Hechos 17:34 - Emberá Chamí

³⁴ Chi nuree aria duanad̶aba Pablo bed̶ea ijãasid̶au. Ab̶a Dionisio basii. Mau chi Areopagod̶ebena basii. Maud̶e wẽra Dámaris abadauba maud̶e waabenarãba ijãasid̶au.

Hechos 17:34 ပူးပေါင်းရင်းမြစ်များ

Mateo 20:16

»Ara mau kĩra chi kaad̶eare nuree naa panad̶ai, maud̶e chi naa nuree kaad̶eare panad̶ai.

Hechos 13:48

Judiowãerãba mau ũrisid̶aud̶e kĩrajʉʉsid̶au. Ara makʉd̶e chi Dachi Mechiu bed̶ea biꞌia b̶uu asid̶au. Chi Dachi Akõreba ewaricha ichi baara chokae nuread̶ai duanud̶aba ijãasid̶au.

Hechos 17:19

Maabae Pablo chi ãchi araa ãbua imibadaumaa adoesid̶au. Mama chi «Areópago» abachid̶au. Naka jarasid̶au: —Bichiba jaradea b̶uu daimaarã kʉ̃risia wid̶ibʉ. Mau daiba wabid̶a ũrid̶akau. Maud̶eeba kuitaa kʉ̃ria panuu kãare jara b̶uu. ¿Bichiba daimaa jaradeawẽka?

Hechos 17:22

Maud̶e Pablo ãchi ẽsa Areopagod̶e ʉkʉ nub̶eeped̶a jarasii: —Machi Atenas puurud̶ebenarã, mʉʉba unu b̶uu machiba ne ãread̶e ijãabadau.

Hechos 17:33

Maabae Pablo ãchi baara b̶uad̶a wãsii.

Hechos 17:4

Chi nuree judiorãba mau ijãad̶aped̶a Pablo maud̶e Silas ome ãbua paneesid̶au. Maud̶e ãrea griegorã Dachi Akõre wapea nureeba maud̶e chi nuree wẽrarã mechiurãba ijãasid̶au.

Filipenses 4:22

Joma ẽbẽrarã Dachi Akõred̶erã namabenarãba biꞌia panábad̶e a jarabʉi panuu. Ãbarã Romad̶ebena chi aude mechiu nii baita trajabadaurã bid̶a biꞌia maka jarabʉi panuu.