Hechos 17:10 - Emberá Chamí

¹⁰ Ara mau ẽsabud̶e ãbarãba Pablo maud̶e Silas Berea puurud̶aa bʉisid̶au. Need̶aped̶a judiorã araa ãbua imibadau deed̶aa wãsid̶au.

Hechos 17:10 ပူးပေါင်းရင်းမြစ်များ

Hechos 1:15

Maka panuud̶e ewari ab̶ad̶e Pedro chi ãbarã 120 ẽsa ʉkʉ nub̶eesii. Maud̶e jarasii:

Hechos 15:22

Maka b̶uud̶e, chi Jesusba bʉid̶arã, ijãabadaurã nubadaurã maud̶e joma ãbarãba mau biꞌia ũrisid̶au. Maud̶eeba chi nureeba jʉrʉ adausid̶au Pablo, Bernabé ome Antioquiad̶aa wãd̶amera. Silas maud̶e Judas jʉrʉ adausid̶au. Judas ara mau Barsabás abachid̶au. Chi waabenarã ãbarãba ãchi biꞌia nuree unusid̶au.

Hechos 17:1

Pablo, Silas maud̶e chi ãchi baara nibaped̶aad̶a Anfípolis puurud̶e maud̶e Apolonia puurud̶e wãd̶aped̶a Tesalónica puurud̶e neesid̶au. Aria judiorã araa ãbua imibadau de kub̶uasii.

Hechos 17:2

Pabloba waubarii kĩra chi judiorã araa ãbua imibadau deemaa wãsii. Misad̶e õbea bari panabadau ewaricha ãchi ome bed̶ea b̶uabachii.

Hechos 17:4

Chi nuree judiorãba mau ijãad̶aped̶a Pablo maud̶e Silas ome ãbua paneesid̶au. Maud̶e ãrea griegorã Dachi Akõre wapea nureeba maud̶e chi nuree wẽrarã mechiurãba ijãasid̶au.

Hechos 17:6

Maamina ãchi unud̶aabasii. Maud̶eeba Jasón maud̶e chi waabenarã ãbarã jidaud̶aped̶a chi puurud̶ebena karrarãmaa errb̶ari adoesid̶au. Jomaurãba b̶ia jarasid̶au: «Naarã ẽbẽrarã joma nau iujãad̶e nebʉra wau panuu, ara mau kĩra namaa neesid̶au.

Hechos 20:4

Ichi baara naarã Asia druad̶aa wãsid̶au: Berea puurud̶ebena Pirro warr Sópater, Tesalónica puurud̶ebena Segundo maud̶e Aristarco, Derbe puurud̶ebena Gayo, Asia druad̶ebena Tíquico maud̶e Trófimo maud̶e Timoteo.

Hechos 9:20

Maud̶e judiorã araa ãbua imibadau decha ichiba jaradea b̶eesii Jesús biawãra Dachi Akõre Warr nii.

Hechos 9:25

Maud̶eeba ẽsabud̶aa chi Jesusd̶e ijãabadaurãba Saulo ẽ mechiud̶e ed̶a joad̶aped̶a, maabae chi puuru mooba ad̶u karaad̶a chob̶ea nub̶uud̶e ʉ̃rʉʉba ed̶aa bʉisid̶au.

1 Tesalonicenses 2:2

Kuitaa panuu machimaa wãd̶ai naed̶e Filipod̶ebenarãba dai kachirua jarasid̶au maud̶e kachirua wausid̶au. Mau awara machimaa neesid̶aud̶e ãreaba kʉ̃riad̶aabasii daiba jaradea panuu. Maamina Dachi Akõreba dachi sõbiabiasii ichi bed̶ea bia machimaa wapeawẽa jaradead̶amera.