Hechos 17:18 - Emberá Chamí

¹⁸ Aria chi nuree kuitaa nuree Epicureod̶ebenarã maud̶e Estoicod̶ebenarã berrea paneesid̶au Pablo ome. Maarã chi nureeba jarabachid̶au: «¿Kãare jara kʉ̃ria b̶uma, nau chi bed̶ea ãrea niiba?» Waabenarãba jarabachid̶au: «Daimaarã, ãibena druad̶ebena akõre mechiu ʉ̃rʉbena jaradea b̶uu». Maka jarabachid̶au Pabloba jaradeamaa b̶uad̶ad̶eeba chi bed̶ea bia Jesús ʉ̃rʉbena maud̶e jaradeabachid̶eeba dachi biud̶a maad̶akare waya chokae jiradud̶ai.

Hechos 17:18 ပူးပေါင်းရင်းမြစ်များ

Marcos 9:14

Jesús, Pedro, Santiago maud̶e Juan waabenarã Jesús baara nibabadaurã panuumaa neesid̶au. Maud̶e unusid̶au ãrea ẽbẽrarã ãchimaa pĩchuka imi nub̶uu. Chi nuree Moisesba b̶ʉd̶a jaradeabadaurã ãchi ome kĩru berrea duanasid̶au.

Lucas 11:53

Jesús wãsiid̶e fariseorãba maud̶e Moisesba b̶ʉd̶a jaradeabadauba kĩru panuuba Jesusmaa aude ne chaarea id̶i kopaneesid̶au.

Hechos 26:23

Ãchiba jarabachid̶au Dachi Akõreba Dachi Karibabarii deai jarad̶a ãrea puꞌuaba biui b̶uasii maud̶e chi biuped̶aad̶arãd̶ebena naa chokae jiradui b̶uasii, chi dachi karibai ʉ̃d̶aa b̶uu judiorãmaa maud̶e judiowãerãmaa jarai baita.

Hechos 4:2

Kĩrusid̶au Pedroba maud̶e Juanba ẽbẽrarãmaa jaradea panasid̶aud̶eeba Jesús chokae jiradud̶a kĩra, ẽbẽrarã sid̶a chokae jiradud̶ai.

Hechos 5:42

Mau maad̶akare ewaricha jaradeabachid̶au chi bed̶ea bia Jesús Dachi Akõreba dachi Karibabarii deai jarad̶a ʉ̃rʉbena. Mau jaradea wãbachid̶au Dachi Akõre de mechiud̶e maud̶e decha.

Hechos 6:9

Maud̶e waabenarã judiorã Cirene druad̶ebena maud̶e Alejandría puurud̶ebena panasid̶au. Ãchi judiorã araa ãbua imibadau de “Chi chibari baita bari trajabarii enakuaped̶aad̶arã” abachid̶au. Waabena judiorã Cilicia druad̶ebena maud̶e Asia druad̶ebena panasid̶au. Joma mau judiorã Esteban ome oa kachirua berrea duaneesid̶au.

Romanos 1:22

Kʉ̃risia kuitaa nuree asid̶amina kʉ̃risiaswãe paneesid̶au.

1 Corintios 3:18

Ara machi du ab̶a setaa kũruarã́sturu. Ab̶auba chi nau iujãad̶ebena kʉ̃risia kuitaa kĩra ne kuitaa b̶uu kʉ̃risia b̶uubʉrã, waa maka kʉ̃risiabai b̶uu. Maumaarã chi biawãra kʉ̃risia kuitaa uru b̶uai baita nau iujãad̶ebenarã daad̶e ne adua b̶uu kĩra b̶uai b̶uu.

1 Corintios 4:10

Ẽbẽrarãmaarã dai Cristo baita ne adua nuree maud̶e meserãaswãe nuree. Maamina machi Cristo ome panuud̶eeba chi ne kuitaa nuree abadau maud̶e chi meserãa nuree abadau. Ẽbẽrarãba machi ʉ̃rʉbena biꞌia berrea panuu, maamina dai ida b̶u panuu.

Colosenses 2:8

Kauwa panásturu ab̶auba machimaa setaa jararãamera, chi dachi aid̶akau biawãrawãe b̶uu kʉ̃risiabadaud̶eeba. Mau joma nabẽraed̶ebena kʉ̃risiabadau nau iujãad̶ebena jauri meserãa nureed̶ebenabʉ. Mau bed̶ea Cristod̶ebenawãebʉ.