Hechos 13:12 - Emberá Chamí

¹² Sergio Pauloba mau unusiid̶e ãchiba Dachi Mechiu ʉ̃rʉbena jaradea panuu ãrea biꞌia ũrisiid̶eeba ijãasii.

Hechos 13:12 ပူးပေါင်းရင်းမြစ်များ

Mateo 27:54

Romad̶ebena kokoroarã jaradea ua b̶uabariiba, ichi kokoroarã bid̶a Jesús nu panasid̶au ab̶auba aid̶arãad̶amera. Maamina ioromiaba makaaruu unusid̶aud̶e ãrea perad̶aped̶a jarasid̶au: —Biawãra nau mukĩra Dachi Akõre Warr basii.

Lucas 4:22

Jomaurãba ichi ʉ̃rʉbena biꞌia berreasid̶au. Ichiba chi bia jaradea b̶uud̶eeba pera duanuu kĩra duaneesii. Ara ãchi du ab̶a jara duanasid̶au: —¿Nau José warrwãeka?

Lucas 7:16

Maud̶eeba chi aria panuu ãrea perasid̶au. Jomaurãba Dachi Akõre baita nau biꞌia jarasid̶au: —Biawãra Dachi Akõre baita berreabarii chi mechiu dachi tãed̶e neesii. Dachi Akõre ichi puuru karibad̶e nee b̶uu.

Juan 7:46

Maud̶e chi Dachi Akõre de nubadaurãba panausid̶au: —Ab̶au bid̶a jãu ẽbẽraba berrea b̶uu kĩra berreakau.

Hechos 13:48

Judiowãerãba mau ũrisid̶aud̶e kĩrajʉʉsid̶au. Ara makʉd̶e chi Dachi Mechiu bed̶ea biꞌia b̶uu asid̶au. Chi Dachi Akõreba ewaricha ichi baara chokae nuread̶ai duanud̶aba ijãasid̶au.

Hechos 13:49

Maabae Dachi Mechiu bed̶ea joma mau druad̶e jarasid̶au.

Hechos 13:7

Ichi Chipred̶ebena chi jaradea ua b̶uabarii Sergio Paulo abadaumaa b̶uabachii. Mau Sergio Paulo kʉ̃risia kuitaa b̶uasii. Ewari ab̶a ichiba Bernabé maud̶e Saulo iubisii Dachi Akõre bed̶ea ũri kʉ̃ria b̶uasiid̶eeba.

Hechos 13:8

Maamina ãchiba jaradea panuud̶e jaibana Barjesusba setaa jarabachii chi jaradea ua b̶uabariiba Dachi Akõre bed̶ea ijãarãamera. (Barjesús trʉ̃ griego bed̶ead̶e Elimas abadau).

Hechos 15:35

Pablo maud̶e Bernabé Antioquiad̶e paneesid̶au. Maarã maud̶e ãbarã ãrea baarauba chi ijãabadaurã jaradea panasid̶au maud̶e Dachi Mechiu bed̶ea jarabachid̶au.

Hechos 15:36

Mau maad̶akare Pabloba Bernabemaa jarasii: «Puurucha Dachi Mechiu bed̶ea jaradea panad̶amaa waya wãd̶ai ãbarã saka panuu kuitaad̶ai baita».

Hechos 18:12

Galión abadau Acaya druad̶ebena chi karr b̶eesiid̶e chi judiorã chiya berread̶aped̶a Pablo jidaud̶aped̶a ichi mau Galión kĩraare adoesid̶au.

Hechos 19:10

Año ome maka wausii. Maka joma Asia druad̶ebena judiorãba maud̶e judiowãerãba Dachi Mechiu Jesús ʉ̃rʉbena ũrisid̶au.

Hechos 19:20

Maka Dachi Akõreba ichi poyaad̶eeba waud̶a kakua chi Dachi Mechiu Jesús ʉ̃rʉbena bed̶ea kaitawẽ trʉ̃ poasii. Maud̶e Jesusd̶e ijãabadaurã aude baraasii.

Hechos 19:38

Demetrio maud̶e chi kõpaerorã ãchi jidea kʉ̃ria panuubʉrã Romad̶ebena juezmaa wãd̶ai panuu mau jarad̶ai baita.

Hechos 19:7

Mau ãchi 12 kĩra panasid̶au.

Hechos 28:7

Mau islad̶e chi mechiu Publio abachid̶au. Mau Publioba dai panuu kaita drua uru b̶uasii. Mauba dai ichi ded̶e ewari õbea ãrea biꞌia irsibisii.

Hechos 6:10

Maamina ãchiba Esteban ome poyaad̶aabasii, ichi Dachi Akõre Jauri kʉ̃risia kuitaad̶eeba berreabachiid̶eeba.

Hechos 8:25

Pedroba maud̶e Juanba chi bed̶ea Dachi Mechiu Jesús ʉ̃rʉbena jarad̶aped̶a Jerusalend̶aa waya wãsid̶au. Wãaduud̶e Samaria druad̶e ãrea puuru b̶eecha mau bed̶ea bia jara wãsid̶au.