Hechos 14:4 - Emberá Chamí

⁴ Maamina mau puurud̶ebenarãba aꞌawaraa kʉ̃risia nureasii. Chi nuree judiorã baara panasid̶au maud̶e chi waabenarã Pablo maud̶e Bernabé baara panasid̶au.

Hechos 14:4 ပူးပေါင်းရင်းမြစ်များ

Lucas 2:34

Maud̶e Simeonba ãchimaa biꞌia jaraped̶a Mariamaa naka jarasii: —Dachi Akõreba nau warr deasii israeld̶ebenarã ãrea biꞌia b̶umera maud̶e ãrea biꞌiwãe b̶umera. Kuitaabiai ichi Dachi Akõred̶ebena nee b̶uu, maamina ichi ʉ̃rʉbena kachirua jarad̶ai.

Juan 7:43

Maka Jesús kakua ẽbẽrarã aꞌawaraa duanasii.

Hechos 13:2

Earab̶a ãbarãba chiko kod̶akau ewari wau panuud̶e Dachi Mechiumaa biꞌia berrea panasid̶au. Maka panuud̶e Dachi Akõre Jauriba ãchimaa jarasii: «Bernabé maud̶e Saulo mʉʉba iusii. Maud̶eeba ãchi awara adáusturu chi mʉʉba waubia b̶uu waud̶amera».

Hechos 13:45

Maamina chi judiorã karrarãba ẽbẽrarã ãrea ãchi ded̶e unusid̶aud̶e Pablo kakua sõd̶e jiwaa duaneesid̶au. Pabloba jaradea b̶uud̶e ãchiba seta abachid̶au maud̶e Pablo ʉ̃rʉbena kachirua berreabachid̶au.

Hechos 13:50

Maamina judiorãba Dachi Akõre wapea nuree wẽrarã chi mechiurãmaa maud̶e mukĩra chi mechiurãmaa jarasid̶au Pablo maud̶e Bernabé kachirua waud̶amera. Maka ãchi puurud̶ebena duabʉisid̶au.

Hechos 14:14

Maamina chi Jesusba bʉid̶arã Bernabé maud̶e Pabloba mau kuitaasid̶aud̶e ãchi paru anab̶ari jʉ̃badau kõekuad̶aped̶a ẽbẽrarã tãed̶e pira wãd̶aped̶a naka jĩwa jarasid̶au:

Hechos 14:19

Listrad̶e panuud̶e waabenarã judiorã Antioquía puurud̶ebena maud̶e Iconio puurud̶ebena neesid̶au. Ãchiba Listrad̶ebenarãmaa Pablo ʉ̃rʉbena kachirua kʉ̃risiabiasid̶au. Maud̶eeba jomaurãba Pablo mooba b̶atasid̶au. Ichi biusii kʉ̃risiasid̶aud̶eeba puuru awara erta adoesid̶au.

Hechos 14:2

Maamina judiorã Jesús ijãad̶akaurãba judiowãerãmaa chi ãbarã ʉ̃rʉbena kachirua kʉ̃risiabiasid̶au.

Hechos 14:5

Judiorã maud̶e judiowãerã chi puurud̶ebena karrarã ome bed̶ea deasid̶au Pablo maud̶e Bernabé puꞌuabiad̶aped̶a mooba b̶ata bead̶ai baita.

Hechos 19:9

Maamina waabenarã sõ chaareakuad̶aped̶a ijãad̶aabasii. Ẽbẽrarã daad̶e Jesús chi O ʉ̃rʉbena kachirua berreabachid̶au. Maud̶eeba Pablo jãmabena ãyaa wãsii. Ichiba chi ijãabadaurã jaradeabadau deed̶aa adoesii. Mau de Tiranod̶e basii. Aria ewaricha jaradeabachii.

Hechos 28:24

Pabloba jarad̶a chi nureeba ijãasid̶au, maamina waabenarãba ijãad̶aabasii.

1 Corintios 9:5

Waabenarã Jesusba bʉid̶arã, Dachi Mechiu Jesús ãbarã maud̶e Pedro ãchi wẽrarã ome ãbua nibabadau. Ara maarã kĩra ¿Jesusd̶e ijãa b̶uu wẽra ome kãiped̶a, mʉ ome ãbua uru nibaabai b̶uka?

1 Tesalonicenses 2:14

Ãbarã, machiba ijãa panuu kakua ara machi druad̶ebenarãba kachirua wau panasid̶au Dachi Akõred̶e ẽbẽrarã judiorã druad̶e makaped̶aad̶a kĩra. Aria Jesucristod̶e ijãabadaurã judiorã chi ijãad̶akaurãba kachirua wau panasid̶au.