Hechos 18:2 - Emberá Chamí

^2-3 Aria judio Aquila abadau unusii. Mau Aquila Ponto druad̶ebena basii. Chi kima Priscila ome Italia druad̶ebena neeped̶aad̶a b̶aꞌãra ba b̶uasii. Italiad̶ebena nee panasii, Romad̶ebena chi karr Claudioba joma judiorã Romad̶e nuree duabʉikasiid̶eeba. Corintod̶e Pablo ãchimaa wãsii ãchi kĩra paru de wau kuitaa b̶uud̶eeba. Maabae ãchi baara b̶eesii ãbua trajai baita.

Hechos 18:2 ပူးပေါင်းရင်းမြစ်များ

Hechos 11:28

Ab̶a Agabo abadau ʉkʉ nub̶eeped̶a Dachi Akõre Jaurid̶eeba jarasii joma nau druad̶e jarrba waud̶ai neei. Mau jarrba biawãra neesii Claudio Romad̶ebena chi aude mechiu basiid̶e.

Hechos 18:18

Pablo Corintod̶e ewari ãrea b̶eesii. Maabae chi ãbarãmaa wãaruu aped̶a, Siria druad̶aa wãsii Priscila maud̶e Aquila baara. Jãbad̶e ataui naed̶e Cencrea puurud̶e Pabloba ichi boro metabisii. Mau wausii unubiyua chi Dachi Akõremaa waui a jarad̶a ichiba mau joma waud̶a.

Hechos 18:26

Maud̶e Apolosba judiorã araa ãbua imibadau ded̶e wapeawãe jaradea b̶uasii. Ichiba jaradea b̶uu Aquilaba maud̶e Priscilaba ũrisid̶au. Maud̶eeba ichi ãyaa adoed̶aped̶a Dachi Akõre O ʉ̃rʉbena biꞌia jaradeasid̶au.

Hechos 2:9

Dachi tãed̶e Partiad̶ebena, Mediad̶ebena, Elamd̶ebena, Mesopotamiad̶ebena, Judead̶ebena, Capadociad̶ebena, Pontod̶ebena, Asiad̶ebena,

Hechos 27:1

Mau ewarid̶e chi jaradea ua b̶uabariiba dai Italia druad̶aa wãd̶ai panuu a jaraped̶a Pablo maud̶e chi nuree jʉ̃a b̶uped̶aad̶a Julio juad̶e b̶usii. Mau Julio kokoroarã Augusto abadaud̶ebena chi jaradea ua b̶uabarii basii.

Hechos 27:6

Aria kokoroarã jaradea ua b̶uabariiba june jãba Alejandría puurud̶ebena unusii. Mau jãba Italia druad̶aa wãaruu basii. Dai ichi baara mau jãbad̶e ataud̶aped̶a wãsid̶au.

1 Corintios 16:19

Ãbarã Asia druad̶ebenarãba kʉ̃ria panuu machi biꞌia panad̶ayu. Ãba Aquilaba, neekau Priscilaba maud̶e ãbarã ãchi ded̶e araa ãbua imibadaurã Dachi Mechiud̶eeba kʉ̃ria panuu machi biꞌia panad̶ayu.

2 Timoteo 4:19

Ãba Aquilamaa maud̶e Priscamaa jarase mʉʉba jarabʉi b̶uu ãchi biꞌia panad̶ai. Ara mau kĩra ãba Onesíforo ded̶ebenarãmaa jarase.

Hebreos 13:24

Ãbarã, machi karrarãmaa, maud̶e joma ẽbẽrarã Dachi Akõred̶erãmaa jarásturu mʉʉba kʉ̃ria b̶uu ãchi biꞌia duanad̶ai. Ãbarã Italia druad̶ebenarãba kʉ̃ria panuu machi biꞌia duanad̶ai.

1 Pedro 1:1

Mʉ Pedrobʉ, Jesucristoba bʉid̶abʉ. Mʉʉba nau karta b̶ʉʉruu Dachi Akõreba jʉrʉ adaud̶arã Ponto druad̶e, Galacia druad̶e, Capadocia druad̶e, Asia druad̶e, Bitinia druad̶e maud̶e drua awarad̶ebenarã kĩra panabadau baita.