Hechos 13:26 - Emberá Chamí

²⁶ »Machi ãbarã Abrahamd̶ebena neeped̶aad̶arã maud̶e machi judiowãerã Dachi Akõre wapea nuree, Dachi Akõreba dachimaa mau bed̶ea dachi karibai ʉ̃rʉbena bʉisii.

Hechos 13:26 ပူးပေါင်းရင်းမြစ်များ

Mateo 10:6

Maumaarã chi Israel puurud̶ebena oeja o ãyare nuree kĩra panuumaa wã́sturu.

Mateo 3:9

Kʉ̃risiarã́sturu Abrahamd̶ebena imiped̶aad̶ad̶eeba Dachi Akõreba kastikaabai. Mʉʉba machimaa jaraaruu: “Dachi Akõreba kʉ̃riaibʉrã, cha b̶ee mo Abrahamd̶ebena imiped̶aad̶arã babiakuai”.

Lucas 1:69

Chi ichi baita bari trajabarii Davidd̶ebena need̶a bʉisii Dachi Karibabarii poyaabarii bamera.

Lucas 1:77

Bichiba israeld̶ebenarãmaa kuitaabiai saka Dachi Akõreba ãchi kachirua perdonai aped̶a karibai.

Lucas 24:47

Maabae ichi trʉ̃d̶eeba ichi ijãabadaurãba ẽbẽrarãmaa jarad̶ai ãchi kachirua ida b̶ud̶aped̶a Dachi Akõremaa need̶amera. Maka Dachi Akõreba ãchi kachirua perdonai. Mau naa Jerusalén puurud̶e jarad̶aped̶a joma puuru b̶eecha jarad̶e wãd̶ai.

Juan 6:68

Simón Pedroba panausii: —Dai Mechiu, dai ¿kaimaa wãd̶aima? Ab̶a bichiaburu daimaa jaradeabarii Dachi Akõre ome ewaricha chokae nuread̶amera.

Hechos 10:2

Mau Cornelio ichi ded̶ebenarã baara joma jipa nureasii. Dachi Akõre wapeadee panasid̶au. Cornelioba judiorã aid̶ai baita chi nejarra ãrea deabachii maud̶e Dachi Akõremaa ʉtaa id̶i b̶uabachii.

Hechos 10:35

Maumaarã puuruchabena ichi wapeaba jipa wau nuree biꞌia unubarii.

Hechos 13:43

Chi araa ãbua duanad̶a wãꞌãesiid̶e ãrea judiorã maud̶e chi griegorã judiorã kĩra panabadaurã Pablo maud̶e Bernabé baara wãsid̶au. Ãchiba mau ẽbẽrarãmaa ãrea jarasid̶au Dachi Akõreba ichi sõbiad̶eeba ãchi kariba b̶uu ijãa panad̶amera.

Hechos 13:46

Mau Pabloba maud̶e Bernabeba wapeawẽa ãchimaa naka jarasid̶au: —Biawãra daiba machimaa Dachi Akõre bed̶ea naa jarad̶ai panasid̶au. Maamina machiba mau bed̶ea ida b̶u panuud̶eeba maud̶e machimaarã ewaricha Dachi Akõre ome chokae b̶uai kʉ̃riad̶awẽed̶eeba, daiba judiowãerãmaa mau bed̶ea jarad̶e wãd̶ai.

Hechos 16:17

Mau ãwera dai kaad̶e b̶ia wãbachii: —Dachi Akõre Mechiuba nau ẽbẽrarã bʉikasii jaradead̶amera saka Dachi Akõreba chi ẽbẽrarã ichiba kastikai bad̶a karibabarii.

Hechos 22:5

Mau chi paare mechiuba maud̶e joma judio mechiurãba kuitaa panuu. Ãchiba mʉʉmaa karta deasid̶au judiorã Damasco puurud̶ebenarãba mʉʉba chi O Wid̶i ijãabadaurã jidaui b̶uu mau kuitaad̶amera. Maud̶e mʉ Damasco puurud̶aa wãsii ãchi nama Jerusalend̶aa eneeped̶a chi mechiurãba kastikad̶amera.

Hechos 28:28

»Jãu kuitásturu: Dachi Akõreba dachi karibai ʉ̃rʉbena jara nuree judiowãerãmaa bʉisii. Ãchiba mau biꞌia ũrid̶ai.

Hechos 3:26

Dachi Akõreba chi ichi baita bari trajabarii Jesús chokae jiradubiped̶a naa machimaa bʉisii karibamera. Machicha aid̶a b̶uu machiba kachirua waubadau ida b̶ud̶amera».

Hechos 4:12

Maud̶eeba Jesucristod̶éburu ijãaduubʉrã, Dachi Akõreba dachi kastikaabai dachiba kachirua wauped̶aad̶a kakua. Ichi awara, Dachi Akõreba ab̶a bid̶a nau iujãad̶e b̶uubasii ẽbẽrarã karibamera.

Hechos 5:20

«Dachi Akõre de mechiud̶aa wãd̶aped̶a chi chokae b̶uai chiwid̶i ʉ̃rʉbena ẽbẽrarãmaa jarásturu».

Romanos 1:16

Mʉ kĩra nejasiakau chi bed̶ea bia Jesús ʉ̃rʉbena jaradeai baita, chi mau bed̶ea ijãaduu Dachi Akõreba ichi poyaad̶eeba joma karibabariid̶eeba; naa judiorã karibai maud̶e judiowãerã sid̶a.

Efesios 1:13

Mau awara machi judiowãerã bid̶a chi biawãra bed̶ea ũrisid̶aud̶e, mau dachi karibai bed̶ea bia ijãasid̶au. Maka Cristod̶e ijãasid̶aud̶e Dachi Akõreba ichi Jauri machimaa deasii ichiba jarad̶a kĩra. Dauchaa b̶uu kĩra mauba kuitaabia b̶uu machi ichid̶irã.

Colosenses 1:5

Machi maka panuu, kuitaa panuud̶eeba Dachi Akõreba machi baita ne bia bajãad̶e nu uru b̶uu. Mau machiba naed̶e ũrisid̶au chi bed̶ea biawãra Jesucristo ʉ̃rʉbena machimaa neesiid̶e. Mau bed̶ea bia