Hechos 18:18 - Emberá Chamí

¹⁸ Pablo Corintod̶e ewari ãrea b̶eesii. Maabae chi ãbarãmaa wãaruu aped̶a, Siria druad̶aa wãsii Priscila maud̶e Aquila baara. Jãbad̶e ataui naed̶e Cencrea puurud̶e Pabloba ichi boro metabisii. Mau wausii unubiyua chi Dachi Akõremaa waui a jarad̶a ichiba mau joma waud̶a.

Hechos 18:18 ပူးပေါင်းရင်းမြစ်များ

Mateo 4:24

Maud̶eeba ichi joma Siria druad̶ebenarãba trʉ̃ poasid̶au. Maud̶eeba ẽbẽrarãba joma barikiu ẽpermo nureerã eneebachid̶au, kakua puꞌua nuree, jai kachirua bara nuree, kakua wawaaduuba biꞌiwãe nuree maud̶e b̶akara suriidu nuree ichimaa eneebachid̶au. Jesusba ãchi joma aribiabibachii.

Marcos 6:46

Joma wãbiaped̶a ead̶aa Dachi Akõremaa ʉtaa id̶id̶e wãsii.

Hechos 1:15

Maka panuud̶e ewari ab̶ad̶e Pedro chi ãbarã 120 ẽsa ʉkʉ nub̶eesii. Maud̶e jarasii:

Hechos 15:23

Ãchi ome karta naka b̶ʉ urubʉisid̶au: Jesusba bʉid̶arã, chi ijãabadaurã nubadaurã maud̶e joma ãbarãba nau karta b̶ʉʉduu, chi judiowãerã Antioquía puurud̶ebena baita, Siria druad̶ebena baita maud̶e Cilicia druad̶ebena baita. Daiba kʉ̃ria panuu machi biꞌia panad̶ai.

Hechos 15:41

Maabáeburu wãsid̶au. Siria druad̶e maud̶e Cilicia druad̶e nibaaduud̶e puurucha ãbarã aid̶abachid̶au Dachi Mechiud̶e biꞌia ijãad̶amera.

Hechos 18:2

Aria judio Aquila abadau unusii. Mau Aquila Ponto druad̶ebena basii. Chi kima Priscila ome Italia druad̶ebena neeped̶aad̶a b̶aꞌãra ba b̶uasii. Italiad̶ebena nee panasii, Romad̶ebena chi karr Claudioba joma judiorã Romad̶e nuree duabʉikasiid̶eeba. Corintod̶e Pablo ãchimaa wãsii ãchi kĩra paru de wau kuitaa b̶uud̶eeba. Maabae ãchi baara b̶eesii ãbua trajai baita.

Hechos 18:26

Maud̶e Apolosba judiorã araa ãbua imibadau ded̶e wapeawãe jaradea b̶uasii. Ichiba jaradea b̶uu Aquilaba maud̶e Priscilaba ũrisid̶au. Maud̶eeba ichi ãyaa adoed̶aped̶a Dachi Akõre O ʉ̃rʉbena biꞌia jaradeasid̶au.

Hechos 18:27

Mau maad̶akare Apolos Acaya druad̶aa wãi kʉ̃ria b̶uasii. Maud̶eeba ãbarã Efesod̶ebenaba karta chi arabena baita b̶ʉsii biꞌia irsibid̶amera. Aria neesiid̶e Apolosba Dachi Akõre sõbiad̶eeba chi Jesusd̶e ijãaped̶aad̶a ãrea aid̶asii.

Hechos 21:23

Maud̶eeba daimaarã bichiba naka waui b̶uu: dai tãed̶e ãbarã kimare panuu. Ãchiba Dachi Akõre daad̶e ne waud̶ai jaraped̶aad̶a joma wauduu.

Hechos 21:24

Mau ãbarã Dachi Akõre de mechiud̶aa adoese. Aria Dachi Akõre daad̶e biꞌia nuread̶ai baita wáusturu. Ãchiba Dachi Akõremaa dead̶ai panuu bichiaburu dease. Makarã ãchi poyaa boro metad̶ai kuitaabiad̶ai baita ãchiba ne waud̶ai jaraped̶aad̶a joma wausid̶au. Mauba jomaurãba kuitaad̶ai chi bichi ʉ̃rʉbena jara panuu seta b̶uu maud̶e kuitaad̶ai bichi biawãra jipa nibabarii Moisesba b̶ʉd̶ad̶e jara b̶uu kĩra.

Hechos 21:3

Wãaduud̶e Chipre isla mechiu jua sordoare unusid̶au maamina Siria druare wãsid̶au, aria Tiro puurud̶e chi trajabadaurãba chi jãbad̶ebena chi ne adoeduu awara jirakuad̶ai panasid̶aud̶eeba.

Romanos 16:1

Mʉʉba machimaa dachi neekau Febe ʉ̃rʉbena biꞌia jaraaruu. Ichi Cencrea puurud̶e ijãabadaurã aid̶abariibʉ.

1 Corintios 9:20

Mʉ judiorã tãed̶e b̶uud̶e judiorã kĩra b̶uabarii mʉʉd̶eeba Jesucristod̶e ijãad̶amera. Chi Moisesba b̶ʉd̶a ũribadaurã nuree tãed̶e b̶uud̶e mʉ mau Moisesba b̶ʉd̶ad̶eeba b̶uuwãemina mau kĩra b̶uabarii ãchiba mʉʉd̶eeba Jesucristod̶e ijãad̶amera.

Gálatas 1:21

Jerusalend̶aa wãsiid̶e mʉ Siria druad̶aa maud̶e Cilicia druad̶aa wãsii.