Hechos 13:29 - Emberá Chamí

²⁹ Dachi Akõre kartad̶e ichi bead̶ai ʉ̃rʉbena b̶ʉped̶aad̶a joma mau maad̶akare ichi cruzd̶ebena ed̶aa adaud̶aped̶a jau b̶usid̶au.

Hechos 13:29 ပူးပေါင်းရင်းမြစ်များ

Marcos 15:42

Norema bari panabadau ewari basii. Mau ewari baita chi judiorãba ne wau panasid̶au. Kewaraa baaruud̶e,

Lucas 23:50

Ẽbẽra José abadau b̶uasii. Mau Arimatea puuru, Judea druad̶ebena basii. Ẽbẽra bia nibasii maud̶e jipa nibasii. Dachi Akõreba ichid̶irã ichi juad̶e ua b̶uai esed̶au b̶uasii. Mau judiorã chi jaradea ua b̶uabadaurãd̶ebena basii maamina mau baita, ãchiba bed̶ea deaped̶aad̶a maud̶e chi wauped̶aad̶a biꞌiwãe b̶uasii. Maarãba wauped̶aad̶a kachirua b̶uu unusii.

Lucas 23:53

Maabae Jesús ed̶aa jiraped̶a ẽeboroba bʉraped̶a mo chob̶ea korod̶ad̶e ed̶a nub̶usii. Mau chob̶ea korod̶ad̶e chi biud̶a ab̶a bid̶a wabid̶a jau b̶ud̶akau basii.

Lucas 24:44

Mau maad̶akare ãchimaa jarasii: —Mʉ wabid̶a machi baara b̶uasiid̶e jara b̶uabachii mʉ ʉ̃rʉbena naa b̶ʉped̶aad̶a joma makai b̶uu. Mau Moisesba b̶ʉsii, Dachi Akõre baita berreabadaurãba b̶ʉsid̶au, maud̶e Salmos kartad̶e bid̶a b̶ʉ kub̶uu.

Juan 19:28

Maka jarasiid̶e Jesusba kuitaasii joma ichiba waui b̶uad̶a wausii. Maud̶e jarasii: —Mʉ obisia b̶uu. Mau jarasii Dachi Akõre bed̶ead̶e jara b̶uu kĩra.

Juan 19:30

Jesusba mau uva b̶aa orekea do chaaped̶a jarasii: —Mʉʉba waui b̶uad̶a joma wausii. Maabae ichi boro ed̶aa jaab̶arisiid̶e biusii.

Hechos 13:27

Jerusalend̶ebenarãba maud̶e ãchi karrarãba Jesús dachi Karibabarii kuitaad̶aabasii. Dachi Akõre baita berreabadaurãba b̶ʉped̶aad̶a bari panabadau ewaricha jĩwa ed̶a jarabadamina ichi ʉ̃rʉbena b̶ʉped̶aad̶a kuitaad̶aabasii. Maumaarã Jesús beabisid̶aud̶e mau bed̶eaba jara b̶uu biawãra wausid̶au.

Hechos 2:23

Dachi Akõreba naed̶e kʉ̃risia b̶uad̶a kĩra ab̶aumaa Jesús machi juad̶e ida b̶ubisii. Maabae machiba ẽbẽrarã kachiruarãmaa cruzd̶e jirab̶u beabiasid̶au. Dachi Akõreba kuitaa b̶uasii mau joma makai b̶uu.

Hechos 26:22

Maamina mau ewarid̶ebena Dachi Akõreba mʉ aid̶a b̶uabariid̶eeba, chi mechiurãmaa maud̶e chi mechiuwãerãmaa wabid̶a Jesús ʉ̃rʉbena berrea b̶uu. Dachi Akõre baita berreabadaurãba jaraped̶aad̶a maud̶e Moisesba kãare makai b̶ʉd̶a mʉʉba mau jara b̶uu.

Hechos 4:28

ãchiba maka wausid̶au bichiba naed̶e kʉ̃risia b̶uad̶a kĩra. Bichi ãrea poyaad̶eeba naed̶e maka b̶usii ãchiba maka waud̶amera.

Hechos 5:30

Dachi nabẽraed̶ebena Akõreba Jesús chokae jiradubisii. Maamina machiba mau cruzd̶e jirab̶u beabisid̶au.

1 Corintios 15:4

Ichi jau b̶usid̶au, maabae ewari õbead̶e biud̶a bad̶a chokae jiradusii Dachi Akõre bed̶ead̶e b̶ʉ kub̶uu kĩra.