Hechos 19:21 - Emberá Chamí

²¹ Mau maad̶akare Pabloba ichi sõd̶e kʉ̃risiasii Macedonia druad̶e maud̶e Acaya druad̶e nibaped̶a Jerusalén puurud̶aa wãi. Maud̶e jarasii: «Jerusalend̶e b̶uaped̶a mʉ Roma puurud̶aa wãi b̶uu».

Hechos 19:21 ပူးပေါင်းရင်းမြစ်များ

Hechos 16:12

Arabena Filiposd̶aa wãsid̶au. Mau drua Macedoniad̶ebena puuru mechiu basii. Mau puurud̶e Romad̶ebenarã ãrea panabachid̶au. Aria ewari b̶aꞌãra panasid̶au.

Hechos 18:12

Galión abadau Acaya druad̶ebena chi karr b̶eesiid̶e chi judiorã chiya berread̶aped̶a Pablo jidaud̶aped̶a ichi mau Galión kĩraare adoesid̶au.

Hechos 18:21

Maamina wãaruud̶e naka jarasii: —Dachi Akõreba kʉ̃riaruubʉrã mʉ waya machi ichiad̶e neei. Maabae jãbad̶e atauped̶a Efesod̶ebena wãsii.

Hechos 19:22

Maud̶eeba ichi aid̶abadaurã Timoteo maud̶e Erasto Macedonia druad̶aa naa bʉisii maamina ichi Asia druad̶e b̶eesii.

Hechos 19:29

Maka panuud̶e joma puurud̶ebenarã kuitaa kʉ̃risiad̶awẽa pira wãurisid̶au. Maud̶e waabenarãba Pablo baara nibabadau ome jidaud̶aped̶a teatrod̶aa adoesid̶au: ab̶a Gayo basii maud̶e chi ab̶abena Aristarco basii. Maarã Macedonia druad̶ebena basii.

Hechos 20:16

Pablo Asia druad̶e ãrea b̶uamaaba, Éfeso puurud̶aa wãyaa wãsii. Ichi isa Jerusalend̶aa neei kʉ̃ria b̶uasii, makasirã poyaa neei, Pentecostés ewarid̶e aria b̶uai baita.

Hechos 20:22

»Jãabae Dachi Akõre Jauriba mʉ Jerusalend̶aa wãbi b̶uud̶eeba araa wãi. Maamina mʉʉba adua b̶uu aria mʉ kãare sãai.

Hechos 21:17

Jerusalend̶e neesid̶aud̶e ãbarãba dai ãrea kĩrajʉʉ adoesid̶au.

Hechos 21:4

Aria daiba chi Jesusd̶e ijãabadaurã unuped̶aad̶ad̶eeba ãchi ome 7 ewari paneesid̶au. Maud̶e ãchiba Dachi Akõre Jaurid̶eeba Pablomaa jarasid̶au Jerusalend̶aa wãrãamera.

Hechos 23:11

Mau ẽsabud̶e Dachi Mechiu Pablomaa unubiped̶a naka jarasii: «Pablo, kĩrajʉʉse. Mʉ ʉ̃rʉbena nama Jerusalend̶e berread̶a kĩra Roma puurud̶e bid̶a berreai b̶uu».

Hechos 27:1

Mau ewarid̶e chi jaradea ua b̶uabariiba dai Italia druad̶aa wãd̶ai panuu a jaraped̶a Pablo maud̶e chi nuree jʉ̃a b̶uped̶aad̶a Julio juad̶e b̶usii. Mau Julio kokoroarã Augusto abadaud̶ebena chi jaradea ua b̶uabarii basii.

Hechos 27:24

Mauba mʉʉmaa jarasii: “Wapearã́se, Pablo. Bichi Romad̶ebena chi aude mechiu daad̶e berreai b̶uu. Bichi kakua, Dachi Akõreba joma nau jãbad̶e wãaduu ida kinibiabai”.

Hechos 28:16

Roma puurud̶e neesid̶aud̶e chi jʉ̃a duanuu kokoroarã jaradea ua b̶uabarii juad̶e duanusii. Ichiba Pablo du ab̶a ichi ded̶e ida b̶eebisii. Kokoroa ab̶a b̶usii ichi nu b̶uamera.

Romanos 1:11

Biawãra mʉʉba machi ichia kʉ̃ria b̶uu Dachi Akõre Jaurid̶eeba aid̶ai baita. Maka machi karr chaarea nuread̶ai.

Romanos 1:13

Ãbarã, mʉʉba kʉ̃ria b̶uu machiba kuitaad̶ai biawãra b̶es ãrea machimaa wãi kʉ̃risia b̶uabarii. Maamina wabid̶a poyaa wãwẽa b̶uu. Machimaa wã kʉ̃ria b̶uu mʉʉba jaradea b̶uud̶eeba arabenarãba Jesucristod̶e ijãad̶amera waabenarã druad̶ebenarãba ijãaped̶aad̶a kĩra.

1 Corintios 16:5

Mʉ naa Macedonia druad̶aa wãi b̶uu. Maabae machimaa wãi.

1 Corintios 4:19

Maamina Dachi Mechiuba kʉ̃riaruubʉrã, mʉ machimaa isa wãi. Maud̶e chi mechiu abadauba jara panuu ũrid̶e wãabai, maumaarã ichiad̶e wãi ãchi biawãra Dachi Akõre poyaabarii uru panuu kuitaai baita.

2 Corintios 10:16

Jãabae chi bed̶ea bia Cristo ʉ̃rʉbena waabena druad̶e bid̶a jaradead̶ai. Maamina waabenarãba jaradeaped̶aad̶amaa wãd̶aabai, mau waabenarãba wauped̶aad̶a daiburu wausid̶au ad̶aamaaba.

Gálatas 2:1

Año 14 bad̶akare mʉ Bernabé ome waya Jerusalend̶aa wãsii. Tito sid̶a wãsii.

1 Tesalonicenses 1:7

Maka joma Cristod̶e ijãabadaurã Macedonia druad̶ebenarãba maud̶e Acaya druad̶ebenarãba machi ʉ̃rʉbena ũrisid̶au saka nibad̶ai panuu.