Hechos 13:46 - Emberá Chamí

⁴⁶ Mau Pabloba maud̶e Bernabeba wapeawẽa ãchimaa naka jarasid̶au: —Biawãra daiba machimaa Dachi Akõre bed̶ea naa jarad̶ai panasid̶au. Maamina machiba mau bed̶ea ida b̶u panuud̶eeba maud̶e machimaarã ewaricha Dachi Akõre ome chokae b̶uai kʉ̃riad̶awẽed̶eeba, daiba judiowãerãmaa mau bed̶ea jarad̶e wãd̶ai.

Hechos 13:46 ပူးပေါင်းရင်းမြစ်များ

Mateo 10:6

Maumaarã chi Israel puurud̶ebena oeja o ãyare nuree kĩra panuumaa wã́sturu.

Mateo 21:41

Maud̶e paare mechiurãba maud̶e judiorã mechiurãba naka panausid̶au: —Ichiba kĩra chuburiawẽa mau ẽbẽrarã kachiruarã kenaped̶a, waabena ẽbẽrarã ome bed̶ea deai chi uud̶a nud̶amera. Mau ẽbẽrarãba ichi uud̶ad̶ebena dead̶ai panuu chi uva waraa nub̶eeruud̶e dead̶ai.

Mateo 25:46

Maabae Dachi Akõreba maarã tʉbʉchia kiikaud̶aa bʉi, maamina chi jipa nuree eneei ichi baara ewaricha chokae panad̶amera.

Lucas 24:47

Maabae ichi trʉ̃d̶eeba ichi ijãabadaurãba ẽbẽrarãmaa jarad̶ai ãchi kachirua ida b̶ud̶aped̶a Dachi Akõremaa need̶amera. Maka Dachi Akõreba ãchi kachirua perdonai. Mau naa Jerusalén puurud̶e jarad̶aped̶a joma puuru b̶eecha jarad̶e wãd̶ai.

Juan 1:11

Ichi druad̶ebenarãmaa neesii. Maud̶e ichi biꞌia irsibid̶aabasii.

Juan 4:22

Machi Samariad̶ebenarã Dachi Akõremaa biꞌia berreabadamina ichi adua panuu. Dai judiorãba ichi kuitaa panuu, judiorãd̶eeba Dachi Akõreba saka ẽbẽrarã karibabarii kuitaabia b̶uud̶eeba.

Hechos 13:14

Ãchi Perged̶e panaped̶a wãsid̶au Antioquía puurud̶aa. Mau puuru Pisidia druad̶e b̶uu. Aria bari panabadau ewarid̶e judiorã araa ãbua imibadau ded̶e ed̶a wãd̶aped̶a akʉ paneesid̶au.

Hechos 13:26

»Machi ãbarã Abrahamd̶ebena neeped̶aad̶arã maud̶e machi judiowãerã Dachi Akõre wapea nuree, Dachi Akõreba dachimaa mau bed̶ea dachi karibai ʉ̃rʉbena bʉisii.

Hechos 13:5

Salamina puurud̶e need̶aped̶a judiorã araa ãbua imibadau decha Dachi Akõre bed̶ea jaradeasid̶au. Ãchi aid̶ai baita Juan Marcos ãchi baara nibasii.

Hechos 19:9

Maamina waabenarã sõ chaareakuad̶aped̶a ijãad̶aabasii. Ẽbẽrarã daad̶e Jesús chi O ʉ̃rʉbena kachirua berreabachid̶au. Maud̶eeba Pablo jãmabena ãyaa wãsii. Ichiba chi ijãabadaurã jaradeabadau deed̶aa adoesii. Mau de Tiranod̶e basii. Aria ewaricha jaradeabachii.

Hechos 22:21

Maamina Dachi Mechiuba mʉʉmaa jarasii: “Wãse. Mʉʉba bichi kaitawẽ judiowãerãmaa bʉii”».

Hechos 26:20

Mʉʉba naed̶e Damasco puurud̶ebenarãmaa jarasii ãchiba kachirua waubadau ida b̶ud̶aped̶a Dachi Akõremaa need̶amera. Mau maad̶akare Jerusalén puurud̶e, joma Judea druad̶e maud̶e judiowãerãmaa ara mau jarasii. Jomaurãmaa jarasii biꞌia wau panuu ãchiba kachirua wauped̶aad̶a biawãra ida b̶uped̶aad̶a unubiad̶ai baita.

Hechos 28:28

»Jãu kuitásturu: Dachi Akõreba dachi karibai ʉ̃rʉbena jara nuree judiowãerãmaa bʉisii. Ãchiba mau biꞌia ũrid̶ai.

Hechos 3:26

Dachi Akõreba chi ichi baita bari trajabarii Jesús chokae jiradubiped̶a naa machimaa bʉisii karibamera. Machicha aid̶a b̶uu machiba kachirua waubadau ida b̶ud̶amera».

Hechos 4:13

Chi karrarãba Pedro maud̶e Juan wapeawẽa berrea panuu unusid̶aud̶e kuitaa kʉ̃risiad̶aabasii. Ãchiba kuitaa panasid̶au Pedro maud̶e Juan ãrea karta adua nuree. Mau awara kuitaasid̶au ãchi Jesús baara nibabachid̶au.

Hechos 7:51

»¡Machi sõ chaarea nuree! ¡Sõd̶eeba ijãad̶akau! Dachi Akõre bed̶ea ũri kʉ̃riad̶akau. Dachi Akõre Jauriba jara b̶uu machiba ewaricha ida b̶ubadau. Ara machi nabẽraed̶ebenarã kĩra nuree.

Hechos 9:20

Maud̶e judiorã araa ãbua imibadau decha ichiba jaradea b̶eesii Jesús biawãra Dachi Akõre Warr nii.

Romanos 1:16

Mʉ kĩra nejasiakau chi bed̶ea bia Jesús ʉ̃rʉbena jaradeai baita, chi mau bed̶ea ijãaduu Dachi Akõreba ichi poyaad̶eeba joma karibabariid̶eeba; naa judiorã karibai maud̶e judiowãerã sid̶a.

Romanos 2:10

Maamina joma biꞌia wau nuree Dachi Akõreba biꞌia unui, biꞌia jarai maud̶e jirukaraayuwãe b̶uabiai. Naa judiorã maud̶e judiowãerã sid̶a maka waui.

Filipenses 1:14

Maud̶eeba ãrea ãbarãba Dachi Mechiud̶eeba Dachi Akõre bed̶ea wapeawẽa jara nibabadau.

Hebreos 11:34

Chi nuree Dachi Akõred̶e ijãa panasiid̶eeba tʉbʉ aokoba baad̶aabasii. Chi nuree espadaba bead̶ai bad̶ad̶ebena jĩichoa wãurisid̶au. Chi nuree kakua meserãaswãe nuread̶a meserãa adausid̶au maud̶e chaarea paneesid̶au chĩod̶ai baita. Maud̶eeba chi kĩramaabadaurã jĩichoabiasid̶au.