Hechos 13:48 - Emberá Chamí

⁴⁸ Judiowãerãba mau ũrisid̶aud̶e kĩrajʉʉsid̶au. Ara makʉd̶e chi Dachi Mechiu bed̶ea biꞌia b̶uu asid̶au. Chi Dachi Akõreba ewaricha ichi baara chokae nuread̶ai duanud̶aba ijãasid̶au.

Hechos 13:48 ပူးပေါင်းရင်းမြစ်များ

Mateo 25:46

Maabae Dachi Akõreba maarã tʉbʉchia kiikaud̶aa bʉi, maamina chi jipa nuree eneei ichi baara ewaricha chokae panad̶amera.

Mateo 28:16

Mau maad̶akare Jesús baara nibabadaurã 11 panuurã Galilea druad̶aa wãsid̶au Jesusba jarad̶a ead̶aa.

Lucas 7:8

Mʉ jaradea b̶uabariiba jara b̶uu mʉʉba ijãai b̶uu. Maud̶e mʉʉba jara b̶uu kokoroarã mʉ juad̶e nureerãba ijãad̶ai panuu; mʉʉba ab̶aumaa nébad̶e aaruud̶e neebarii; wã́bad̶e aaruud̶e, wãbarii; maud̶e mʉ baita bari trajabariimaa naka wáubad̶e aaruud̶e arab̶aud̶e ichiba waubarii».

Juan 10:16

Mʉʉba oeja june ua b̶uu nau oeja nubadaumarebenawaẽ. Maarã sid̶a mʉʉba ed̶a adooi. Ãchiba mʉ bed̶ea ijãad̶ai. Maka joma ãbua panad̶ai. Maud̶e ãchi nubarii ab̶a b̶uai.

Juan 11:52

Maamina ab̶aburu judiorã baita biubai basii, maumaarã joma Dachi Akõre warrarã nau iujãad̶e drua didiwaraacha nuree, ara puuru ab̶aud̶e duanui baita.

Hechos 13:12

Sergio Pauloba mau unusiid̶e ãchiba Dachi Mechiu ʉ̃rʉbena jaradea panuu ãrea biꞌia ũrisiid̶eeba ijãasii.

Hechos 13:42

Pablo maud̶e Bernabé judiorã araa ãbua imibadau ded̶ebena wãaduud̶e ẽbẽrarãba chi chuburia id̶isid̶au chi ab̶abena bari panabadau ewari neeruud̶e mau ʉ̃rʉbena berread̶amera.

Hechos 15:2

Maud̶eeba Pablo maud̶e Bernabeba ãchi ome ãrea kĩru berreasid̶au. Ãbarãba Pablo, Bernabé maud̶e chi nuree ijãabadaurã Jerusalend̶aa bʉisid̶au mau ʉ̃rʉbena ãbua berread̶amera chi Jesusba bʉid̶arã ome maud̶e ijãabadaurã nubadaurã ome.

Hechos 15:31

Ãbarãba mau karta jĩwa ed̶a jarasid̶aud̶e ãrea kĩrajʉʉsid̶au, mauba ãchi sõbia paneebiasiid̶eeba.

Hechos 2:41

Ãrea ẽbẽrarãba ichi bed̶ea ijãad̶aped̶a boro easid̶au. Mau ewarid̶e chi Jesusd̶e ijãaped̶aad̶a 3.000 panasid̶au.

Hechos 2:47

Ãchiba Dachi Akõremaa biꞌia berreabachid̶au. Maud̶e waabenarãba ãchi biꞌia unubachid̶au. Maud̶e Dachi Mechiuba ewaricha ẽbẽrarã karibabachii. Maka Dachi Akõreba ãchi ãrea bawaabiasii.

Hechos 20:13

Pablo Asón puurud̶aa od̶e wãi kʉ̃riasii. Maamina dai jãbad̶e naa wãbiasii. Aria ichi ataui asii. Dai ara makʉd̶e wãsid̶au.

Hechos 22:10

Maud̶e mʉʉba id̶isii: “Mʉ Mechiu, ¿bichiba kãare kʉ̃ria b̶uma mʉʉba waui?” Dachi Mechiuba panausii: “Jiraduped̶a Damasco puurud̶aa wãse. Mʉʉba jamaria jarai kãare waui b̶uu”.

Hechos 28:23

Maud̶e ãchiba ewari ab̶a b̶usid̶au. Mau ewari neesiid̶e ẽbẽrarã ãrea Pablo b̶uumaa neesid̶au. Daped̶eed̶ebena ab̶a kewaraad̶aa Pabloba berreamaa b̶uasii Dachi Akõreba ichid̶irã ichi juad̶e ua b̶uu ʉ̃rʉbena. Moisesba b̶ʉd̶ad̶eeba maud̶e Dachi Akõre baita berreabadaurãba b̶ʉped̶aad̶ad̶eeba jaradea b̶uasii Jesusd̶e ijãad̶amera.

Hechos 8:8

Chi ẽbẽrarã mau puurud̶ebenarã ãrea kĩrajʉʉ duanasid̶au.

Romanos 11:7

¿Mau ʉ̃rʉbena saka kʉ̃risia panuma? Israeld̶ebenarãba Dachi Akõre puuru bad̶ai jʉrʉ panasmina makad̶aabasii. Maamina israeld̶ebenarã ãreawãe panuuba ijãasid̶au, Dachi Akõreba jʉrʉ adausiid̶eeba. Waabenarãba ijãad̶ai kʉ̃riad̶aabasii.

Romanos 13:1

Dachi jomaurã chi nau iujãad̶ebena jaradea ua b̶uabadaurã juad̶e panad̶ai panuu Dachi Akõreba maarã b̶usiid̶eeba. Ab̶a bid̶a wãꞌãe Dachi Akõreba b̶ud̶awãe.

Romanos 8:28

Mau awara Dachi Akõreba kʉ̃risia b̶uad̶a kĩra chi ichi kʉ̃riabadau ichiba iukuasii. Dachiba kuitaa panuu maarã baita Dachi Akõreba ne jomad̶e biꞌia waubarii.

1 Corintios 16:15

Ãbarã, machiba kuitaa panuu Acaya druad̶e Estefanasba maud̶e ichi ded̶ebenarã chi naed̶e Jesusd̶e ijãaped̶aad̶a maud̶e ãchiba kʉ̃risia panuu joma ãbarã aid̶ad̶ai baita.

Efesios 1:11

Dachi Akõreba ne joma ichiba wau kʉ̃ria b̶uu waubarii kĩra Cristod̶eeba dachi jʉrʉ adausii, nabẽraed̶eed̶e kʉ̃risia b̶uad̶a kĩra.

Efesios 1:19

Maud̶e mʉʉba ʉtaa id̶ibarii machiba kuitaad̶amera ichi poyaa jomaurã audeara poyaa b̶uu. Mau poyaabariid̶eeba ichiba dachi ichid̶e ijãa nuree kariba b̶uu. Ara mau poyaabarii mechia b̶uud̶eeba,

Efesios 1:4

Nau drua waui naed̶e Cristod̶eeba dachi jʉrʉ adausii ichi baita biꞌia nuread̶amera maud̶e ichi daad̶e jayoa kachiruaswãe nuread̶amera. Nabẽraed̶eed̶e Jesucristod̶eeba dachi ichi warrarã bad̶ai a kʉ̃risia b̶uasii. Maka wau kʉ̃ria b̶uasii dachi kʉ̃riakuasiid̶eeba.

2 Tesalonicenses 3:1

Mau awara ãbarã, dai baita Dachi Akõremaa ʉtaa id̶ísturu Dachi Mechiu bed̶ea druacha isa wãmera maud̶e ẽbẽrarãba mau kakua biꞌia jarad̶amera machi tãed̶eeba makad̶a kĩra.