Hechos 11:26 - Emberá Chamí

²⁶ Aria año ab̶a ijãabadaurã baara paneesid̶au, maud̶e ãrea ẽbẽrarãmaa Jesucristo ʉ̃rʉbena jaradeabachid̶au. Mau Antioquía puurud̶e ẽbẽrarãba chi Jesusd̶e ijãabadaurã “cristiano” abachid̶au. Mau chi nabena ewari basii maka trʉ̃aped̶aad̶a.

Hechos 11:26 ပူးပေါင်းရင်းမြစ်များ

Mateo 28:19

Maud̶eeba joma puuru b̶eecha wãd̶aped̶a jaradeásturu mʉ baara wãd̶amera. Maarã Dachi Akõre trʉ̃d̶eeba, chi Warr trʉ̃d̶eeba, Dachi Akõre Jauri trʉ̃d̶eeba boro eásturu.

Juan 2:2

Jesús maud̶e chi baara nibabadaurã iusid̶au mau miakãiduumaa need̶amera.

Hechos 1:15

Maka panuud̶e ewari ab̶ad̶e Pedro chi ãbarã 120 ẽsa ʉkʉ nub̶eesii. Maud̶e jarasii:

Hechos 11:20

Maka panuud̶e chi nuree Jesusd̶e ijãabadaurã Chipred̶ebena maud̶e Cirene puurud̶ebena Antioquiad̶e panad̶e wãsid̶au. Maarãba griegorãmaa chi bed̶ea bia Dachi Mechiu Jesús ʉ̃rʉbena jara kopaneesid̶au.

Hechos 11:22

Ãbarã Jerusalend̶ebenarãba mau kuitaasid̶aud̶e Bernabé Antioquiad̶aa bʉisid̶au.

Hechos 11:27

Mau ewarid̶e Dachi Akõre baita berreabadaurã Jerusalend̶ebena Antioquiad̶aa wãsid̶au.

Hechos 11:29

Maud̶eeba Jesusd̶e ijãabadaurã Antioquiad̶e panuu bed̶ea deasid̶au chi nejarra ãbarã Judea druad̶e nuree baita urubʉid̶ai baita. Ãchicha poyaa deaduu kĩra dead̶ai asid̶au.

Hechos 14:20

Maabae Jesusd̶e ijãabadaurã Pablomaa araa ãbua imisid̶aud̶e, maka panuud̶e ichi jiradusii. Jiraduped̶a waya puurud̶aa wãsii. Norema Bernabé ome Derbe puurud̶aa wãsid̶au.

Hechos 14:22

Puurucha ãbarã aid̶abachid̶au Jesusd̶e biꞌia ijãad̶amera. Ãchiba Jesusd̶e ijãa panuu ida b̶urãad̶amera naka jarabachid̶au: «Ãrea biꞌiwãe panad̶ai panuu, Dachi Akõre juad̶e panad̶ai baita, ichid̶irã baara».

Hechos 14:23

Puurucha ãbarã tãed̶e chi ijãabadaurã nubadaurã b̶usid̶au. Maabae Dachi Akõremaa ʉtaa id̶id̶aped̶a, chiko kod̶akau ewari waud̶aped̶a chi Dachi Mechiud̶e ijãa panuurã ichi juad̶e b̶usid̶au.

Hechos 14:27

Need̶aped̶a ãbarã araa ãbua imisid̶au. Maud̶e nebʉrʉsid̶au joma Dachi Akõreba ãchid̶eeba waud̶a. Jarasid̶au saka Dachi Akõreba wausii judiowãerã bid̶a Jesusd̶e ijãad̶amera.

Hechos 14:28

Aria Jesusd̶e ijãabadaurã baara ewari ãrea paneesid̶au.

Hechos 18:27

Mau maad̶akare Apolos Acaya druad̶aa wãi kʉ̃ria b̶uasii. Maud̶eeba ãbarã Efesod̶ebenaba karta chi arabena baita b̶ʉsii biꞌia irsibid̶amera. Aria neesiid̶e Apolosba Dachi Akõre sõbiad̶eeba chi Jesusd̶e ijãaped̶aad̶a ãrea aid̶asii.

Hechos 19:9

Maamina waabenarã sõ chaareakuad̶aped̶a ijãad̶aabasii. Ẽbẽrarã daad̶e Jesús chi O ʉ̃rʉbena kachirua berreabachid̶au. Maud̶eeba Pablo jãmabena ãyaa wãsii. Ichiba chi ijãabadaurã jaradeabadau deed̶aa adoesii. Mau de Tiranod̶e basii. Aria ewaricha jaradeabachii.

Hechos 20:1

Maka kĩrubika duanuu apiisid̶aud̶e Pabloba chi Jesusd̶e ijãa nuree iukuaped̶a ãchi ome berreasii Dachi Mechiud̶e biꞌia ijãad̶amera. Maabae wãaruu aped̶a Macedonia druad̶aa wãsii.

Hechos 20:30

Ara machid̶ebenarã bid̶a setaa jaradead̶ai Jesusd̶e ijãabadaurã ãyaa wãd̶amera.

Hechos 21:4

Aria daiba chi Jesusd̶e ijãabadaurã unuped̶aad̶ad̶eeba ãchi ome 7 ewari paneesid̶au. Maud̶e ãchiba Dachi Akõre Jaurid̶eeba Pablomaa jarasid̶au Jerusalend̶aa wãrãamera.

Hechos 26:28

Agripaba Pablomaa jarasii: —¿Bichiba ara naka mʉ Cristod̶e ijãabii kʉ̃ria b̶uka?

Hechos 6:1

Mau ewarid̶e chi Jesusd̶e ijãabadaurã maucha aude baraasii. Maud̶e chi griego bed̶ead̶e berreabadaurã judiorãba chi hebreo bed̶ead̶e berreabadaurã kachirua jara kopaneesid̶au. Jarasid̶au ãbarãba pẽdrãarã ewaricha aid̶aaduud̶e ãchi pẽdrãarã aid̶ad̶akau.

Hechos 6:5

Ãchiba jaraped̶aad̶a jomaurãba biꞌia ũrisid̶au. Maud̶eeba Esteban jʉrʉ adausid̶au. Mau Estebanba Jesusd̶e ãrea ijãa b̶uasii; Dachi Akõre Jaurid̶eeba b̶uasii. Ichi awara Felipe, Prócoro, Nicanor, Timón, Parmenas maud̶e Nicolás Antioquía puurud̶ebena jʉrʉ adausid̶au. Mau Nicolás griego basii maamina judio kĩra b̶uabachii.

Hechos 9:19

Maabae koped̶a kakua waya meserãa b̶eesii. Ewari aribia b̶eebasii Damascod̶ebena Cristod̶e ijãabadaurã baara.

Hechos 9:38

Jope puuru Lida kaita b̶uasii. Chi Jesús baara nibabadaurãba ũrisid̶au Pedro Lidad̶e b̶uu. Maud̶eeba ẽbẽra ome ichimaa bʉisid̶au naka chi chuburia id̶id̶amera: «Daimaa isa neese».

1 Corintios 11:18

Naa jaraaruu mʉʉba ũri b̶uu machi araa ãbua imiiduud̶e kʉ̃risia aꞌawaraa duanabarii. Mʉʉba kʉ̃risia b̶uu chi mʉʉmaa nebʉrʉped̶aad̶a chi b̶ee biawãra b̶uu.

1 Corintios 12:12

Dachi kakua ab̶a b̶umina dachi kakuad̶e joma uru panuu. Cristo ichi ijãabadaurã ome ara mau kĩra panuu.

1 Corintios 14:23

Maud̶eeba ãbarã araa ãbua imiiduud̶e jomaurã dachiba ũrid̶akau bed̶ead̶e berreamaa panuubʉrã, maud̶e waabenarã Jesusd̶e ijãad̶akaurã maebʉrã Dachi Akõre bed̶ea ũri kʉ̃ria nuree ed̶a wãaduubʉrã ¿ãchiba jarad̶aabaika machi kĩranema panuu?

1 Corintios 4:17

Maud̶eeba Timoteo machimaa bʉiruu. Dachi Mechiud̶eeba mʉ warr kʉ̃riabarii kĩra nii, maud̶e jipa nibabarii. Ichiba machimaa kĩrababiai mʉ Jesucristo ome saka jipa nii. Mʉ maka nibai chi ẽbẽrarã Jesucristod̶erã duanabariicha jaradea b̶uu.

Efesios 3:15

Ichiba joma bajãad̶e nuree maud̶e nau iujãad̶e nuree wausii maud̶e ichid̶eeba nuree.

Santiago 2:7

Machi Jesucristod̶erãbʉ. Maamina ¿maarãba ichi trʉ̃ bia ʉ̃rʉbena kachirua jarabadauwãeka?

1 Pedro 4:14

Machi Cristod̶e ijãa panuu kakua kachirua jaraaduubʉrã, Dachi Akõre daad̶e ãrea biꞌia nuree. Dachi Akõre Jauri kĩrawãrea nii machi ome b̶uu.

1 Pedro 4:16

Maamina ab̶auba Cristod̶e ijãa b̶uud̶eeba ãrea biꞌiwãe b̶uaruubʉrã, peraiwãe b̶uu. Maumaarã Cristod̶eeba Dachi Akõremaa biꞌia berreai b̶uu.

1 Juan 2:27

Maamina machiba Dachi Akõre Jauri Cristoba dead̶a uru panuu. Maud̶eeba jʉrʉd̶aabai panuu waabenarãmaa machi jaradeabiayua. Dachi Akõre Jauriba machimaa ne joma jaradea b̶uu. Ichiba jaradea b̶uu setawãe, maumaarã biawãrabʉ. Maud̶eeba Cristo ome ãbua panásturu Dachi Akõre Jauriba machimaa jaradead̶a kĩra.

Apocalipsis 3:18

Maud̶eeba mʉʉba machimaa naka kʉ̃risia dearuu: Nee tʉbʉchiad̶e dorrb̶arid̶a nedósturu mʉʉd̶ebena. Maka machi biawãra barau nuread̶ai. Maud̶e mʉʉd̶ebena paru torr nedósturu jʉ̃d̶ai baita. Maka nejasiad̶aabai machi ãkad̶aa panasiid̶eeba. Maud̶e mʉʉd̶ebena daud̶e taabadau nedósturu, mauba taad̶aped̶a biꞌia ichiad̶amera.