Hechos 17:12 - Emberá Chamí

¹² Mauba ãrea judiorãba Jesusd̶e ijãasid̶au. Maud̶e ãrea griego wẽrarã chi mechiurãba maud̶e mukĩrarãba ijãasid̶au.

Hechos 17:12 ပူးပေါင်းရင်းမြစ်များ

Marcos 15:43

José Arimatea puurud̶ebena Pilatomaa wapeawẽa id̶id̶e wãsii Jesús jau b̶ui baita. Mau judiorã chi jaradea ua b̶uabadaurãd̶ebena ab̶a chi aude mechiu basii maud̶e kʉ̃ria b̶uasii Dachi Akõreba ichid̶irã ichi juad̶e ua b̶uamera.

Juan 7:17

Chi Dachi Akõreba kʉ̃ria b̶uu waui baita b̶uuba arakʉd̶e kuitaai chi mʉʉba jaradea b̶uu Dachi Akõred̶ebena neeruu, maebʉrã ara mʉ kʉ̃risiad̶eeba jaradea b̶uu.

Hechos 13:46

Mau Pabloba maud̶e Bernabeba wapeawẽa ãchimaa naka jarasid̶au: —Biawãra daiba machimaa Dachi Akõre bed̶ea naa jarad̶ai panasid̶au. Maamina machiba mau bed̶ea ida b̶u panuud̶eeba maud̶e machimaarã ewaricha Dachi Akõre ome chokae b̶uai kʉ̃riad̶awẽed̶eeba, daiba judiowãerãmaa mau bed̶ea jarad̶e wãd̶ai.

Hechos 13:50

Maamina judiorãba Dachi Akõre wapea nuree wẽrarã chi mechiurãmaa maud̶e mukĩra chi mechiurãmaa jarasid̶au Pablo maud̶e Bernabé kachirua waud̶amera. Maka ãchi puurud̶ebena duabʉisid̶au.

Hechos 14:1

Iconio puurud̶e ãchiba waubadau kĩra Pablo maud̶e Bernabeba judiorã araa ãbua imibadau ded̶e ed̶a wãsid̶au. Ãchiba jaradea panuu kakua ãrea judiorã maud̶e griegorãba Jesusd̶e ijãasid̶au.

Hechos 2:47

Ãchiba Dachi Akõremaa biꞌia berreabachid̶au. Maud̶e waabenarãba ãchi biꞌia unubachid̶au. Maud̶e Dachi Mechiuba ewaricha ẽbẽrarã karibabachii. Maka Dachi Akõreba ãchi ãrea bawaabiasii.

1 Corintios 1:26

Ãbarã, kʉ̃risiásturu Dachi Akõreba machi adausiid̶e saka nureasii. Ẽbẽrarãmaarã ãrea machid̶ebena ne kuitaa nuread̶aabasii, chi jaradea ua b̶uabadaurã nuread̶aabasii maud̶e chi nejarra barau nureed̶ebena need̶aabasii.

Efesios 5:14

ʉ̃d̶aad̶e ne joma unubadaud̶eeba. Mau baita naka jarabadau: «Ʉ̃rʉmase bichi kãi b̶uu. Kachiruad̶e biu b̶uad̶a jiraduse. Maabae Cristoba bichi ʉ̃d̶aad̶e b̶ui».

Santiago 1:10

Maamina chi ẽbẽra barau nii kĩrajʉʉ b̶uai b̶uu Dachi Akõreba ichi chi nejarr barauwãe nii unu b̶uud̶eeba. Ẽbẽra barau nii ãrea b̶uabai nepono ãrea b̶uakau kĩra.

Santiago 1:21

Maud̶eeba ne joma kachirua maud̶e ne joma jipawãe b̶uu ida b̶ústuru. Maabae Dachi Akõreba ichi bed̶ea machi sõd̶e b̶ud̶a kʉ̃risia biad̶eeba ijã́sturu. Ara mau bed̶eaba machi Dachi Akõreba kastikaid̶ebena karibai.