Hechos 11:19 - Emberá Chamí

¹⁹ Esteban biud̶akare ẽbẽrarãba chi Jesusd̶e ijãabadaurã kachirua waud̶ai baita wãraasid̶au. Maud̶eeba ãbarã Jerusalend̶ebena miru wãurisid̶au. Fenicia druad̶aa, Chipre islad̶aa maud̶e Antioquía puurud̶aa wãsid̶au. Ãchi wãaduucha chi bed̶ea Jesús ʉ̃rʉbena ab̶a judiorãmáburu jarabachid̶au.

Hechos 11:19 ပူးပေါင်းရင်းမြစ်များ

Mateo 10:6

Maumaarã chi Israel puurud̶ebena oeja o ãyare nuree kĩra panuumaa wã́sturu.

Juan 7:35

Maud̶eeba judiorã aria duanuuba ãchi chiya jara bara b̶eesid̶au: —¿Samaa wãid̶eeba dachiba ichi waa unud̶aabaima? asid̶au. ¿Griegorã druad̶aa wãika judiorã aria duanuurãmaa jaradeai baita?

Hechos 11:20

Maka panuud̶e chi nuree Jesusd̶e ijãabadaurã Chipred̶ebena maud̶e Cirene puurud̶ebena Antioquiad̶e panad̶e wãsid̶au. Maarãba griegorãmaa chi bed̶ea bia Dachi Mechiu Jesús ʉ̃rʉbena jara kopaneesid̶au.

Hechos 11:22

Ãbarã Jerusalend̶ebenarãba mau kuitaasid̶aud̶e Bernabé Antioquiad̶aa bʉisid̶au.

Hechos 13:1

Ãbarã Antioquía puurud̶ebena tãed̶e Dachi Akõre baita berreabadaurã, maud̶e Cristo ʉ̃rʉbena jaradeabadaurã nureasii. Bernabé, Saulo, Lucio Cirened̶ebena maud̶e Simón b̶uasii. Simón trʉ̃ «Chi Parr» abachid̶au. Manaén sid̶a b̶uasii. Ichi Galilea druad̶ebena jaradea ua b̶uabarii Herodes ome ãbua warisii.

Hechos 13:4

Ãchi Dachi Akõre Jauriba bʉikasiid̶eeba Seleucia puurud̶aa wãsid̶au. Maad̶akare jãbad̶e Chipre isla kub̶uud̶aa wãsid̶au.

Hechos 13:46

Mau Pabloba maud̶e Bernabeba wapeawẽa ãchimaa naka jarasid̶au: —Biawãra daiba machimaa Dachi Akõre bed̶ea naa jarad̶ai panasid̶au. Maamina machiba mau bed̶ea ida b̶u panuud̶eeba maud̶e machimaarã ewaricha Dachi Akõre ome chokae b̶uai kʉ̃riad̶awẽed̶eeba, daiba judiowãerãmaa mau bed̶ea jarad̶e wãd̶ai.

Hechos 14:26

Maad̶akare jãbad̶e Siria druad̶ebena Antioquiad̶aa waya wãsid̶au. Mau puurud̶ebena ãbarãba ãchi naed̶e bʉi panasid̶au Dachi Akõreba kʉ̃ria b̶uu waud̶amera maud̶e Dachi Akõre juad̶e b̶usid̶au ichi sõbiad̶eeba aid̶amera.

Hechos 15:22

Maka b̶uud̶e, chi Jesusba bʉid̶arã, ijãabadaurã nubadaurã maud̶e joma ãbarãba mau biꞌia ũrisid̶au. Maud̶eeba chi nureeba jʉrʉ adausid̶au Pablo, Bernabé ome Antioquiad̶aa wãd̶amera. Silas maud̶e Judas jʉrʉ adausid̶au. Judas ara mau Barsabás abachid̶au. Chi waabenarã ãbarãba ãchi biꞌia nuree unusid̶au.

Hechos 15:3

Ãbarã Antioquiad̶ebenarãba bʉisid̶aud̶e ãchi Fenicia druad̶e maud̶e Samaria druad̶e nibasid̶au. Puurucha nebʉrʉsid̶au saka judiowãerãba ãchi kʉ̃risia chõra ida b̶ud̶aped̶a Jesusd̶e ijãasid̶au. Mau bed̶ea ũrisid̶aud̶e joma ãbarã kĩrajʉʉsid̶au.

Hechos 15:30

Maabae chi ãchiba bʉiped̶aad̶arã Antioquía puurud̶aa wãsid̶au. Need̶aped̶a joma ãbarã araa ãbua imibiad̶aped̶a mau karta deasid̶au.

Hechos 15:35

Pablo maud̶e Bernabé Antioquiad̶e paneesid̶au. Maarã maud̶e ãbarã ãrea baarauba chi ijãabadaurã jaradea panasid̶au maud̶e Dachi Mechiu bed̶ea jarabachid̶au.

Hechos 15:39

Pablo Bernabé ome mau kakua kĩru kopanuuba berread̶aped̶a ãchi o kawa wãsid̶au. Bernabeba Marcos jʉrʉped̶a jãbad̶e Chipre druad̶aa adoesii.

Hechos 18:22

Cesarea puurud̶e neeped̶a Pablo Jerusalend̶aa chi ãbarã ichiad̶e wãsii. Mamauba Antioquía puurud̶aa wãsii.

Hechos 21:16

Waabenarã Jesusd̶e ijãabadaurã Cesarea puurud̶ebena dai baara wãsid̶au. Ãchiba ẽbẽra Nasón abadaumaa adoed̶aped̶a dai ichi ded̶e paneesid̶au. Mau Chipred̶ebena basii. Jesusd̶e ijãa b̶uu ãrea ba b̶uasii.

Hechos 21:2

Mau Patarad̶e jãba Fenicia druad̶aa wãi baita nub̶uu unusid̶aud̶e maud̶e ataud̶aped̶a wãsid̶au.

Hechos 3:26

Dachi Akõreba chi ichi baita bari trajabarii Jesús chokae jiradubiped̶a naa machimaa bʉisii karibamera. Machicha aid̶a b̶uu machiba kachirua waubadau ida b̶ud̶amera».

Hechos 4:36

Maka wausii ẽbẽra Levid̶ebena need̶a, Joseba. Mau mukĩra Chipre islad̶ebena basii. Mau chi Jesusba bʉid̶arãba Bernabé abachid̶au (mau jara b̶uu «Kĩrajʉʉbibarii»).

Hechos 6:5

Ãchiba jaraped̶aad̶a jomaurãba biꞌia ũrisid̶au. Maud̶eeba Esteban jʉrʉ adausid̶au. Mau Estebanba Jesusd̶e ãrea ijãa b̶uasii; Dachi Akõre Jaurid̶eeba b̶uasii. Ichi awara Felipe, Prócoro, Nicanor, Timón, Parmenas maud̶e Nicolás Antioquía puurud̶ebena jʉrʉ adausid̶au. Mau Nicolás griego basii maamina judio kĩra b̶uabachii.

Gálatas 2:11

Ewari ab̶a Pedro Antioquía puurud̶aa ãbarã ichiad̶e wãsii. Aria mʉʉba jomaurã ãbarã daad̶e ichi iadaasii, ichiba biawãra kachirua wausiid̶eeba.