Hechos 12:20 - Emberá Chamí

²⁰ Mau ewarid̶e chi rey Herodes Tirod̶ebenarã ome maud̶e Sidond̶ebenarã ome kĩramaa b̶uasii. Maarã ichi ome sõbia panad̶ai kʉ̃ria panasid̶au, ichi druad̶ebena chiko nedobachid̶aud̶eeba. Maud̶eeba ãchi bed̶ea dead̶aped̶a ãbua wãsid̶au ichi ome biꞌia berread̶ai baita. Naed̶e Blasto abadaumaa wãsid̶au. Mau Blasto chi Herodes baita trajabarii chi mechiu basii. Maud̶e ãchiba jara panuu Blastomaa ijãabid̶aped̶a ichid̶eeba Herodesmaa chi chuburia id̶isid̶au biꞌia berread̶ai baita.

Hechos 12:20 ပူးပေါင်းရင်းမြစ်များ

Lucas 16:8

»Maud̶e chi chibariba jarasii mau chi nejarra nubarii kachirua nii chi kauwa ãrea b̶uasii, ichiba maka waud̶ad̶eeba. Biawãra Dachi Akõred̶erã ẽbẽrarã audeara nau iujãad̶ebenarãba ne adaud̶ai baita ãchi ab̶aarakaurã ome ãchi kuitaad̶eeba waubadau.

Hechos 12:21

Herodesba ewari jarad̶a neesiid̶e, ichi paru bia jʉ̃ped̶a, chi rey ãkaud̶e sĩu b̶uad̶e wãped̶a maabae puurud̶ebenarãmaa berreamaa b̶eesii.

Hechos 21:3

Wãaduud̶e Chipre isla mechiu jua sordoare unusid̶au maamina Siria druare wãsid̶au, aria Tiro puurud̶e chi trajabadaurãba chi jãbad̶ebena chi ne adoeduu awara jirakuad̶ai panasid̶aud̶eeba.

Hechos 21:7

Maabae Tirod̶ebena jãbad̶e wãd̶aped̶a Tolemaida puurud̶e neesid̶au. Aria ãbarã ichiad̶e wãd̶aped̶a mau ome ewari ab̶a paneesid̶au.