrubikabia panuu.

Hechos 19:24

Mau nakabachii: ẽbẽra Demetrio abadau b̶uasii. Mau ẽbẽra chi paratad̶eeba ne waubarii basii. De bistĩikau waubachii, Artemisa de mechiu kĩra. Mau wau b̶uud̶eeba Demetrioba maud̶e chi ichi ome ne waubadaurã bid̶a chi nejarra ãrea irsibibachid̶au.

Hechos 19:26

Maamina machiba unu panuu maud̶e ũri panuu jãu Pabloba Dachi Akõre kĩra nii juaba kaped̶aad̶a chi biawãrawãe abarii. Ichiba nau Efesod̶e maud̶e beraa joma Asia druad̶e maka jara nii. Maud̶eeba ãrea ẽbẽrarãba Artemisa ida b̶uuduu.

Hechos 19:28

Mau bed̶ea ũrisid̶aud̶e ãrea kĩrud̶aped̶a b̶ia jara duaneesid̶au: «¡Ãrea biꞌia nii Artemisa Efesod̶ebena!»

Hechos 19:33

Maka panuud̶e judiorãba Alejandro jʉrʉ adausid̶au ichiba kãare jarai b̶uu a jarad̶ai baita. Maabae chi puuru daad̶e wãbisid̶au, ãchimaa berreamera. Maud̶e Alejandroba juaba chũpeabiasii ichi nebʉra ʉ̃rʉbena arakʉd̶e berreai kʉ̃ria b̶uasiid̶eeba.

Hechos 19:35

Maabae mau puurud̶ebena secretarioba ẽbẽrarã chũpea panabiasii maabae jarasii: «Efesod̶ebenarã, jomaurãba kuitaa panuu, dachi puurud̶ebenarãba chi Artemisa de mechiu b̶uu maud̶e chi ara ichi kĩra juaba kaped̶aad̶a, bajãad̶ebena b̶aed̶a biꞌia nubadau.

Romanos 2:22

Machiba jaradeabadau junebena miakãid̶a ome kãi b̶eebai b̶uu. Maamina machi junebena miakãid̶a ome kãi b̶eebadau. Machiba kʉ̃riad̶akau Dachi Akõre kuenda juaba ne kaped̶aad̶amaa ʉtaa id̶id̶ai. Maamina mau juaba kaped̶aad̶a de mechiud̶e mau nechiruabadau.

Apocalipsis 13:4

Maud̶e ãchiba chi dragonmaa biꞌia berreabachid̶au, mau ãnimaramaa chi poyaabarii dea b̶uasiid̶eeba. Naka jarabachid̶au: «¿Kai nau ãnimara kĩra nima? ¿Kai nau ome poyaa chĩoi b̶uma?»