Hechos 17:32 - Emberá Chamí

³² Mau biu b̶uad̶a chokae jiradubid̶a ʉ̃rʉbena ũrisid̶aud̶e chi nureerãba ʉisid̶au. Maamina waabenarãba jarasid̶au: —Jãad̶akare bichiba mau ʉ̃rʉbena berrea b̶uu waya ũrid̶ai.

Hechos 17:32 ပူးပေါင်းရင်းမြစ်များ

Lucas 14:18

Maamina ẽbẽrarãba ne waud̶ai panuu asid̶au wãd̶aabai kʉ̃ria panasid̶aud̶eeba. Chi nabenaba jarasii: “Etea mʉʉba drua nedosii. Mau ichiad̶e wãi b̶uud̶eeba poyaa wãabai. Mʉ kĩra chuburiáse mʉ poyaa wãabai b̶uud̶eeba” asii.

Lucas 22:63

Maabae Jesús jidau uru panuu ẽbẽrarãba mau atua jara kopaneesid̶au maud̶e sĩ kopaneesid̶au.

Lucas 23:11

Maka panuud̶e Herodesba maud̶e ichi kokoroarã bid̶a Jesús kachirua jara duanasid̶au. Paru ʉ̃rʉ jʉ̃barii mipitaa Jesusmaa jʉ̃bid̶aped̶a ichi atua jara duanasid̶au. Mau maad̶akare Herodesba ichi Pilatomaa waya bʉisii.

Lucas 23:36

Mau awara kokoroarã aria panuuba Jesús atua jara kopaneesid̶au. Ãchiba Jesusmaa uva b̶aa orekea dead̶e wãd̶aped̶a jarasid̶au: —Bichi biawãra judiorã reybʉrã, ara bichi du ab̶a karibase.

Hechos 13:41

“Machiba, chi Dachi Akõreba jara b̶uu ida b̶ubadaurã, ¡ichiásturu! ¡Perásturu! ¡Biústuru! Mʉʉba machi ewarid̶e ne kachirua waui. Mau ab̶auba machimaa jaraaruu sid̶a ijãad̶aabai”».

Hechos 17:18

Aria chi nuree kuitaa nuree Epicureod̶ebenarã maud̶e Estoicod̶ebenarã berrea paneesid̶au Pablo ome. Maarã chi nureeba jarabachid̶au: «¿Kãare jara kʉ̃ria b̶uma, nau chi bed̶ea ãrea niiba?» Waabenarãba jarabachid̶au: «Daimaarã, ãibena druad̶ebena akõre mechiu ʉ̃rʉbena jaradea b̶uu». Maka jarabachid̶au Pabloba jaradeamaa b̶uad̶ad̶eeba chi bed̶ea bia Jesús ʉ̃rʉbena maud̶e jaradeabachid̶eeba dachi biud̶a maad̶akare waya chokae jiradud̶ai.

Hechos 17:31

Ewari ab̶a b̶usii joma nau iujãad̶ebenarã jipa nebʉra kastikai baita, chi ichiba ẽbẽra jʉrʉ adaud̶a kakua. Mau ẽbẽra jomaurãmaa kuitaabiasii ichi biu b̶uad̶a chokae jiradubisiid̶eeba.

Hechos 17:33

Maabae Pablo ãchi baara b̶uad̶a wãsii.

Hechos 2:13

Maud̶e chi nureerãba atua jara duanasid̶au: —Ãchi ituaba biu panuu.

Hechos 24:25

Maka b̶uud̶e Pabloba dachi jipa nibai ʉ̃rʉbena, kakua jipa uru b̶uai ʉ̃rʉbena maud̶e Dachi Akõreba nebʉra kastikai ewari neei ʉ̃rʉbena berreasii. Felixba mau ʉ̃rʉbena ũrisiid̶e wapeaped̶a naka jarasii: «Jãabae wãse. Mʉ bari b̶uud̶e waya bichi iui».

Hechos 25:19

Maumaarã ichi jidea panasid̶au ãchiba ijãa panuu awara jaradea b̶uu kakua maud̶e ẽbẽra Jesús abadau kakua. Mau biusmina Pabloba jara b̶uu chokae b̶uu.

1 Corintios 1:23

Maamina daiba Cristo cruzd̶e biud̶a jaradea panuu. Mau bed̶ea judiorãba biꞌia ũrid̶akau. Judiowãerãba mau biꞌiwãe b̶uu kʉ̃risiabadau.

1 Corintios 15:12

Daiba Cristo chokae jiradud̶a ʉ̃rʉbena jaradeabadau. Mau ¿saka waabenarã machid̶ebenaba biuped̶aad̶a chokae jiradud̶aabai a panuma?

1 Corintios 4:10

Ẽbẽrarãmaarã dai Cristo baita ne adua nuree maud̶e meserãaswãe nuree. Maamina machi Cristo ome panuud̶eeba chi ne kuitaa nuree abadau maud̶e chi meserãa nuree abadau. Ẽbẽrarãba machi ʉ̃rʉbena biꞌia berrea panuu, maamina dai ida b̶u panuu.

2 Corintios 6:2

Dachi Akõre bed̶ead̶e naka jara b̶uu: «Chi mʉʉba karibai baita b̶ud̶a ewarid̶e bichiba id̶id̶a mʉʉba ũrisii. Mau ewarid̶e mʉʉba bichi karibasii». Mʉʉba biawãra jaraaruu: Mau ewari neesii. Id̶i Dachi Akõreba dachi karibabarii.

Hebreos 11:36

Chi nuree Dachi Akõred̶e ijãa panuu kakua ẽbẽrarãba atua jarasid̶au, soaba pesid̶au maud̶e kaenaba jʉ̃d̶aped̶a jʉ̃a kub̶usid̶au.

Hebreos 13:13

Maud̶eeba puuru awara Jesusmaa wãaduu kĩra ichi baara wãd̶ai panuu. Ẽbẽrarãba Jesús kachirua jaraped̶aad̶a kĩra dachi sid̶a kachirua jaraaduud̶e ãwatad̶ai panuu.