Hechos 13:25 - Emberá Chamí

²⁵ Ichi biui ewari ʉ̃rʉ ba b̶uasiid̶e Juanba jarasii: “Machiba mʉ ¿kai kʉ̃risia panuma? Mʉ Dachi Akõreba Dachi Karibabarii deai jarad̶awãema. Maamina chi mʉare neei mʉ audeara chi mechiu nii. Mauba jʉ̃rʉd̶e jʉ̃barii mʉ mau enai baita biꞌiwãe b̶uu”.

Hechos 13:25 ပူးပေါင်းရင်းမြစ်များ

Mateo 3:11

»Mʉʉba baniaba machi boro ea b̶uu waabenarãmaa unubiad̶amera chi kachirua waud̶ai ida b̶uped̶aad̶a. Maamina mʉare ab̶a neei chi mʉ aude mechiu nii. Maud̶eeba ichiba jʉ̃rʉd̶e jʉ̃barii poyaa enai b̶uuwãe. Ichiba Dachi Akõre Jauri deai. Maamina ijãad̶awẽebʉrã kastikakuai.

Marcos 1:7

Maud̶e naka jaradeabachii: «Mʉare ab̶a neei chi mʉ aude mechiu nii. Maud̶eeba mʉ sinib̶arikau kob̶eeped̶a ichiba jʉ̃rʉd̶e jʉ̃barii poyaa enai b̶uuwãe.

Juan 1:29

Mau norema Juanba Jesús ichimaa neeruu unusiid̶e naka jarasii: «¡Ichiásturu! Jãu Dachi Akõre oeja chekebʉ. Ichid̶eeba Dachi Akõreba nau iujãad̶ebenarãba kachirua waubadau perdonabarii.

Juan 1:34

Mʉʉba mau unusii. Maud̶eeba mʉʉba jara b̶uu ichi biawãra Dachi Akõre Warr».

Juan 1:36

Maud̶e Juanba Jesús ara kaita wãaruu unukare jarasii: —¡Ichiásturu! Jãu Dachi Akõre Oeja Chekebʉ.

Juan 4:34

Maud̶eeba Jesusba jarakuasii: —Mʉ bʉid̶aba waubi b̶uu joma wau b̶uu, mau mʉ chiko kĩra b̶uu.

Juan 7:18

Barikia ara ichi kʉ̃risiad̶eeba berrea b̶uubʉrã maka wau b̶uu ẽbẽrarãba ichi ʉ̃rʉbena biꞌia kʉ̃risiad̶amera. Maamina ab̶aba kʉ̃ria b̶uubʉrã waabenarãba ichi bʉid̶a ʉ̃rʉbena biꞌia kʉ̃risiad̶ai, biawãra jara b̶uu; setaa waukau.

Hechos 13:36

»David chokae b̶uasiid̶e Dachi Akõreba ichid̶eeba wausii ichiba kʉ̃ria b̶uad̶a kĩra. Maabae David biud̶akare jau b̶usid̶au ichi nabẽraed̶ebenarã jau b̶uped̶aad̶amare. Maabae ichi b̶eraasii.

Hechos 19:4

Maud̶e Pabloba jarasii: —Juanba jarabachii ẽbẽrarãba kachirua waubadau ida b̶ud̶aped̶a Dachi Akõremaa need̶amera. Maka wauduubʉrã ichiba boro eabachii. Mau awara jarabachii chi ichi kaad̶e neeruu ijãad̶amera. Mau Jesús basii.

Hechos 20:24

Maamina mʉʉba mau ʉ̃rʉbena kʉ̃risiakau, mʉ biꞌia b̶uai jʉrʉwẽed̶eeba. Ab̶aburu chi Dachi Mechiu Jesusba mʉʉmaa waubi b̶uu mau joma wau kʉ̃ria b̶uu. Mauburu chi bed̶ea bia Dachi Akõreba ichi sõbiad̶eeba kariba b̶uu ʉ̃rʉbena mʉʉba jara b̶uai.

2 Corintios 4:5

Ara dai ʉ̃rʉbena jaradea panuuwãema, maumaarã jaradea panuu Jesucristo jomaurã Mechiu. Maud̶e daiba jara panuu Jesús kakua dai machi baita bari trajabadaurã.

2 Timoteo 4:7

Mʉʉba Dachi Akõre baita waui b̶uad̶a joma wausii, pirabarii chi neei b̶uumaa neebarii kĩra. Joma jipa wausii biꞌia chĩod̶a kĩra. Mʉʉba Cristo ida b̶uwẽa b̶uu.

Apocalipsis 11:7

Maamina joma Dachi Akõre ʉ̃rʉbena berreaped̶aad̶akare mau ãnimara eakarr ed̶aa chob̶ead̶ebena neeruuba ãchimaa orrai. Maarã poyaaped̶a kenai.