Hechos 12:17 - Emberá Chamí

¹⁷ Maamina Pedroba ichi juaba jarasii chũpead̶amera. Maabae joma nebʉrʉsii sakaburu Dachi Mechiuba ichi jʉ̃a b̶uad̶a aid̶asii. Joma nebʉrʉped̶a jarasii: —Joma mau Santiagomaa maud̶e waabena ãbarãmaa jarásturu. Maad̶akare Pedro ãyaa wãsii.

Hechos 12:17 ပူးပေါင်းရင်းမြစ်များ

Mateo 10:23

Puuru ab̶aud̶e ẽbẽrarãba machi wãraaduud̶e, junebena puurud̶aa miru wã́sturu. Mʉʉba biawãra jaraaruu. Machi Israel puuru joma decha jaradea nibad̶ai naed̶e, mʉ, chi Ẽbẽra Ba B̶uad̶a neei.

Marcos 6:3

¿Nau mukĩra bakuruba ne kaebea waubariiwãeka? ¿Nau María wauwãeka? ¿Santiago, José, Judas maud̶e Simón ichi ãbarãwãeka? ¿Ichi neekaurã sid̶a dachi tãed̶e panuuwãeka? Maarãba Jesusd̶e ijãad̶ai kʉ̃riad̶aabasii.

Lucas 1:22

Maka b̶uud̶e ichi awara neesiid̶e poyaa berreabasii. Bosara b̶eesiid̶eeba ichi juaburu jua su jara b̶uasii. Mauba ẽbẽrarãba kuitaasid̶au Dachi Akõreba jãumaa ne unubisii.

Juan 10:40

Mau maad̶akare Jesús waya Jordán do kĩaraa wãsii Juan chi Boro Eabariiba naed̶e ẽbẽrarã boro ea b̶uad̶amaa. Jesús aria b̶eesii.

Juan 11:54

Maud̶eeba Jesús judiorã tãed̶e ãrea nibaka basii, maumaarã Judead̶ebena ãyaa wãsii. Efraín puurud̶e ichi baara nibabadaurã baara b̶uad̶e wãsii. Mau puuru drua sirua wãꞌãe b̶uu kaita b̶uu.

Juan 13:24

Simón Pedroba daud̶uba jara kub̶uuba, maumaa jarasii Jesusmaa kai ʉ̃rʉbena jara b̶uu id̶imera.

Juan 7:1

Mau maad̶akare Jesús Galilea druad̶e nibasii. Judea druad̶aa makaa wã kʉ̃riabasii judiorã mechiurãba ichi bead̶ai kʉ̃ria panasiid̶eeba.

Juan 8:59

Jesusba maka jarad̶a kakua judiorãba mo adausid̶au ichi b̶ata bead̶ai baita. Maamina Jesús miruped̶a Dachi Akõre de mechiud̶ebena awara ãyaa wãsii.

Hechos 1:15

Maka panuud̶e ewari ab̶ad̶e Pedro chi ãbarã 120 ẽsa ʉkʉ nub̶eesii. Maud̶e jarasii:

Hechos 12:16

Maka panuud̶e Pedroba akabichia dud̶auba b̶uasii. Chi poraa ewasid̶aud̶e ãchiba unusid̶au biawãra Pedro maka nii. Mau ʉ̃rʉbena kuitaa kʉ̃risiad̶aabasii.

Hechos 12:18

Ewarisiid̶e kokoroarã pera ororoa nub̶eesii, kuitaad̶aabasiid̶eeba Pedro samaa wãsii.

Hechos 13:16

Maud̶e Pablo jiraduped̶a juaba jarasii joma chũpead̶amera. Maabae jarasii: —Israeld̶ebena maud̶e judiowãerã Dachi Akõre wapea nureerã, ũrísturu:

Hechos 15:13

Mau joma berreaped̶aad̶akare Santiagoba jarasii: —Ãbarã, mʉ bed̶ea ũrísturu.

Hechos 16:40

Pablo maud̶e Silas chi jʉ̃abadau ded̶ebena wãd̶aped̶a Lidia deemaa wãsid̶au. Aria chi ãbarã unusid̶aud̶e, berreasid̶au Dachi Mechiud̶e biꞌia ijãad̶amera. Maabáeburu wãsid̶au.

Hechos 19:33

Maka panuud̶e judiorãba Alejandro jʉrʉ adausid̶au ichiba kãare jarai b̶uu a jarad̶ai baita. Maabae chi puuru daad̶e wãbisid̶au, ãchimaa berreamera. Maud̶e Alejandroba juaba chũpeabiasii ichi nebʉra ʉ̃rʉbena arakʉd̶e berreai kʉ̃ria b̶uasiid̶eeba.

Hechos 21:18

Norema Pablo dai ome Santiago ichiad̶e wãsid̶au. Ãbarã nubadaurã sid̶a joma aria duanasid̶au.

Hechos 21:40

Chi kokoroarã aude mechiuba ida berreabisii. Maabae Pablo jʉ̃rʉmetad̶e b̶ari nub̶uuba ichi juaba ẽbẽrarã chũpeabiasii. Chũpeabiasiid̶e hebreo bed̶ead̶e berreasii.

Hechos 28:15

Ãbarã Romad̶ebenaba dai wãaduu ũrisid̶aud̶e biꞌia irsibid̶e neesid̶au. Waabenarã Apio puurud̶aa neesid̶au maud̶e waabenarã Tres Taberna puurud̶aa neesid̶au. Pabloba maarã unusiid̶e Dachi Akõremaa ichíturu kid̶ibai aped̶a, maarã kakua kĩrajʉʉsii.

1 Corintios 15:7

Mau 500 ãbarãba Jesús unuped̶aad̶akare Santiagomaa unubisii. Mau maad̶akare joma ichiba bʉid̶arãmaa unubiasii.

Gálatas 1:19

Pedro awara, Jesucristoba bʉid̶arãd̶ebena, Dachi Mechiu ãba Santiagóturu unusii. Waabenarã mʉʉba unuubasii.

Gálatas 2:12

Naka kachirua wausii: chi nuree ãbarã judiorã ẽbẽrarã Santiagod̶ebenarã Antioquía puurud̶aa wãsid̶au. Ãchiba jarabachid̶au judiowãerã mukĩra chi kakua tõod̶ai panuu ẽbẽrarã Dachi Akõred̶erã nuread̶ai baita. Ãchi need̶ai naed̶e Pedro ãbarã judiowãerã ome kobachii, maamina mau ãbarã judiorã need̶aped̶a ichi waya ãbarã judiowãerã ome koobasii. Maumaarã ãyaa wãsii. Wapea b̶uasii chi judiowãerã ãchi mukĩra chi kakua tõod̶ai panuu a jara panuu ʉ̃rʉbena.

Gálatas 2:9

Ãbarã chi mechiurã Santiagoba, Pedroba maud̶e Juanba kuitaasid̶au Dachi Akõreba ichi sõbiad̶eeba biawãra mʉ judiowãerãmaa bʉisii. Maud̶e ãchi mʉ ome maud̶e Bernabé ome jua deasid̶au kuitaabid̶ai baita arab̶au kʉ̃risia uru panuu. Ãchiba jarasid̶au daiba judiowãerãmaa jaradea panad̶ai, maud̶e ãchiba judiorãmaa jaradea panad̶ai.

Santiago 1:1

Mʉ Santiagobʉ, Dachi Akõre baita bari trajabarii maud̶e Dachi Mechiu Jesucristo baita bari trajabarii. Nau karta b̶ʉʉruu Israel 12 warrarãd̶ebena neeped̶aad̶arã druacha nuree baita. Mʉʉba kʉ̃ria b̶uu machi biꞌia panad̶ayu.