Hechos 11:27 - Emberá Chamí

²⁷ Mau ewarid̶e Dachi Akõre baita berreabadaurã Jerusalend̶ebena Antioquiad̶aa wãsid̶au.

Hechos 11:27 ပူးပေါင်းရင်းမြစ်များ

Mateo 23:34

Mʉʉba Dachi Akõre baita berreabadaurã, kʉ̃risia kuitaa nuree maud̶e Moisesba b̶ʉd̶a jaradeabadaurã machimaa bʉikaaruu. Maamina machiba maarã bead̶ai maud̶e waabenarã cruzd̶e jirab̶ud̶ai. Waabenarã machi judiorã araa ãbua imibadau ded̶e soaba ped̶ai maud̶e puurucha wãraad̶ai biꞌiwãe paneebiad̶ai baita.

Lucas 11:49

Maud̶eeba Dachi Akõre ichi kʉ̃risia kuitaad̶eeba naka jarasii: “Mʉ baita berreabadaurã maud̶e mʉʉba bʉikad̶arã machi israeld̶ebenarãmaa wãbiai. Maud̶e waabenarã bead̶ai maud̶e waabenarã kachirua waud̶ai baita wãraad̶ai”.

Hechos 11:20

Maka panuud̶e chi nuree Jesusd̶e ijãabadaurã Chipred̶ebena maud̶e Cirene puurud̶ebena Antioquiad̶e panad̶e wãsid̶au. Maarãba griegorãmaa chi bed̶ea bia Dachi Mechiu Jesús ʉ̃rʉbena jara kopaneesid̶au.

Hechos 11:22

Ãbarã Jerusalend̶ebenarãba mau kuitaasid̶aud̶e Bernabé Antioquiad̶aa bʉisid̶au.

Hechos 13:1

Ãbarã Antioquía puurud̶ebena tãed̶e Dachi Akõre baita berreabadaurã, maud̶e Cristo ʉ̃rʉbena jaradeabadaurã nureasii. Bernabé, Saulo, Lucio Cirened̶ebena maud̶e Simón b̶uasii. Simón trʉ̃ «Chi Parr» abachid̶au. Manaén sid̶a b̶uasii. Ichi Galilea druad̶ebena jaradea ua b̶uabarii Herodes ome ãbua warisii.

Hechos 14:26

Maad̶akare jãbad̶e Siria druad̶ebena Antioquiad̶aa waya wãsid̶au. Mau puurud̶ebena ãbarãba ãchi naed̶e bʉi panasid̶au Dachi Akõreba kʉ̃ria b̶uu waud̶amera maud̶e Dachi Akõre juad̶e b̶usid̶au ichi sõbiad̶eeba aid̶amera.

Hechos 15:22

Maka b̶uud̶e, chi Jesusba bʉid̶arã, ijãabadaurã nubadaurã maud̶e joma ãbarãba mau biꞌia ũrisid̶au. Maud̶eeba chi nureeba jʉrʉ adausid̶au Pablo, Bernabé ome Antioquiad̶aa wãd̶amera. Silas maud̶e Judas jʉrʉ adausid̶au. Judas ara mau Barsabás abachid̶au. Chi waabenarã ãbarãba ãchi biꞌia nuree unusid̶au.

Hechos 15:30

Maabae chi ãchiba bʉiped̶aad̶arã Antioquía puurud̶aa wãsid̶au. Need̶aped̶a joma ãbarã araa ãbua imibiad̶aped̶a mau karta deasid̶au.

Hechos 15:32

Judas maud̶e Silas Dachi Akõre baita berreabadaurã basii. Maud̶eeba ne ãrea jarasid̶au ãbarãba biꞌia ijãad̶amera maud̶e chaarea panad̶amera.

Hechos 18:22

Cesarea puurud̶e neeped̶a Pablo Jerusalend̶aa chi ãbarã ichiad̶e wãsii. Mamauba Antioquía puurud̶aa wãsii.

Hechos 2:17

“Dachi Akõreba naka jara b̶uu: Kaad̶ebena ewarid̶e mʉ Jauri joma ẽbẽrarãmaa deai. Maka machi warrarã maud̶e machi kaurã mʉʉba jarabi b̶uu kĩra berread̶ai. Mʉʉba kũudrãarã daumaa ne unubiai. Maud̶e chõrarã bid̶a kamokaraad̶e maka unubiai.

Hechos 21:4

Aria daiba chi Jesusd̶e ijãabadaurã unuped̶aad̶ad̶eeba ãchi ome 7 ewari paneesid̶au. Maud̶e ãchiba Dachi Akõre Jaurid̶eeba Pablomaa jarasid̶au Jerusalend̶aa wãrãamera.

Hechos 21:9

Ichiba kaurã duurã kimare uru b̶uasii. Mau wẽrarã Dachi Akõre baita berreabadaurã basii.

Hechos 6:5

Ãchiba jaraped̶aad̶a jomaurãba biꞌia ũrisid̶au. Maud̶eeba Esteban jʉrʉ adausid̶au. Mau Estebanba Jesusd̶e ãrea ijãa b̶uasii; Dachi Akõre Jaurid̶eeba b̶uasii. Ichi awara Felipe, Prócoro, Nicanor, Timón, Parmenas maud̶e Nicolás Antioquía puurud̶ebena jʉrʉ adausid̶au. Mau Nicolás griego basii maamina judio kĩra b̶uabachii.

1 Corintios 12:10

Maud̶e Dachi Akõre Jauriba chi nureemaa dea b̶uu ẽbẽrarãba ne poyaa waud̶akau poyaa waud̶amera. Chi nureemaa dea b̶uu poyaa Dachi Akõre baita berread̶amera. Chi nureemaa dea b̶uu poyaa kuitaad̶amera ab̶auba Dachi Akõre Jaurid̶eeba berrea b̶uu maebʉrã jai kachiruad̶eeba berrea b̶uu. Maud̶e chi nureemaa dea b̶uu dachiba ũrid̶akau chi bed̶ea didiwaraa berread̶amera. Maud̶e chi nureemaa dea b̶uu dachiba kauwa ũrid̶akau bed̶ead̶e jarad̶a kuitaa jarad̶amera.

1 Corintios 12:28

Dachi Akõreba ãbarã tãed̶e chi Jesucristoba bʉid̶arã naa b̶usii. Mawãare ichi baita berreabadaurã b̶usii. Mawãare ichi bed̶ea jaradeabadaurã b̶usii. Mawãare waabenarã b̶usii ẽbẽrarãba ne poyaa waud̶akau poyaa waud̶amera, chi nuree b̶usii ẽpermo nuree poyaa aribiabiad̶amera, chi nuree b̶usii ãbarã aid̶ad̶amera, chi nuree b̶usii chi ãbarã tãed̶e saka waud̶ai kuitaa panad̶amera, maud̶e chi nuree b̶usii barikiu dachiba ũrid̶akau bed̶ead̶e berread̶amera.

1 Corintios 14:32

Dachi Akõre baita berreabarii barikia berreakau, maumaarã esed̶aubarii berreai baita.

Gálatas 2:11

Ewari ab̶a Pedro Antioquía puurud̶aa ãbarã ichiad̶e wãsii. Aria mʉʉba jomaurã ãbarã daad̶e ichi iadaasii, ichiba biawãra kachirua wausiid̶eeba.

Efesios 4:11

Ara ichiba chi nuree b̶usii ichiba bʉid̶arã nuread̶amera, waabenarã b̶usii Dachi Akõre baita berreabadaurã nuread̶amera, waabenarã b̶usii chi bed̶ea bia Cristo ʉ̃rʉbena jarad̶e nibad̶amera, maud̶e waabenarã b̶usii chi ijãabadaurã nubadaurã maud̶e jaradeabadaurã nuread̶amera.