Hechos 15:32 - Emberá Chamí

³² Judas maud̶e Silas Dachi Akõre baita berreabadaurã basii. Maud̶eeba ne ãrea jarasid̶au ãbarãba biꞌia ijãad̶amera maud̶e chaarea panad̶amera.

Hechos 15:32 ပူးပေါင်းရင်းမြစ်များ

Mateo 23:34

Mʉʉba Dachi Akõre baita berreabadaurã, kʉ̃risia kuitaa nuree maud̶e Moisesba b̶ʉd̶a jaradeabadaurã machimaa bʉikaaruu. Maamina machiba maarã bead̶ai maud̶e waabenarã cruzd̶e jirab̶ud̶ai. Waabenarã machi judiorã araa ãbua imibadau ded̶e soaba ped̶ai maud̶e puurucha wãraad̶ai biꞌiwãe paneebiad̶ai baita.

Lucas 11:49

Maud̶eeba Dachi Akõre ichi kʉ̃risia kuitaad̶eeba naka jarasii: “Mʉ baita berreabadaurã maud̶e mʉʉba bʉikad̶arã machi israeld̶ebenarãmaa wãbiai. Maud̶e waabenarã bead̶ai maud̶e waabenarã kachirua waud̶ai baita wãraad̶ai”.

Hechos 11:23

Mau Bernabé ẽbẽra jipa nibasii. Jesusd̶e ãrea ijãa nibasii; Dachi Akõre Jaurid̶eeba nibasii. Bernabé Antioquiad̶e neesiid̶e unusii Dachi Akõreba ichi sõbiad̶eeba ãbarã kariba b̶uu. Maud̶eeba ichi ãrea kĩrajʉʉsii. Maud̶e ichiba jomaurãmaa jarabachii sõd̶eeba ewaricha Dachi Mechiud̶e biawãra ijãad̶amera. Maka b̶uud̶e ãreaba Dachi Mechiud̶e ijãasid̶au.

Hechos 11:27

Mau ewarid̶e Dachi Akõre baita berreabadaurã Jerusalend̶ebena Antioquiad̶aa wãsid̶au.

Hechos 13:1

Ãbarã Antioquía puurud̶ebena tãed̶e Dachi Akõre baita berreabadaurã, maud̶e Cristo ʉ̃rʉbena jaradeabadaurã nureasii. Bernabé, Saulo, Lucio Cirened̶ebena maud̶e Simón b̶uasii. Simón trʉ̃ «Chi Parr» abachid̶au. Manaén sid̶a b̶uasii. Ichi Galilea druad̶ebena jaradea ua b̶uabarii Herodes ome ãbua warisii.

Hechos 14:22

Puurucha ãbarã aid̶abachid̶au Jesusd̶e biꞌia ijãad̶amera. Ãchiba Jesusd̶e ijãa panuu ida b̶urãad̶amera naka jarabachid̶au: «Ãrea biꞌiwãe panad̶ai panuu, Dachi Akõre juad̶e panad̶ai baita, ichid̶irã baara».

Hechos 15:1

Mau ewarid̶e chi nuree Judea druad̶ebenarã Antioquía puurud̶aa wãsid̶au. Aria ãchiba ãbarã judiowãerãmaa jaradea paneesid̶au Moisesba b̶ʉd̶a kĩra mukĩra chi kakua tõod̶aabasiibʉrã, Dachi Akõreba karibaabai.

Hechos 15:22

Maka b̶uud̶e, chi Jesusba bʉid̶arã, ijãabadaurã nubadaurã maud̶e joma ãbarãba mau biꞌia ũrisid̶au. Maud̶eeba chi nureeba jʉrʉ adausid̶au Pablo, Bernabé ome Antioquiad̶aa wãd̶amera. Silas maud̶e Judas jʉrʉ adausid̶au. Judas ara mau Barsabás abachid̶au. Chi waabenarã ãbarãba ãchi biꞌia nuree unusid̶au.

Hechos 15:27

Daiba Judas maud̶e Silas bʉiduu. Mau ãbarãba daiba nau kartad̶e b̶ʉʉduu kĩra jarad̶ai.

Hechos 15:3

Ãbarã Antioquiad̶ebenarãba bʉisid̶aud̶e ãchi Fenicia druad̶e maud̶e Samaria druad̶e nibasid̶au. Puurucha nebʉrʉsid̶au saka judiowãerãba ãchi kʉ̃risia chõra ida b̶ud̶aped̶a Jesusd̶e ijãasid̶au. Mau bed̶ea ũrisid̶aud̶e joma ãbarã kĩrajʉʉsid̶au.

Hechos 15:31

Ãbarãba mau karta jĩwa ed̶a jarasid̶aud̶e ãrea kĩrajʉʉsid̶au, mauba ãchi sõbia paneebiasiid̶eeba.

Hechos 15:41

Maabáeburu wãsid̶au. Siria druad̶e maud̶e Cilicia druad̶e nibaaduud̶e puurucha ãbarã aid̶abachid̶au Dachi Mechiud̶e biꞌia ijãad̶amera.

Hechos 18:23

Pablo aria aribia b̶uasiid̶e Galacia druad̶e maud̶e Frigia druad̶e nibasii. Puurucha chi Jesusd̶e ijãabadaurã jaradeasii biꞌia ijãad̶amera.

Hechos 2:40

Pedro ãrea berreasii ãchiba ijãad̶amera. Naka jara b̶uasii: —¡Dachi Mechiuba chi id̶ibaebena ẽbẽrarã kachirua waubadaud̶ebena ãyaa wã́sturu!

Hechos 20:2

Joma mau druad̶e nibasiid̶e ãbarã aid̶abachii Dachi Mechiud̶e biꞌia ijãad̶amera. Maabae Grecia druad̶e neesii.

Romanos 12:6

Dachi Akõreba ichi sõbiad̶eeba dachicha ne waud̶amera aꞌawaraa deasii. Ichiba chi nureerãmaa deasii ichi baita berread̶amera. Maka dead̶akasiibʉrã, ãchiba biawãra ijãa panuud̶eeba maka berread̶ai panuu.

Romanos 12:8

Chi nureerãmaa deasii ãbarã aid̶a panuud̶eeba biꞌia ijãad̶amera. Maka dead̶akasiibʉrã, ãbarã aid̶ad̶ai panuu biꞌia ijãad̶amera. Chi nureerãmaa deasii ne kaebea dea panuud̶eeba waabenarã aid̶ad̶amera. Maka dead̶akasiibʉrã, sõbiad̶eeba dead̶ai panuu. Chi nureerãmaa deasii chi ijãabadaurã jaradea ua b̶uabarii nuread̶amera. Maka dead̶akasiibʉrã, jipa wau nuread̶ai panuu. Maud̶e chi nureerãmaa deasii waabenarã kĩra chuburiad̶amera. Maka dead̶akasiibʉrã, kĩrajʉʉd̶eeba kĩra chuburiad̶ai panuu.

1 Corintios 1:8

Maud̶eeba Dachi Akõreba machi meserãa dea ua b̶uai ab̶a nau ewari wãꞌãeruud̶aa. Maka Dachi Mechiu Jesucristo neeruud̶e machi ʉ̃rʉbena kachirua jarad̶ayuswãe nuread̶ai.

1 Corintios 14:29

Ara mau kĩra Dachi Akõre baita berreabadau ome maebʉrã õbea berread̶ai panuu. Maud̶e jomaurãba ãchiba berrea panuu kauwa ũrid̶ai panuu biawãra kuitaad̶ai baita.

1 Corintios 14:3

Maamina chi Dachi Akõre baita berrea b̶uuba ẽbẽrarãmaa berrea b̶uu biꞌia ijãad̶amera, chaarea nuread̶amera maud̶e sõbia panad̶amera.

1 Corintios 14:32

Dachi Akõre baita berreabarii barikia berreakau, maumaarã esed̶aubarii berreai baita.

Efesios 3:5

Naed̶e Dachi Akõreba ẽbẽrarãmaa mau kuitaabiawẽa b̶uasii, maamina jãabae chi ichi baita berreabadaurãmaa maud̶e Jesucristoba bʉid̶arãmaa ichi Jaurid̶eeba kuitaabiasii.

1 Tesalonicenses 2:11

Mau awara kuitaa panuu chi akõreba ichi warrarã ome waubarii kĩra daiba machicha maka wau panasid̶au.

1 Tesalonicenses 4:1

Mau awara ãbarã, daiba machimaa jaradeasid̶au saka Dachi Akõre daad̶e nibad̶ai panuu ichiba biꞌia unumera. Dachi Mechiu Jesús trʉ̃d̶e daiba machimaa chi chuburia id̶i panuu, ara mau kĩra nibad̶amera. Biawãra machiba maka waumaa panuu, maamina biꞌia wáusturu.

1 Tesalonicenses 5:14

Ãbarã, daiba chi chuburia id̶i panuu chi machi tãed̶e koꞌoa nureerãmaa kĩra ʉb̶ʉa berread̶amera. Chi sõd̶e kĩra nomaa nuree kĩrajʉʉbísturu, maud̶e chi poyaa dauchia jãadua nuread̶awẽa nuree maud̶e chi sõd̶e meserãa wãꞌãe nuree aid̶ásturu. Jomaurã ome dauchia jãadua panásturu.

1 Tesalonicenses 5:20

Dachi Akõre baita berreabariiba jara b̶uu ida b̶urã́sturu.

2 Tesalonicenses 3:12

Mau ãbarãmaa daiba Dachi Mechiu Jesucristod̶eeba chi chuburia id̶id̶ai jirukaraayuwãe trajad̶amera kod̶ai baita uru panad̶amera.

1 Timoteo 2:1

Nau biꞌia jaraaruu: joma ẽbẽrarã baita ãbarãba Dachi Akõremaa chi chuburia id̶id̶ai panuu, ichiba karibamera ʉtaa id̶id̶ai panuu maud̶e ichíturu kid̶ibai ad̶ai panuu.

2 Timoteo 4:2

Dachi Akõre Bed̶ea jaradea b̶uase. Ẽbẽrarãba ũri kʉ̃ria panuud̶e maud̶e ũri kʉ̃riad̶awẽa panuud̶e jaradeai baita b̶uase. Biꞌiwãe wau nuree jipa waui kuitaabiáse. Kachirua wau nuree iadaase. Maud̶e ãbarã aid̶ase biꞌia ijãad̶amera. Joma jãadua b̶uud̶eeba, kauwa jaradea b̶uud̶eeba maka wause.

1 Pedro 5:1

Machi chi ijãabadaurã nubadaurãmaa mʉʉba chi chuburia id̶iiruu, mʉ sid̶a ijãabadaurã nubariid̶eeba. Cristo ãrea biꞌiwãe b̶uad̶a mʉʉba unusii. Maud̶e Dachi Akõreba Cristo chi mechiu nii unubiaruud̶e mʉ sid̶a ichi ome b̶uai. Maud̶eeba naka chi chuburia id̶iiruu:

1 Pedro 5:10

Machi ewari b̶aꞌãra biꞌiwãe panaped̶aad̶akare Dachi Akõreba ne jomad̶e biꞌia b̶ui. Ichiba machi aid̶ai biꞌia ijãad̶amera, joma jãaduad̶amera maud̶e chaarea nuread̶amera. Dachi Akõreba ichi sõbiad̶eeba ne jomad̶e aid̶abarii. Ichiba machi Jesucristod̶eeba iusii ichi ome ewaricha chi mechiu nuread̶amera.

1 Pedro 5:12

Ãba Silvanoba nau karta cheke aid̶a b̶ʉsii. Mʉʉba kuitaa b̶uu ara ichiba jara b̶uu kĩra joma waubarii. Nau kartad̶eeba mʉʉba machi aid̶a kʉ̃ria b̶uu biꞌia ijãad̶amera. Maud̶e kuitaabiai kʉ̃ria b̶uu biawãra Dachi Akõreba ichi sõbiad̶eeba aid̶a b̶uu. Mau ijãa panásturu.