Hechos 14:15 - Emberá Chamí

¹⁵ —Machiba, ¿sakãe jãka wau panuma? Dai biawãra ẽbẽrarãbʉ, machi kĩra. Machimaa jarad̶e nee panuu chi biawãe b̶ee ida b̶ud̶aped̶a Dachi Akõre chokae nii ijãad̶amera. Mau Dachi Akõreba bajãa, nau iujãa, mar maud̶e joma mamed̶a duanuu wausii.

Hechos 14:15 ပူးပေါင်းရင်းမြစ်များ

Mateo 16:16

Simón Pedroba panausii: —Bichi Dachi Akõreba Dachi Karibabarii deai jarad̶a, Dachi Akõre chokae b̶uu Warrbʉ.

Juan 5:26

Mʉ Chacha chokae b̶uabarii kĩra, mʉʉba mau chokae b̶uai deabarii ichiba mʉʉmaa deasiid̶eeba.

Juan 7:18

Barikia ara ichi kʉ̃risiad̶eeba berrea b̶uubʉrã maka wau b̶uu ẽbẽrarãba ichi ʉ̃rʉbena biꞌia kʉ̃risiad̶amera. Maamina ab̶aba kʉ̃ria b̶uubʉrã waabenarãba ichi bʉid̶a ʉ̃rʉbena biꞌia kʉ̃risiad̶ai, biawãra jara b̶uu; setaa waukau.

Hechos 10:26

Maamina jiradubiped̶a, Pedroba naka jarasii: —¡Jiraduse! Mʉ sid̶a ẽbẽra mukĩra nii, bichi kĩra.

Hechos 13:32

»Ara mau kĩra daiba nau bed̶ea bia jara panuu: Dachi Akõre dachi nabẽraed̶ebenarãba ome bed̶ea deasii maud̶e dachi, ãchid̶ebena neeped̶aad̶arã ewarid̶e mau bed̶ea dead̶a joma wausii. Jesús chokae jiradubisii salmo omed̶e b̶ʉ kub̶uu kĩra. Naka jara b̶uu: “Bichi mʉ Warrbʉ. Id̶i bichi mʉ Warr aaruu”.

Hechos 14:21

Derbe puurud̶e Pablo maud̶e Bernabeba chi bed̶ea bia Jesús ʉ̃rʉbena jarasid̶aud̶e ãreaba ijãasid̶au. Mau maad̶akare Listra puurud̶aa, Iconio puurud̶aa maud̶e Antioquiad̶aa waya wãsid̶au.

Hechos 14:7

Aria chi bed̶ea bia Jesús ʉ̃rʉbena jarabachid̶au.

Hechos 16:30

Maabae ãchi awara adoeped̶a id̶isii: —Mʉʉba ¿kãare sãaima Dachi Akõreba mʉ karibamera?

Hechos 27:10

Naka jarasii: «Mʉ mechiurã, mʉʉba kuitaa b̶uu dachi wãaduubʉrã kachirua wãd̶ai. Jãba ãrii, chi jãbad̶e adoeduu sid̶a ãrii maud̶e dachi sid̶a kinid̶ai».

Hechos 27:21

Ãrea ba b̶uasii kod̶awẽa panuu. Maud̶eeba Pablo jomaurã ẽsa b̶ari nub̶eeped̶a jarakuasii: —Mʉʉba machimaa jarasii Creta islad̶ebena wãrãad̶amera. Mʉ bed̶ea ijãaped̶aad̶a basirã nau kachiruad̶e duanad̶aabaikausii maud̶e ne taawãd̶aabaikausii.

Hechos 27:25

Maud̶eeba, ẽbẽrarã, jirukaraarã́sturu. Mʉʉba ijãa b̶uu Dachi Akõreba waui ichi angelba mʉʉmaa jarad̶a kĩra.

Hechos 4:24

Mau ũrisid̶aud̶e joma ãbua Dachi Akõremaa ʉtaa id̶isid̶au: «Dai Mechiu joma poyaa nii, bichiaburu bajãa, nau iujãa, mar maud̶e joma mamed̶a duanuu wausii.

Hechos 7:26

Norema Moisesba unusii Israeld̶ebena ome chĩo panuu. Ãchi jua dead̶amera naka jarasii: “¡Machi arab̶au puurud̶ebenabʉ! ¿Sakãe jãka chĩo panuma?”

1 Corintios 8:4

Maud̶eeba Dachi Akõrerã kuenda juaba ne kaped̶aad̶arãmaa ãnimara kiuru baa dead̶a kobadau ʉ̃rʉbena mʉʉba jaraaruu. Dachiba kuitaa panuu juaba ne kaped̶aad̶a biawãrawãe. Maud̶e kuitaa panuu Dachi Akõre biawãra ab̶aburu nii.

Efesios 4:17

Machiba biawãra waud̶amera, mʉʉba Dachi Mechiu trʉ̃d̶eeba nau jaraaruu: waa Dachi Akõre adua nuree kĩra nibarã́sturu. Ãchi kʉ̃risia biꞌiwãe nureed̶eeba nibabadau.

1 Tesalonicenses 1:9

Ara ãchiba jara panuu saka machiba dai deed̶aa urúbad̶e aped̶aad̶a, maud̶e Dachi Akõre kuenda juaba ne kaped̶aad̶arã ida b̶usid̶au Dachi Akõre biawãra chokae nii ijãad̶ai baita.

1 Timoteo 3:15

Maamina kãꞌãaruubʉrã mʉʉba kʉ̃ria b̶uu Dachi Akõre chokae nii ẽbẽrarã saka ãbua panad̶ai panuu bichiba kuitaamera. Dachiba Dachi Akõre chi biawãra bed̶ea jaradeabadau de wãto kĩra b̶uu maud̶e de jʉ̃rʉ kĩra b̶uu.

Hebreos 3:12

Ãbarã, kauwa panásturu. Sõ chaareaba machid̶ebena ab̶a bid̶a Dachi Akõred̶e ijãawẽa b̶uarã́se. Chi maka niiba Dachi Akõre chokae nii ida b̶ubarii.

Santiago 5:17

Elías dachi kĩra ẽbẽra basii. Mauba sõd̶eeba Dachi Akõremaa ʉtaa id̶isii kui cherãamera. Maabae Israel druad̶e año õbea y medio kui cheebasii.

Apocalipsis 14:7

Mauba jĩwa naka jarasii: «¡Dachi Akõre wapeásturu! Ichíturu chi mechiu nii ásturu, ichiba kastikai ewari neesiid̶eeba. Bajãa, iujãa, mar maud̶e bania iorod̶e bumadrubarii waud̶ad̶eeba, mau biꞌia berreásturu».

Apocalipsis 19:10

Ara makʉd̶e mʉ chi ángel jʉ̃rʉ kaita õdarrd̶e kob̶eesii biꞌia berreai baita. Maamina mauba mʉʉmaa jarasii: «Mau waurã́se, Dachi Akõréturu biꞌia kʉ̃riáse. Bari mʉ Dachi Akõre baita bari trajabariibʉ bichi kĩra, maud̶e ãbarã Jesusba jaradead̶a ijãabadaurã kĩra». Jesusba jaradead̶a Dachi Akõre Jauriba chi ichi baita berreabadaurãmaa berreabiabarii.

Apocalipsis 19:19

Maabae mʉʉba ãnimara kachirua, nau iujãad̶ebena reyrã, maud̶e joma ãchi kokoroarã ãbua imiped̶aad̶a unusii. Ãbua panasid̶au chi mura ʉ̃rʉ akʉ b̶uu ome chĩod̶ai baita maud̶e chi ichi baara panuu kokoroarã ome chĩod̶ai baita.

Apocalipsis 22:9

Maamina ichiba jarasii: «Jãka waurã́se, maumaarã Dachi Akõremáturu biꞌia berreáse. Mʉ arab̶aud̶e bichi kĩra Dachi Akõre baita bari trajabariibʉ, ãbarã Dachi Akõre baita berreabadaurã kĩra, maud̶e joma nau kartad̶e jara b̶uu ijãabadaurã kĩra».

Apocalipsis 4:11

Dachi Mechiu, Dachi Akõrebʉ, bichi biꞌia nii jomaurãba jarad̶amera bichi mipitaa nii, bichi wapead̶amera, maud̶e joma poyaabarii. Biꞌia b̶uu jomaurãba mau jarad̶ai, bichiba ne joma wausiid̶eeba. Biawãra bichiba kʉ̃riasiid̶eeba, ne joma wausii maud̶e joma bichid̶eeba nuree.