Hechos 16:7 - Emberá Chamí

⁷ Misia drua kaita neesid̶aud̶e Bitinia druad̶aa wãd̶ai kʉ̃risiasid̶au, maamina Jesús Jauriba ida kabiabasii.

Hechos 16:7 ပူးပေါင်းရင်းမြစ်များ

Lucas 24:49

Biawãra mʉʉba machimaa mʉ Chachaba ichi Jauri deai jarad̶a bʉi. Maud̶eeba machi nama Jerusalend̶e panásturu ab̶a ichi bajãad̶ebena poyaabarii adauduud̶aa.

Hechos 16:8

Maud̶eeba Misia druad̶e mard̶e wãd̶aped̶a Troas puurud̶aa neesid̶au.

Hechos 8:29

Maka b̶uud̶e Dachi Akõre Jauriba Felipemaa jarasii: «Wãse jãu karreta kaita».

Romanos 8:9

Maamina Dachi Akõre Jauri biawãra machi sõd̶e b̶uubʉrã, ichid̶eeba nibabadau. Nau kakuaba wau kʉ̃ria b̶uud̶eeba nibad̶aabai. Biawãra chi Cristo Jauri wãꞌãe nii, Cristod̶ewãema.

Gálatas 4:6

Machi Dachi Akõre warrarãd̶eeba ichi Warr Jauri bʉisii machi sõd̶e b̶uamera. Ichi Jauri dachi sõd̶e b̶uuba «¡Mʉ Chacha!» abarii kuitaad̶amera dachi Ichi warrarãbʉ.

Filipenses 1:19

mʉʉba kuitaa b̶uud̶eeba mʉ namabena awara wãaruu, machiba Dachi Akõremaa ʉtaa id̶i panuud̶eeba maud̶e Jesucristoba dead̶a Jauriba aid̶a b̶uud̶eeba.

1 Pedro 1:1

Mʉ Pedrobʉ, Jesucristoba bʉid̶abʉ. Mʉʉba nau karta b̶ʉʉruu Dachi Akõreba jʉrʉ adaud̶arã Ponto druad̶e, Galacia druad̶e, Capadocia druad̶e, Asia druad̶e, Bitinia druad̶e maud̶e drua awarad̶ebenarã kĩra panabadau baita.

1 Pedro 1:11

Cristo Jauri ãchi sõd̶e b̶uuba berreabiabachii Cristo ãrea biꞌiwãe b̶uad̶a bad̶a Dachi Akõreba biꞌia b̶ui ʉ̃rʉbena. Berreasiid̶e kuitaa kʉ̃ria panasid̶au kai ʉ̃rʉbena Cristo Jauriba ãchimaa berreabiasii maud̶e sakaed̶e joma mau makai.