Hechos 12:8 - Emberá Chamí

⁸ Maabae chi angelba jarasii: —Paru jʉ̃se. Jʉ̃rʉd̶e jʉ̃barii sid̶a jʉ̃se. Pedroba maka wausiid̶e chi angelba jarasii: —Bichiba paru anab̶ari jʉ̃barii jʉ̃ped̶a mʉ baara neese.

Hechos 12:8 ပူးပေါင်းရင်းမြစ်များ

Mateo 3:11

»Mʉʉba baniaba machi boro ea b̶uu waabenarãmaa unubiad̶amera chi kachirua waud̶ai ida b̶uped̶aad̶a. Maamina mʉare ab̶a neei chi mʉ aude mechiu nii. Maud̶eeba ichiba jʉ̃rʉd̶e jʉ̃barii poyaa enai b̶uuwãe. Ichiba Dachi Akõre Jauri deai. Maamina ijãad̶awẽebʉrã kastikakuai.

Marcos 6:9

Machi kotisa jʉ̃d̶ai b̶uu, maamina paru june adoed̶aabai b̶uu.

Lucas 12:37

Chi chibari neeped̶a, ichi baita bari trajabadaurã chokae panuu unuubʉrã, maarã bia ichiai. Mʉʉba biawãra jaraaruu: ara maud̶e ichi chibariba chi ichi baita bari trajabarii paru jʉ̃ped̶a ichi baita bari trajabadaurã chi mesad̶e akʉ b̶eebiai kobiai baita.

Hechos 12:7

Maka b̶uud̶e Dachi Mechiud̶e angelba Pedromaa unubisii. Mauba chi jʉ̃abadaumare ʉ̃d̶aa nub̶eebisii. Mauba Pedro orr wauped̶a ʉ̃rʉmabisii. Maud̶e jarasii: «Isa jiraduse». Makaaruud̶e Pedro juad̶e kaena jʉ̃ b̶uu ena b̶aesid̶au.

Hechos 12:9

Ara makʉd̶e Pedro chi ángel baara wãsii, maamina ichiba adua b̶uasii chi angelba wau b̶uu biawãra maka b̶uu. Dachi Akõreba ichi daumaa mau unubisii a kʉ̃risia b̶uasii.

Hechos 27:23

Mʉ Dachi Akõred̶ebʉ. Ichid̶e ijãa nii. Ẽsabud̶e ara mau Dachi Akõred̶e ángel mʉʉmaa unubisii.

Hechos 8:26

Mau maad̶akare Dachi Mechiud̶e ángel ab̶a Felipemaa neeped̶a naka jarasii: «¡Jiraduse! Jerusalend̶ebena Gaza puurud̶aa wãbadau od̶e wãse». (Mau drua sirua wãꞌãe b̶uud̶e wã b̶uu).