Hechos 18:21 - Emberá Chamí

²¹ Maamina wãaruud̶e naka jarasii: —Dachi Akõreba kʉ̃riaruubʉrã mʉ waya machi ichiad̶e neei. Maabae jãbad̶e atauped̶a Efesod̶ebena wãsii.

Hechos 18:21 ပူးပေါင်းရင်းမြစ်များ

Mateo 26:39

Jesús waa waparaa wãped̶a õdarrd̶e kob̶eeped̶a daub̶ʉʉrʉ jeed̶a tʉped̶a, Dachi Akõremaa ʉtaa id̶isii: «Chacha, bichiba kʉ̃ria b̶uubʉrã, nau biꞌiwãe b̶uai b̶uud̶ebena mʉ karibase. Maamina mʉʉba kʉ̃ria b̶uu waurã́se, maumaarã bichiba kʉ̃ria b̶uu kĩra wause».

Marcos 6:46

Joma wãbiaped̶a ead̶aa Dachi Akõremaa ʉtaa id̶id̶e wãsii.

Lucas 9:61

Maud̶e waabenaba Jesusmaa jarasii: —Mʉ sid̶a bichi baara nibai, maamina mau naed̶e mʉ ded̶ebenarãmaa jarad̶e wãi b̶uu.

Hechos 15:29

Dachi Akõre kuenda juaba ne kaped̶aad̶amaa kiuru baa deaped̶aad̶a kod̶aabai panuu, dachi kakuaba barikia kachirua wau kʉ̃ria b̶uu nibad̶aabai panuu, ãnimara otãabara bead̶a kod̶aabai panuu maud̶e oa sid̶a kod̶aabai panuu. Joma mau wauduubʉrã biꞌia panad̶ai. Biꞌia panásturu.

Hechos 18:19

Wãaduud̶e, Éfeso puurud̶e need̶aped̶a Pablo Aquila maud̶e Priscila ome b̶uad̶a ãyaa wãsii. Maud̶e judiorã araa ãbua imibadau deed̶aa wãped̶a judiorã ome Jesús ʉ̃rʉbena berreasii.

Hechos 18:20

Ãchiba maumaa chi chuburia id̶isid̶au aria ãchi baara maucha ãrea b̶eemera, maamina b̶ee kʉ̃riabasii.

Hechos 18:24

Maumisa judio Apolos abadau Éfeso puurud̶e neesii. Mau Apolos Alejandría puurud̶ebena basii. Mau biꞌia berreabachii maud̶e Dachi Akõre karta ãrea kuitaa nibasii.

Hechos 19:1

Apolos Corintod̶e b̶uumisa Pablo drua ea id̶aa b̶uare wãsiid̶e Éfeso puurud̶e neesii. Aria chi nuree Cristod̶e ijãabadaurã unusii.

Hechos 19:17

Joma Efesod̶e nuree judiorãba maud̶e griegorãba mau kuitaasid̶aud̶e wapeasid̶au. Maud̶e Dachi Mechiu Jesús trʉ̃ ʉ̃rʉbena biꞌia berreasid̶au.

Hechos 19:21

Mau maad̶akare Pabloba ichi sõd̶e kʉ̃risiasii Macedonia druad̶e maud̶e Acaya druad̶e nibaped̶a Jerusalén puurud̶aa wãi. Maud̶e jarasii: «Jerusalend̶e b̶uaped̶a mʉ Roma puurud̶aa wãi b̶uu».

Hechos 20:16

Pablo Asia druad̶e ãrea b̶uamaaba, Éfeso puurud̶aa wãyaa wãsii. Ichi isa Jerusalend̶aa neei kʉ̃ria b̶uasii, makasirã poyaa neei, Pentecostés ewarid̶e aria b̶uai baita.

Hechos 21:14

Maud̶e daiba ichimaa jara paneesid̶au wãrãamera maamina daiba ichi kʉ̃risia poyaad̶aabasii. Maud̶eeba waa mau ʉ̃rʉbena berread̶aabasii. Maumaarã jarasid̶au: —Makase, Dachi Mechiuba kʉ̃ria b̶uu kĩra waui.

Hechos 21:29

Maka jarasid̶au Trófimo Efesod̶ebena Pablo ome puurud̶e niiba unuped̶aad̶ad̶eeba. Kʉ̃risiasid̶au Pabloba Trófimo Dachi Akõre de mechiu kaita ed̶a adoe b̶uasii.

Romanos 1:10

Mʉʉba ʉtaa id̶ibarii ichiba kʉ̃ria b̶uubʉrã mʉ ida machi ichiad̶e wãbimera.

Romanos 15:32

Maka Dachi Akõreba kʉ̃riaruubʉrã, mʉ machimaa kĩrajʉʉ wãi maud̶e machi tãed̶e biꞌia kʉrrjĩru b̶uai.

1 Corintios 15:32

Éfeso puurud̶e Dachi Akõre bed̶ea jaradeai baita mʉ ãrea biꞌiwãe b̶uasii ãnimara kachirua nuree ome chĩo b̶uu kĩra. Biuped̶aad̶a chokae jiradud̶aabaibʉrã, ¿mʉ ãrea biꞌiwãe b̶uasiid̶eeba kãare biꞌia adausma? Biawãra dachi chokae jiradud̶aabaibʉrã, biꞌia b̶uu waud̶ai waabenarãba jarabadau kĩra: «Biꞌia kod̶ai, itua dod̶ai nu biud̶aid̶eeba».

1 Corintios 16:7

Naud̶era poyaa kãꞌãa b̶eebaid̶eeba mʉʉba machi ichiad̶e wã kʉ̃riawẽe. Maamina Dachi Mechiuba kʉ̃riaruubʉrã, machimaa wãaruud̶e kãꞌãa b̶uad̶e wãi.

1 Corintios 16:8

Nama Éfeso puurud̶e b̶uai ab̶a Pentecostés bari panabadau ewari wãꞌãeruud̶aa.

1 Corintios 4:19

Maamina Dachi Mechiuba kʉ̃riaruubʉrã, mʉ machimaa isa wãi. Maud̶e chi mechiu abadauba jara panuu ũrid̶e wãabai, maumaarã ichiad̶e wãi ãchi biawãra Dachi Akõre poyaabarii uru panuu kuitaai baita.

2 Corintios 13:11

Ãbarã, kaad̶eare mʉʉba naka b̶ʉʉruu: kĩrajʉʉ panásturu, waya jipa wau panásturu, mʉʉba jara b̶uu wau panásturu, arab̶au kʉ̃risia uru panásturu maud̶e jirukaraayuwãe panásturu. Makarã chi Dachi Akõreba dachimaa kʉ̃riabiabarii maud̶e jirukaraayuwãe b̶uabiabarii machi ome b̶uai.

Efesios 1:1

Mʉ Pablobʉ. Dachi Akõreba kʉ̃riasiid̶eeba mʉ Jesucristoba bʉid̶abʉ. Mʉʉba nau karta b̶ʉmaa b̶uu joma Dachi Akõred̶erã ẽbẽrarã Jesucristod̶e ijãa nuree Éfeso puurud̶ebenarã baita.

Hebreos 6:3

Dachi Akõreba kʉ̃ria b̶uubʉrã, joma mau ʉ̃rʉbena waya jaradead̶ai bad̶amaarã dachi Cristod̶e wari kãri bad̶ai.

Santiago 4:15

Maud̶eeba biꞌia b̶uu machiba naka jarad̶ayu: «Dachi Mechiuba kʉ̃riaruubʉrã, dachi chokae nuread̶ai. Maabae ne waukuad̶ai».

1 Pedro 3:17

Dachi Akõreba machi biꞌiwãe paneebiaruubʉrã, biꞌia b̶uu ãrea biꞌiwãe paneed̶ai biꞌia wau panuud̶eeba ãrea biꞌiwãe panad̶ai bad̶amaarã kachirua wau panuud̶eeba.

Apocalipsis 1:11

Mauba jarasii: «Bichiba unuuruu kartad̶e b̶ʉped̶a ãbarã 7 puuru b̶eed̶e duanuurãmaa urubʉise: Efesod̶aa, Esmirnad̶aa, Pergamod̶aa, Tiatirad̶aa, Sardisd̶aa, Filadelfiad̶aa maud̶e Laodicead̶aa».

Apocalipsis 2:1

»Chi Éfeso puurud̶ebena ijãabadaurã nubarii ángel baita kartad̶e naka b̶ʉse: »Chi jua biare 7 pusterrea uru b̶uuba maud̶e 7 lámpara nee waud̶a tãed̶e niiba naka jara b̶uu: