Hechos 11:20 - Emberá Chamí

²⁰ Maka panuud̶e chi nuree Jesusd̶e ijãabadaurã Chipred̶ebena maud̶e Cirene puurud̶ebena Antioquiad̶e panad̶e wãsid̶au. Maarãba griegorãmaa chi bed̶ea bia Dachi Mechiu Jesús ʉ̃rʉbena jara kopaneesid̶au.

Hechos 11:20 ပူးပေါင်းရင်းမြစ်များ

Mateo 27:32

Arabena wãsid̶aud̶e kokoroarãba ẽbẽra Simón abadau unusid̶au. Mau Cirene puurud̶ebena basii. Ãchiba mau Simonmaa Jesús cruz adoebisid̶au.

Juan 7:35

Maud̶eeba judiorã aria duanuuba ãchi chiya jara bara b̶eesid̶au: —¿Samaa wãid̶eeba dachiba ichi waa unud̶aabaima? asid̶au. ¿Griegorã druad̶aa wãika judiorã aria duanuurãmaa jaradeai baita?

Hechos 11:19

Esteban biud̶akare ẽbẽrarãba chi Jesusd̶e ijãabadaurã kachirua waud̶ai baita wãraasid̶au. Maud̶eeba ãbarã Jerusalend̶ebena miru wãurisid̶au. Fenicia druad̶aa, Chipre islad̶aa maud̶e Antioquía puurud̶aa wãsid̶au. Ãchi wãaduucha chi bed̶ea Jesús ʉ̃rʉbena ab̶a judiorãmáburu jarabachid̶au.

Hechos 11:22

Ãbarã Jerusalend̶ebenarãba mau kuitaasid̶aud̶e Bernabé Antioquiad̶aa bʉisid̶au.

Hechos 11:26

Aria año ab̶a ijãabadaurã baara paneesid̶au, maud̶e ãrea ẽbẽrarãmaa Jesucristo ʉ̃rʉbena jaradeabachid̶au. Mau Antioquía puurud̶e ẽbẽrarãba chi Jesusd̶e ijãabadaurã “cristiano” abachid̶au. Mau chi nabena ewari basii maka trʉ̃aped̶aad̶a.

Hechos 11:27

Mau ewarid̶e Dachi Akõre baita berreabadaurã Jerusalend̶ebena Antioquiad̶aa wãsid̶au.

Hechos 13:1

Ãbarã Antioquía puurud̶ebena tãed̶e Dachi Akõre baita berreabadaurã, maud̶e Cristo ʉ̃rʉbena jaradeabadaurã nureasii. Bernabé, Saulo, Lucio Cirened̶ebena maud̶e Simón b̶uasii. Simón trʉ̃ «Chi Parr» abachid̶au. Manaén sid̶a b̶uasii. Ichi Galilea druad̶ebena jaradea ua b̶uabarii Herodes ome ãbua warisii.

Hechos 14:26

Maad̶akare jãbad̶e Siria druad̶ebena Antioquiad̶aa waya wãsid̶au. Mau puurud̶ebena ãbarãba ãchi naed̶e bʉi panasid̶au Dachi Akõreba kʉ̃ria b̶uu waud̶amera maud̶e Dachi Akõre juad̶e b̶usid̶au ichi sõbiad̶eeba aid̶amera.

Hechos 15:22

Maka b̶uud̶e, chi Jesusba bʉid̶arã, ijãabadaurã nubadaurã maud̶e joma ãbarãba mau biꞌia ũrisid̶au. Maud̶eeba chi nureeba jʉrʉ adausid̶au Pablo, Bernabé ome Antioquiad̶aa wãd̶amera. Silas maud̶e Judas jʉrʉ adausid̶au. Judas ara mau Barsabás abachid̶au. Chi waabenarã ãbarãba ãchi biꞌia nuree unusid̶au.

Hechos 15:23

Ãchi ome karta naka b̶ʉ urubʉisid̶au: Jesusba bʉid̶arã, chi ijãabadaurã nubadaurã maud̶e joma ãbarãba nau karta b̶ʉʉduu, chi judiowãerã Antioquía puurud̶ebena baita, Siria druad̶ebena baita maud̶e Cilicia druad̶ebena baita. Daiba kʉ̃ria panuu machi biꞌia panad̶ai.

Hechos 15:30

Maabae chi ãchiba bʉiped̶aad̶arã Antioquía puurud̶aa wãsid̶au. Need̶aped̶a joma ãbarã araa ãbua imibiad̶aped̶a mau karta deasid̶au.

Hechos 17:18

Aria chi nuree kuitaa nuree Epicureod̶ebenarã maud̶e Estoicod̶ebenarã berrea paneesid̶au Pablo ome. Maarã chi nureeba jarabachid̶au: «¿Kãare jara kʉ̃ria b̶uma, nau chi bed̶ea ãrea niiba?» Waabenarãba jarabachid̶au: «Daimaarã, ãibena druad̶ebena akõre mechiu ʉ̃rʉbena jaradea b̶uu». Maka jarabachid̶au Pabloba jaradeamaa b̶uad̶ad̶eeba chi bed̶ea bia Jesús ʉ̃rʉbena maud̶e jaradeabachid̶eeba dachi biud̶a maad̶akare waya chokae jiradud̶ai.

Hechos 18:22

Cesarea puurud̶e neeped̶a Pablo Jerusalend̶aa chi ãbarã ichiad̶e wãsii. Mamauba Antioquía puurud̶aa wãsii.

Hechos 2:10

Frigiad̶ebena, Panfiliad̶ebena, Egiptod̶ebena, Libia druad̶e Cirene puuru kaitad̶ebena maud̶e Romad̶ebena nama panuu. Dachi chi judiorã maud̶e chi griegorã judiorã kĩra panabadaurã nama panuu.

Hechos 4:36

Maka wausii ẽbẽra Levid̶ebena need̶a, Joseba. Mau mukĩra Chipre islad̶ebena basii. Mau chi Jesusba bʉid̶arãba Bernabé abachid̶au (mau jara b̶uu «Kĩrajʉʉbibarii»).

Hechos 5:42

Mau maad̶akare ewaricha jaradeabachid̶au chi bed̶ea bia Jesús Dachi Akõreba dachi Karibabarii deai jarad̶a ʉ̃rʉbena. Mau jaradea wãbachid̶au Dachi Akõre de mechiud̶e maud̶e decha.

Hechos 6:1

Mau ewarid̶e chi Jesusd̶e ijãabadaurã maucha aude baraasii. Maud̶e chi griego bed̶ead̶e berreabadaurã judiorãba chi hebreo bed̶ead̶e berreabadaurã kachirua jara kopaneesid̶au. Jarasid̶au ãbarãba pẽdrãarã ewaricha aid̶aaduud̶e ãchi pẽdrãarã aid̶ad̶akau.

Hechos 6:5

Ãchiba jaraped̶aad̶a jomaurãba biꞌia ũrisid̶au. Maud̶eeba Esteban jʉrʉ adausid̶au. Mau Estebanba Jesusd̶e ãrea ijãa b̶uasii; Dachi Akõre Jaurid̶eeba b̶uasii. Ichi awara Felipe, Prócoro, Nicanor, Timón, Parmenas maud̶e Nicolás Antioquía puurud̶ebena jʉrʉ adausid̶au. Mau Nicolás griego basii maamina judio kĩra b̶uabachii.

Hechos 6:9

Maud̶e waabenarã judiorã Cirene druad̶ebena maud̶e Alejandría puurud̶ebena panasid̶au. Ãchi judiorã araa ãbua imibadau de “Chi chibari baita bari trajabarii enakuaped̶aad̶arã” abachid̶au. Waabena judiorã Cilicia druad̶ebena maud̶e Asia druad̶ebena panasid̶au. Joma mau judiorã Esteban ome oa kachirua berrea duaneesid̶au.

Hechos 8:35

Ara makʉd̶e Felipeba mau bed̶ea bia Jesús ʉ̃rʉbena jara kob̶eesii.

Hechos 8:5

Felipe Samaria puurud̶aa wãsii maud̶e Jesusba waud̶a jaradeabachii. Aria jaradeabachii Jesús Dachi Akõreba Dachi Karibabarii deai jarad̶a.

Hechos 9:20

Maud̶e judiorã araa ãbua imibadau decha ichiba jaradea b̶eesii Jesús biawãra Dachi Akõre Warr nii.

Hechos 9:29

Judiorã chi griego bed̶ead̶e berreabadaurã ome Jesús ʉ̃rʉbena berreabachii maamina ichi bead̶ai kʉ̃ria panasid̶au.

1 Corintios 2:2

Machi tãed̶e b̶uasiid̶e mʉʉba ab̶aburu Jesucristo ʉ̃rʉbena maud̶e ichi cruzd̶e beaped̶aad̶a kuitaabiai kʉ̃ria b̶uasii.

Gálatas 2:11

Ewari ab̶a Pedro Antioquía puurud̶aa ãbarã ichiad̶e wãsii. Aria mʉʉba jomaurã ãbarã daad̶e ichi iadaasii, ichiba biawãra kachirua wausiid̶eeba.

Efesios 3:8

Joma ẽbẽrarã Dachi Akõred̶erã tãed̶e mʉ kaebeu nimina, ichi sõbiad̶eeba mʉ b̶usii judiowãerãmaa Cristo ʉ̃rʉbena ne bia chi wãꞌãekau jaradead̶e wãmera.