Hechos 15:7 - Emberá Chamí

⁷ Berrea duanuu ãrea bad̶akare Pedro jiraduped̶a jarasii: —Ãbarã, machiba kuitaa panuu machid̶ebena Dachi Akõreba mʉ naed̶e jʉrʉ adausii judiowãerãba chi bed̶ea bia Jesús ʉ̃rʉbena ũrid̶aped̶a ijãad̶amera.

Hechos 15:7 ပူးပေါင်းရင်းမြစ်များ

Juan 15:16

Machiba mʉ jʉrʉ adaud̶aabasii. Mʉaburu machi jʉrʉ adausii. Bakuru jõ b̶eraakau chaubarii kĩra, mʉʉba machi b̶usii wãd̶aped̶a biꞌia waud̶amera. Mʉʉba machi jʉrʉ adausiid̶eeba machiba mʉ Chachamaa mʉ trʉ̃d̶eeba id̶iiduu ichiba deai.

Juan 3:27

Maud̶eeba Juanba jarasii: —Ab̶au bid̶a poyaa uru b̶uabai, chi mau Dachi Akõreba ichimaa dearuuwãebʉrã.

Hechos 1:16

«Ãbarã, nabẽraed̶e Dachi Akõre Jauriba Judasba waui ʉ̃rʉbena Davidmaa b̶ʉbisii. Dachi Akõre bed̶ead̶e b̶ʉ kub̶uu kĩra biawãra makai b̶uasiid̶eeba Judasba ẽbẽrarã uad̶osii Jesús jidaud̶amera.

Hechos 1:24

Maabae jomaurãba Dachi Akõremaa naka ʉtaa id̶isid̶au: —Dai Mechiu, Judas bichiba bʉid̶a b̶aesii. Ichiba waui b̶uu ida b̶usii ichi b̶uai b̶uumaa wãi baita. Jomaurãba sõd̶e kʉ̃risia panuu bichiba mau kuitaa b̶uu. Maud̶eeba daimaa kuitaabiáse nau ẽbẽra omed̶ebena sãu jʉrʉ adauruu bichiba bʉid̶aba waubadau waumera.

Hechos 10:19

Pedroba unud̶a wabid̶a kʉ̃risia b̶uud̶e Dachi Akõre Jauriba ichimaa jarasii: «Ẽbẽrarã õbea panuuba bichi jʉrʉ panuu.

Hechos 10:20

Jiraduped̶a isa ed̶aa wãse. Maarã baara wãabai a kʉ̃risiarã́se, mʉʉba maarã neebiasiid̶eeba».

Hechos 13:2

Earab̶a ãbarãba chiko kod̶akau ewari wau panuud̶e Dachi Mechiumaa biꞌia berrea panasid̶au. Maka panuud̶e Dachi Akõre Jauriba ãchimaa jarasii: «Bernabé maud̶e Saulo mʉʉba iusii. Maud̶eeba ãchi awara adáusturu chi mʉʉba waubia b̶uu waud̶amera».

Hechos 15:14

Simonba dachimaa nebʉrʉsii Dachi Akõreba judiowãerã ʉ̃rʉbena kʉ̃risia b̶uud̶eeba jãabae ãchi jʉrʉ adausii ichi puurud̶ebena nuread̶amera.

Hechos 15:2

Maud̶eeba Pablo maud̶e Bernabeba ãchi ome ãrea kĩru berreasid̶au. Ãbarãba Pablo, Bernabé maud̶e chi nuree ijãabadaurã Jerusalend̶aa bʉisid̶au mau ʉ̃rʉbena ãbua berread̶amera chi Jesusba bʉid̶arã ome maud̶e ijãabadaurã nubadaurã ome.

Hechos 15:39

Pablo Bernabé ome mau kakua kĩru kopanuuba berread̶aped̶a ãchi o kawa wãsid̶au. Bernabeba Marcos jʉrʉped̶a jãbad̶e Chipre druad̶aa adoesii.

Hechos 20:24

Maamina mʉʉba mau ʉ̃rʉbena kʉ̃risiakau, mʉ biꞌia b̶uai jʉrʉwẽed̶eeba. Ab̶aburu chi Dachi Mechiu Jesusba mʉʉmaa waubi b̶uu mau joma wau kʉ̃ria b̶uu. Mauburu chi bed̶ea bia Dachi Akõreba ichi sõbiad̶eeba kariba b̶uu ʉ̃rʉbena mʉʉba jara b̶uai.

Hechos 21:16

Waabenarã Jesusd̶e ijãabadaurã Cesarea puurud̶ebena dai baara wãsid̶au. Ãchiba ẽbẽra Nasón abadaumaa adoed̶aped̶a dai ichi ded̶e paneesid̶au. Mau Chipred̶ebena basii. Jesusd̶e ijãa b̶uu ãrea ba b̶uasii.

Hechos 3:18

Maamina maud̶eeba Dachi Akõreba naed̶e jarad̶a joma makabisii. Ichi baita berreabadaurãd̶eeba jarasii ichiba Dachi Karibabarii deai jarad̶a ãrea puꞌuaped̶aad̶ad̶ebena dauchia jãadua b̶uaped̶a biui b̶uasii.

Hechos 4:25

Bichi Jaurid̶eeba chi bichi baita bari trajabarii Davidmaa naka jarabisii: “¿Sakãe ãibena druad̶ebenarã kĩru panabadama maud̶e puurud̶ebenarã Dachi Akõre ʉ̃rʉbena kachirua waud̶ai bari kʉ̃risia panabadama?

Hechos 9:15

Maamina Dachi Mechiuba jarasii: —Wãse. Mʉʉba ichi jʉrʉ adausii mʉ ʉ̃rʉbena berreamera judiowãerãmaa, ãchi reyrãmaa maud̶e israeld̶ebenarãmaa.

Filipenses 2:14

Waabenarã ʉ̃rʉbena kachirua berread̶awẽa maud̶e oa kachirua berread̶awẽa joma wáusturu.