Hechos 16:6 - Emberá Chamí

⁶ Pablo ichi ome nibad̶a sid̶a Frigia druad̶e maud̶e Galacia druad̶e nibasid̶au Dachi Akõre Jauriba chi bed̶ea Jesús ʉ̃rʉbena Asia druad̶e ida jarabiad̶aabasiid̶eeba.

Hechos 16:6 ပူးပေါင်းရင်းမြစ်များ

Lucas 1:2

Joma mau waud̶a unuped̶aad̶aba nebʉrʉsid̶au maud̶e jaradeasid̶au. Maabae chi karta b̶ʉped̶aad̶aba mau b̶ʉsid̶au.

Hechos 10:19

Pedroba unud̶a wabid̶a kʉ̃risia b̶uud̶e Dachi Akõre Jauriba ichimaa jarasii: «Ẽbẽrarã õbea panuuba bichi jʉrʉ panuu.

Hechos 11:12

Dachi Akõre Jauriba mʉ maarã baara wãabai a kʉ̃risiawẽa wãbisii. Cesarea puurud̶e need̶aped̶a dai ãchi jaradea ua b̶uabarii ded̶e ed̶aa wãsid̶au. Nau 6 ãbarã mʉ baara panasid̶au.

Hechos 16:7

Misia drua kaita neesid̶aud̶e Bitinia druad̶aa wãd̶ai kʉ̃risiasid̶au, maamina Jesús Jauriba ida kabiabasii.

Hechos 18:23

Pablo aria aribia b̶uasiid̶e Galacia druad̶e maud̶e Frigia druad̶e nibasii. Puurucha chi Jesusd̶e ijãabadaurã jaradeasii biꞌia ijãad̶amera.

Hechos 19:10

Año ome maka wausii. Maka joma Asia druad̶ebena judiorãba maud̶e judiowãerãba Dachi Mechiu Jesús ʉ̃rʉbena ũrisid̶au.

Hechos 20:16

Pablo Asia druad̶e ãrea b̶uamaaba, Éfeso puurud̶aa wãyaa wãsii. Ichi isa Jerusalend̶aa neei kʉ̃ria b̶uasii, makasirã poyaa neei, Pentecostés ewarid̶e aria b̶uai baita.

Hechos 20:28

»Dachi Akõreba ichi Warr oad̶eeba ẽbẽrarã ichi baita nedosii. Dachi Akõre Jauriba machi b̶usii ãbarã nu panad̶amera. Maud̶eeba ara machi du ab̶a ãrea kauwa panásturu maud̶e Dachi Akõred̶e ijãabadaurã joma nu panásturu.

Hechos 20:4

Ichi baara naarã Asia druad̶aa wãsid̶au: Berea puurud̶ebena Pirro warr Sópater, Tesalónica puurud̶ebena Segundo maud̶e Aristarco, Derbe puurud̶ebena Gayo, Asia druad̶ebena Tíquico maud̶e Trófimo maud̶e Timoteo.

Hechos 21:27

Maamina 7 ewari bamaa b̶uud̶e waabenarã judiorã Asia druad̶ebena Dachi Akõre de mechiu dud̶a panasid̶au. Mau judiorãba Pablo unusid̶aud̶e joma ẽbẽrarã aria duanuu kĩrubikad̶aped̶a Pablo jidausid̶au.

Hechos 6:9

Maud̶e waabenarã judiorã Cirene druad̶ebena maud̶e Alejandría puurud̶ebena panasid̶au. Ãchi judiorã araa ãbua imibadau de “Chi chibari baita bari trajabarii enakuaped̶aad̶arã” abachid̶au. Waabena judiorã Cilicia druad̶ebena maud̶e Asia druad̶ebena panasid̶au. Joma mau judiorã Esteban ome oa kachirua berrea duaneesid̶au.

Hechos 8:29

Maka b̶uud̶e Dachi Akõre Jauriba Felipemaa jarasii: «Wãse jãu karreta kaita».

Romanos 16:5

Maud̶e ãbarã ãchi ded̶e araa ãbua imibadaurãmaa jarásturu mʉʉba kʉ̃ria b̶uu ãchi biꞌia duanad̶ai. Mʉ ãba ãrea kʉ̃ria b̶uu Epenetomaa ara mau kĩra jarásturu. Acaya druad̶e ichiba naa Jesucristod̶e ijãasii.

1 Corintios 12:11

Ara Dachi Akõre Jauri ab̶a niiba joma mau waubi b̶uu. Ichiba dachicha waubi b̶uu ichiba kʉ̃ria b̶uu kĩra.

1 Corintios 16:1

Mau awara machiba ãbarã Jerusalend̶ebena baita chi nejarra peeduu ʉ̃rʉbena mʉʉba jaraaruu. Mʉʉba ãbarã Galacia druad̶ebenarãmaa jarad̶a kĩra wáusturu.

1 Corintios 16:19

Ãbarã Asia druad̶ebenarãba kʉ̃ria panuu machi biꞌia panad̶ayu. Ãba Aquilaba, neekau Priscilaba maud̶e ãbarã ãchi ded̶e araa ãbua imibadaurã Dachi Mechiud̶eeba kʉ̃ria panuu machi biꞌia panad̶ayu.

2 Corintios 1:8

Ãbarã, maud̶eeba daiba kʉ̃ria panuu dai Asia druad̶e biawãra ãrea biꞌiwãe panaped̶aad̶a machiba mau kuitaad̶ai. Dai ãrea nebʉrad̶e panasiid̶eeba waa poyaa dauchia jãaduad̶aabai kʉ̃risiasid̶au maud̶e poyaa chokae panad̶aabai kʉ̃risiasid̶au.

Gálatas 1:2

Mʉʉba nau karta b̶ʉʉruu ãbarã Galacia druad̶ebenarã baita. Joma ãbarã mʉ ome panuurãba kʉ̃ria panuu,

Gálatas 3:1

Ãbarã Galacia druad̶ebenarã, ¡machi kʉ̃risiaswãe nureerã! ¿Kaiba machi setaa kũruasii chi biawãra bed̶ea ida b̶ud̶amera? Daiba machimaa joma chi Jesucristo cruzd̶e biu b̶uad̶a ʉ̃rʉbena jaradeabachid̶au.

2 Timoteo 1:15

Bichiba kuitaa b̶uu joma ãbarã Asia druad̶ebenarãba mʉ istu b̶ʉisid̶au. Maarãd̶ebena ãba Figeloba maud̶e Hermogenesba maka wausid̶au.

2 Timoteo 4:10

Dachi ãba Cresente Galacia druad̶aa wã b̶uasii. Tito Dalmacia druad̶aa wã b̶uasii. Mau awara ãba Demasba chi nau iujãad̶ebena ãrea kʉ̃riasiid̶eeba mʉ ida b̶uped̶a Tesalónica puurud̶aa wãsii.

Hebreos 11:8

Dachi Akõreba Abrahammaa jarasii ichiba deai jarad̶a druad̶aa wãmera. Abrahamba Dachi Akõred̶e ijãasiid̶eeba samaa wãaruu adua b̶umina ichi drua b̶ʉiped̶a wãsii.

1 Pedro 1:1

Mʉ Pedrobʉ, Jesucristoba bʉid̶abʉ. Mʉʉba nau karta b̶ʉʉruu Dachi Akõreba jʉrʉ adaud̶arã Ponto druad̶e, Galacia druad̶e, Capadocia druad̶e, Asia druad̶e, Bitinia druad̶e maud̶e drua awarad̶ebenarã kĩra panabadau baita.

Apocalipsis 1:11

Mauba jarasii: «Bichiba unuuruu kartad̶e b̶ʉped̶a ãbarã 7 puuru b̶eed̶e duanuurãmaa urubʉise: Efesod̶aa, Esmirnad̶aa, Pergamod̶aa, Tiatirad̶aa, Sardisd̶aa, Filadelfiad̶aa maud̶e Laodicead̶aa».

Apocalipsis 1:4

Mʉ Juanbʉ. Nau karta b̶ʉmaa b̶uu ãbarã Asia druad̶e 7 puurud̶ebenarã baita. Mʉʉba kʉ̃ria b̶uu Dachi Akõreba ichi sõbiad̶eeba machi aid̶a b̶uai maud̶e jirukaraayuwãe b̶uabiai. Mau chi nibad̶abʉ, chi niibʉ maud̶e chi neei baita b̶uubʉ. Maud̶e mʉʉba kʉ̃ria b̶uu Dachi Akõre rey ãkau bia b̶uu daad̶e 7 jauri panuuba maka wau panad̶ai.