Hechos 15:22 - Emberá Chamí

²² Maka b̶uud̶e, chi Jesusba bʉid̶arã, ijãabadaurã nubadaurã maud̶e joma ãbarãba mau biꞌia ũrisid̶au. Maud̶eeba chi nureeba jʉrʉ adausid̶au Pablo, Bernabé ome Antioquiad̶aa wãd̶amera. Silas maud̶e Judas jʉrʉ adausid̶au. Judas ara mau Barsabás abachid̶au. Chi waabenarã ãbarãba ãchi biꞌia nuree unusid̶au.

Hechos 15:22 ပူးပေါင်းရင်းမြစ်များ

Hechos 1:23

Maud̶e mau ẽbẽra omed̶ebena ab̶a jʉrʉsid̶au, ãchid̶ebena ab̶a adoed̶ai baita. Ab̶a José basii. Ichi Barsabás maebʉrã Justo abadau. Maud̶e chi ab̶a Matías basii.

Hechos 11:19

Esteban biud̶akare ẽbẽrarãba chi Jesusd̶e ijãabadaurã kachirua waud̶ai baita wãraasid̶au. Maud̶eeba ãbarã Jerusalend̶ebena miru wãurisid̶au. Fenicia druad̶aa, Chipre islad̶aa maud̶e Antioquía puurud̶aa wãsid̶au. Ãchi wãaduucha chi bed̶ea Jesús ʉ̃rʉbena ab̶a judiorãmáburu jarabachid̶au.

Hechos 11:20

Maka panuud̶e chi nuree Jesusd̶e ijãabadaurã Chipred̶ebena maud̶e Cirene puurud̶ebena Antioquiad̶e panad̶e wãsid̶au. Maarãba griegorãmaa chi bed̶ea bia Dachi Mechiu Jesús ʉ̃rʉbena jara kopaneesid̶au.

Hechos 11:22

Ãbarã Jerusalend̶ebenarãba mau kuitaasid̶aud̶e Bernabé Antioquiad̶aa bʉisid̶au.

Hechos 11:27

Mau ewarid̶e Dachi Akõre baita berreabadaurã Jerusalend̶ebena Antioquiad̶aa wãsid̶au.

Hechos 15:23

Ãchi ome karta naka b̶ʉ urubʉisid̶au: Jesusba bʉid̶arã, chi ijãabadaurã nubadaurã maud̶e joma ãbarãba nau karta b̶ʉʉduu, chi judiowãerã Antioquía puurud̶ebena baita, Siria druad̶ebena baita maud̶e Cilicia druad̶ebena baita. Daiba kʉ̃ria panuu machi biꞌia panad̶ai.

Hechos 15:25

Maud̶eeba daiba bed̶ea arab̶aud̶e deasid̶au chi daid̶ebenarã machimaa bʉid̶ai baita. Maarã wãd̶ai chi dachiba kʉ̃ria panuu ãba Bernabé maud̶e Pablo baara.

Hechos 15:27

Daiba Judas maud̶e Silas bʉiduu. Mau ãbarãba daiba nau kartad̶e b̶ʉʉduu kĩra jarad̶ai.

Hechos 15:3

Ãbarã Antioquiad̶ebenarãba bʉisid̶aud̶e ãchi Fenicia druad̶e maud̶e Samaria druad̶e nibasid̶au. Puurucha nebʉrʉsid̶au saka judiowãerãba ãchi kʉ̃risia chõra ida b̶ud̶aped̶a Jesusd̶e ijãasid̶au. Mau bed̶ea ũrisid̶aud̶e joma ãbarã kĩrajʉʉsid̶au.

Hechos 15:30

Maabae chi ãchiba bʉiped̶aad̶arã Antioquía puurud̶aa wãsid̶au. Need̶aped̶a joma ãbarã araa ãbua imibiad̶aped̶a mau karta deasid̶au.

Hechos 15:32

Judas maud̶e Silas Dachi Akõre baita berreabadaurã basii. Maud̶eeba ne ãrea jarasid̶au ãbarãba biꞌia ijãad̶amera maud̶e chaarea panad̶amera.

Hechos 15:40

Maud̶e Pabloba Silas jʉrʉ adausii ichi baara wãmera. Ãbarãba ãchi Dachi Mechiu juad̶e b̶usid̶au ichi sõbiad̶eeba aid̶amera.

Hechos 16:19

Maud̶e chi ãwera chibarirãba kuitaasid̶au ichid̶eeba waa chi nejarra adaud̶aabai. Maud̶eeba Pablo maud̶e Silasba jidaud̶aped̶a puurud̶ebena karrarãmaa adoesid̶au.

Hechos 16:25

Ẽsabud̶e ẽsa baaruud̶e Pabloba maud̶e Silasba Dachi Akõremaa ʉtaa id̶i panasid̶au maud̶e ichimaa kari panasid̶au. Mau waabena jʉ̃a duanuurãba ũri panasid̶au.

Hechos 16:29

Maabae chi jʉ̃a b̶ee nubariiba ʉ̃d̶aa koabarii adoebiped̶a Pablo maud̶e Silas panuumaa isa ed̶aa wãsii. Wapeaba uri kub̶uuba ãchi jʉ̃rʉ kaita õdarrd̶eeba kob̶eesii.

Hechos 17:10

Ara mau ẽsabud̶e ãbarãba Pablo maud̶e Silas Berea puurud̶aa bʉisid̶au. Need̶aped̶a judiorã araa ãbua imibadau deed̶aa wãsid̶au.

Hechos 17:14

Ara makʉd̶e ãbarãba Pablo mard̶aa bʉisid̶au. Maamina Silas maud̶e Timoteo Berea puurud̶e paneesid̶au.

Hechos 17:4

Chi nuree judiorãba mau ijãad̶aped̶a Pablo maud̶e Silas ome ãbua paneesid̶au. Maud̶e ãrea griegorã Dachi Akõre wapea nureeba maud̶e chi nuree wẽrarã mechiurãba ijãasid̶au.

Hechos 18:5

Maka b̶uud̶e Silas maud̶e Timoteo Macedonia druad̶ebena neesid̶au. Maad̶akare Pabloba ewaricha Dachi Akõre bed̶ea jaradea b̶uabachii. Ichiba judiorãmaa jarabachii Jesús biawãra Dachi Akõreba Dachi Karibabarii deai jarad̶a.

Hechos 8:14

Maud̶e chi Jesusba bʉid̶arã Jerusalend̶e nureeba ũrisid̶au Samariad̶ebenarãba Dachi Akõre bed̶ea ijãasid̶au. Maud̶eeba Pedro maud̶e Juan ãchimaa bʉisid̶au.

2 Corintios 1:19

Silvanoba, Timoteoba maud̶e mʉa bid̶a machimaa Dachi Akõre Warr Jesucristo ʉ̃rʉbena jaradea panasid̶au. Jesucristoba waui ad̶a waya wauwẽa akau. Ichiba waui ad̶a joma waubarii. Daiba «nau biawãra» ad̶aabasii, maad̶akare «seta» ad̶ai baita.

1 Tesalonicenses 1:1

Mʉ Pablobʉ. Nau karta b̶ʉmaa b̶uu chi ãbarã Tesalónica puurud̶ebenarã baita. Machi Dachi Bajãad̶ebena Akõred̶ebʉ maud̶e Dachi Mechiu Jesucristod̶ebʉ. Mʉ ãba Silvano maud̶e Timoteo mʉ baara panuu. Daiba kʉ̃ria panuu Dachi Akõreba maud̶e Dachi Mechiu Jesucristo bid̶a maarã sõbiad̶eeba machi kariba panad̶amera maud̶e jirukaraayuwãe panabiad̶amera.

2 Tesalonicenses 1:1

Mʉ Pablobʉ. Nau karta b̶ʉʉruu ãbarã Tesalónica puurud̶ebena baita. Machi, Dachi Bajãad̶ebena Akõred̶ebʉ maud̶e Dachi Mechiu Jesucristod̶ebʉ. Ãba Silvano maud̶e Timoteo mʉ ome panuu.

1 Pedro 5:12

Ãba Silvanoba nau karta cheke aid̶a b̶ʉsii. Mʉʉba kuitaa b̶uu ara ichiba jara b̶uu kĩra joma waubarii. Nau kartad̶eeba mʉʉba machi aid̶a kʉ̃ria b̶uu biꞌia ijãad̶amera. Maud̶e kuitaabiai kʉ̃ria b̶uu biawãra Dachi Akõreba ichi sõbiad̶eeba aid̶a b̶uu. Mau ijãa panásturu.