Hechos 16:5 - Emberá Chamí

⁵ Maka ãbarãba Dachi Mechiud̶e biꞌia ijãasid̶au maud̶e ewaricha ãrea maucha imisid̶au.

Hechos 16:5 ပူးပေါင်းရင်းမြစ်များ

Hechos 11:21

Dachi Mechiuba ichi poyaad̶eeba ãchi aid̶akuasii. Maud̶eeba ãchiba jara panuu ãreaba ijãasid̶au. Ãchiba chi naed̶e kachirua kʉ̃risia badaped̶aad̶a ida b̶ud̶aped̶a Jesucristod̶e ijãa kopaneesid̶au.

Hechos 12:24

Chi Dachi Mechiu bed̶ea kaitawẽ jaradead̶e wãbachid̶au maud̶e ãreaba mau ijãasid̶au.

Hechos 15:41

Maabáeburu wãsid̶au. Siria druad̶e maud̶e Cilicia druad̶e nibaaduud̶e puurucha ãbarã aid̶abachid̶au Dachi Mechiud̶e biꞌia ijãad̶amera.

Hechos 2:47

Ãchiba Dachi Akõremaa biꞌia berreabachid̶au. Maud̶e waabenarãba ãchi biꞌia unubachid̶au. Maud̶e Dachi Mechiuba ewaricha ẽbẽrarã karibabachii. Maka Dachi Akõreba ãchi ãrea bawaabiasii.

Hechos 4:4

Maamina chi Pedroba jaradea b̶uad̶a ũri panad̶a ãreaba Jesusd̶e ijãasid̶au. Chi maarã mukĩrarã 5.000 basii.

Hechos 5:14

Aude maucha Dachi Mechiud̶e ijãaduu ãrea neesid̶au, mukĩrarã maud̶e wẽrarã.

Hechos 6:7

Maud̶e ãbarãba Dachi Akõre bed̶ea aude jarasid̶au. Maka chi Jesusd̶e ijãabadaurã Jerusalend̶e maucha aude baraasii. Mau awara ãrea paarerã bid̶a ijãasid̶au.

Hechos 9:31

Maumisa Judea druad̶e, Galilea druad̶e maud̶e Samaria druad̶e ãbarã jirukaraayuwãe duanasid̶au maud̶e ne baraakuasid̶au. Dachi Mechiu wapea panuud̶eeba nibasid̶au maud̶e Dachi Akõre Jauri poyaad̶eeba ãbarã aude baraasii.

Romanos 16:25

Mʉʉba chi bed̶ea bia Jesús ʉ̃rʉbena jaradea b̶uabarii. Ara mau bed̶ead̶eeba Dachi Akõreba machi poyaa aid̶ai chaarea nuread̶amera. Mau bed̶ea Dachi Akõreba naed̶e kuitaabiawẽa b̶uasii maamina id̶ibae kuitaabiasii. Ichi baita berreabadaurãba mau kartad̶e b̶ʉsid̶au. Dachi Akõre biukauba maka b̶ʉbiasii druachad̶ebenarãba ũrid̶aped̶a Jesucristod̶e ijãad̶amera. Dachi Akõremaa biꞌia berread̶ai panuu.

1 Corintios 15:58

Maud̶eeba ãbarã mʉa kʉ̃riakuabarii, ãrea ijãa panásturu. Dachi Mechiuba kʉ̃ria b̶uu ãrea wau kãribad̶eásturu. Machiba kuitaa panuu Dachi Mechiu baita wau panuu, machiba bari wau panuuwãe.

Gálatas 5:1

Cristoba dachi karibasii ena duanad̶amera. Mau ãrea ijãa panásturu. Waya chibari baita bari trajabadaurã kĩra nurearã́sturu.

Colosenses 2:6

Machiba Dachi Mechiu Jesucristod̶e ijãasid̶aud̶eeba ichid̶eeba nibásturu.

1 Tesalonicenses 3:13

Maud̶e ʉtaa id̶i panuu Cristoba machi kariba b̶uai sõd̶eeba ãrea ijãad̶amera. Maka Dachi Mechiu Jesús joma ichid̶irã baara neeruud̶e machi Dachi Bajãad̶ebena Akõre daad̶e kachiruaswãe nuread̶ai.

2 Tesalonicenses 2:16

Dachi Akõreba dachi kʉ̃riasii. Ichi sõbiad̶eeba sõbia nureabiasii ewaricha maka panad̶amera. Maud̶e kuitaabiasii biawãra ichid̶eeba ne bia adaud̶ai. Daiba kʉ̃ria panuu Dachi Mechiu Jesucristoba maud̶e Dachi Bajãad̶ebena Akõreba machi sõbiabid̶ayu maud̶e dauchia jãadua panad̶ayu. Maka machiba berrea panuu maud̶e wau panuu joma biꞌia b̶uai.

Hebreos 13:9

Maamina waabenarãba barikiu ne ãyaa jaradeabadau. Maarãmaa ida setaa kũrabiarã́sturu. Machiba kooduuba maebʉrã kod̶awẽa panuuba aid̶akau. Chi maka wau panuuba biꞌia panad̶akau. Dachi Akõreba ichi sõbiad̶eeba aid̶a b̶uu machiba biꞌia sõd̶eeba ijãad̶amera.

1 Pedro 5:10

Machi ewari b̶aꞌãra biꞌiwãe panaped̶aad̶akare Dachi Akõreba ne jomad̶e biꞌia b̶ui. Ichiba machi aid̶ai biꞌia ijãad̶amera, joma jãaduad̶amera maud̶e chaarea nuread̶amera. Dachi Akõreba ichi sõbiad̶eeba ne jomad̶e aid̶abarii. Ichiba machi Jesucristod̶eeba iusii ichi ome ewaricha chi mechiu nuread̶amera.