Hechos 12:12 - Emberá Chamí

¹² Pedroba biawãra karibasii kuitaasiid̶e Juan nawe María deemaa wãsii. Mau Juan, ara mau Marcos abachid̶au. María ded̶e ãrea ãbarãba ãbua Dachi Akõremaa ʉtaa id̶imaa panasid̶au.

Hechos 12:12 ပူးပေါင်းရင်းမြစ်များ

Hechos 12:25

Bernabeba maud̶e Sauloba Jerusalend̶e chi nejarra ãbarã baita dead̶aped̶a waya wãsid̶au. Juan, ara mau Marcos abadau, adoesid̶au.

Hechos 12:5

Pedro jʉ̃abaud̶e jidau uru panuumisa ãbarãba Dachi Akõremaa ãrea ʉtaa id̶i panasid̶au ichi karibamera.

Hechos 13:13

Pablo maud̶e ichi ome nibad̶a Pafos puurud̶ebena Panfilia druad̶aa jãbad̶e wãsid̶au. Aria puurud̶e neesid̶au. Maamina Juan Marcosba ãchi b̶ʉiped̶a Jerusalend̶aa waya wãsii.

Hechos 13:5

Salamina puurud̶e need̶aped̶a judiorã araa ãbua imibadau decha Dachi Akõre bed̶ea jaradeasid̶au. Ãchi aid̶ai baita Juan Marcos ãchi baara nibasii.

Hechos 16:40

Pablo maud̶e Silas chi jʉ̃abadau ded̶ebena wãd̶aped̶a Lidia deemaa wãsid̶au. Aria chi ãbarã unusid̶aud̶e, berreasid̶au Dachi Mechiud̶e biꞌia ijãad̶amera. Maabáeburu wãsid̶au.

Hechos 4:23

Pedro maud̶e Juan jʉ̃a b̶u panad̶a wãd̶aped̶a chi waabena Jesusd̶e ijãabadaurã ãbua panuumaa wãsid̶au. Maabae chi paare mechiurãba maud̶e chõrarãba ãchimaa jaraped̶aad̶a joma nebʉrʉsid̶au.

Colosenses 4:10

Ãba Aristarco mʉ baara jʉ̃a uru panuu. Mauba jarabʉi b̶uu machi biꞌia panad̶ai. Bernabé niu Marcosba jarabʉi b̶uu machi biꞌia panad̶ai. Ichi ʉ̃rʉbena mʉʉba naed̶e kartad̶e b̶ʉsii. Mau machimaa wãaruubʉrã, deed̶aa iu biꞌia iústuru.

2 Timoteo 4:11

Ab̶aburu ãba Lucas mʉ ome b̶uu. Bichi neeruud̶e ãba Marcos jʉrʉd̶e wãped̶a eneese. Mʉʉba Dachi Akõre baita wau b̶uu mauba aid̶ai b̶uu.

Filemón 1:24

Marcosba, Aristarcoba, Demasba maud̶e Lucasba jarabʉi panuu bichi biꞌia b̶uai. Maarãba mʉ ome Dachi Akõre traju wau panuu.

1 Pedro 5:13

Ãbarã Babiloniad̶ebenarãba jarabʉi panuu machi biꞌia panad̶ai. Machi jʉrʉ adaud̶a kĩra ãchi sid̶a Dachi Akõreba jʉrʉ adausii. Mʉ warr kĩra nii Marcos bid̶a jarabʉi b̶uu machi biꞌia panad̶ai.