Hechos 18:10 - Emberá Chamí

¹⁰ Mʉ bichi ome b̶uu. Ab̶au bid̶a bichi poyaa kachirua waubai, mʉʉba ẽbẽrarã ãrea nau puurud̶e uru b̶uud̶eeba».

Hechos 18:10 ပူးပေါင်းရင်းမြစ်များ

Mateo 1:23

«Wẽra mukĩra adua nii warr baraai maabae warr ab̶a adaui. Ẽbẽrarãba chi warr Emanuel trʉ̃ad̶ai». (Mau trʉ̃ jara b̶uu «Dachi Akõre dachi baara b̶uu»).

Mateo 10:30

Maud̶e Dachi Akõreba kuitaa b̶uu machiba bud̶a sãabe uru panuu.

Mateo 28:20

Maarãmaa jaradeásturu mʉʉba machimaa jarad̶a joma waud̶amera. Maud̶e mʉ machi baara ewaricha b̶uai nau ewari wãꞌãeruud̶aa.

Lucas 21:18

Maamina machi jauri mʉʉba ewaricha ãrea nu uru b̶uai.

Juan 10:16

Mʉʉba oeja june ua b̶uu nau oeja nubadaumarebenawaẽ. Maarã sid̶a mʉʉba ed̶a adooi. Ãchiba mʉ bed̶ea ijãad̶ai. Maka joma ãbua panad̶ai. Maud̶e ãchi nubarii ab̶a b̶uai.

Juan 11:52

Maamina ab̶aburu judiorã baita biubai basii, maumaarã joma Dachi Akõre warrarã nau iujãad̶e drua didiwaraacha nuree, ara puuru ab̶aud̶e duanui baita.

Hechos 15:14

Simonba dachimaa nebʉrʉsii Dachi Akõreba judiowãerã ʉ̃rʉbena kʉ̃risia b̶uud̶eeba jãabae ãchi jʉrʉ adausii ichi puurud̶ebena nuread̶amera.

Hechos 15:18

Dachi Mechiuba maka jara b̶uu. Ichiba nabẽraed̶eed̶ebena joma mau arakʉd̶e kuitaabia b̶uu”.

Hechos 18:11

Maud̶eeba Pabloba año ab̶a ʉ̃rʉ ẽsa Dachi Akõre bed̶ea aria jaradea b̶eesii.

Hechos 18:9

Ewari ab̶aud̶e ẽsabud̶e Dachi Akõreba Pablo daumaa unubisii Dachi Mechiuba ichimaa naka jaraaruu: «Wapearã́se. Jaradea b̶uase. Maud̶e chũpearã́se.

Romanos 8:31

¿Mau ʉ̃rʉbena saka kʉ̃risiad̶ai panuma? Dachi Akõre dachi baara b̶uud̶eeba ¿kaiba dachi poyaaima?

2 Corintios 12:9

Maamina ichiba jarasii: «Mʉ sõbiad̶eeba bichi aid̶ai joma dauchia jãadua b̶uamera. Bichi meserãaswãe b̶uud̶e mʉ jua aude meserãa b̶uu». Mʉ meserãaswãe b̶uud̶e Cristo poyaa b̶uabariid̶eeba mʉ meserãaswãe b̶uu ʉ̃rʉbena kĩrajʉʉba biꞌia berreai.

2 Timoteo 4:17

Maamina Dachi Mechiu mʉ ome b̶uasii. Mʉ poyaabarii deasii ichi bed̶ea jaramera. Maka joma judiowãerã aria panuuba ũrisid̶au. Maud̶e Dachi Mechiuba mʉ imama okarrd̶ebena karibasii.

2 Timoteo 4:22

Mʉʉba kʉ̃ria b̶uu Dachi Mechiu Jesucristo bichi ome b̶uai maud̶e Dachi Akõreba ichi sõbiad̶eeba machi aid̶a b̶uai. Biꞌia b̶uu maka b̶uai.