Hechos 11:18 - Emberá Chamí

¹⁸ Jerusalend̶ebena ãbarãba mau ũrisid̶aud̶e waa kachirua jarad̶aabasii, maumaarã Dachi Akõremaa naka biꞌia berreasid̶au: —¡Biawãra Dachi Akõreba judiowãerã karibasii ãchi kachirua ida b̶ud̶aped̶a ichimaa need̶amera! ¡Maka ewaricha ichi baara chokae panad̶ai!

Hechos 11:18 ပူးပေါင်းရင်းမြစ်များ

Mateo 9:8

Mau unusid̶aud̶e chi aria duanuu pera duanuu kĩra bara b̶eesii. Maamina Dachi Akõremaa bed̶ea bia berreasid̶au, ichiba chi poyaabarii ẽbẽramaa deasiid̶eeba, kakua kachirua panuu aribiabimera.

Hechos 11:1

Mau maad̶akare Jesusba bʉid̶arãba maud̶e waabenarã ãbarã Judea druad̶e nureeba ũrisid̶au judiowãerãba Dachi Akõre bed̶ea ijãasid̶au.

Hechos 14:27

Need̶aped̶a ãbarã araa ãbua imisid̶au. Maud̶e nebʉrʉsid̶au joma Dachi Akõreba ãchid̶eeba waud̶a. Jarasid̶au saka Dachi Akõreba wausii judiowãerã bid̶a Jesusd̶e ijãad̶amera.

Hechos 15:3

Ãbarã Antioquiad̶ebenarãba bʉisid̶aud̶e ãchi Fenicia druad̶e maud̶e Samaria druad̶e nibasid̶au. Puurucha nebʉrʉsid̶au saka judiowãerãba ãchi kʉ̃risia chõra ida b̶ud̶aped̶a Jesusd̶e ijãasid̶au. Mau bed̶ea ũrisid̶aud̶e joma ãbarã kĩrajʉʉsid̶au.

Hechos 20:21

Judiorãmaa maud̶e judiowãerãmaa mʉʉba jarasii kachirua waubadau ida b̶ud̶aped̶a Dachi Akõremaa need̶amera maud̶e Dachi Mechiu Jesucristod̶e ijãad̶amera.

Hechos 21:20

Mau ũrisid̶aud̶e ãbarãba Dachi Akõremaa biꞌia berreasid̶au. Maabae ãchiba Pablomaa jarasid̶au: —Ãba, bichiba kuitaa b̶uu judiorã ãreaba Jesusd̶e ijãa panuu. Maud̶e Moisesba b̶ʉd̶a ãchiba ãrea ijãabadau.

Hechos 3:19

Machiba chi kachirua ida b̶ud̶aped̶a Dachi Akõremaa nésturu. Maka wauduubʉrã machiba kachirua wauped̶aad̶a Dachi Mechiuba perdonaped̶a sõbiabiai,

Hechos 3:26

Dachi Akõreba chi ichi baita bari trajabarii Jesús chokae jiradubiped̶a naa machimaa bʉisii karibamera. Machicha aid̶a b̶uu machiba kachirua waubadau ida b̶ud̶amera».

Hechos 5:31

Dachi Akõreba Jesús ichi jua biare b̶usii Dachi Mechiu maud̶e dachi Karibabarii b̶uamera. Ichid̶eeba israeld̶ebenarãba kachirua ida b̶ud̶aped̶a waya Dachi Akõremaa poyaa need̶ai. Makarã ãchiba kachirua wauped̶aad̶a Dachi Akõreba perdonai.

Romanos 9:30

¿Mauba kãare jara b̶uma? Judiowãerãba jʉrʉd̶aka basii chi Dachi Akõre puurud̶ebena jipa nureerã baara panad̶ai baita. Maamina maka paneesid̶au, Cristod̶e ijãasid̶aud̶eeba.

2 Corintios 3:18

Dachiba Cristod̶e ijãa panuud̶eeba dachi kĩra paruba mera uru panuu kĩra panuuwãema. Maud̶eeba dachid̶eeba waabenarãba Dachi Mechiu kĩrawãrea unu panuu kĩra ichiabadaud̶e ichia panuu kĩra. Maud̶e Dachi Mechiu Jauriba dachi ewaricha biꞌia wau kãrii Dachi Mechiu kĩra panad̶amera.

2 Corintios 7:10

Ab̶aba kachirua waud̶a kakua Dachi Akõreba kʉ̃ria b̶uu kĩra nomaa b̶eeruubʉrã, ichiba kachirua waud̶a ida b̶uped̶a Dachi Akõremaa neei. Maabae Dachi Akõreba ichi karibai. Dachi Akõre ome biꞌia b̶eesiid̶eeba mau kĩra nomaa b̶uad̶a kachirua kʉ̃risiakau. Maamina ab̶aba nau iujãad̶ebenarã kĩra nomaabadau kĩra nomaaruubʉrã, kachirua ida b̶uwẽed̶eeba biui.

Gálatas 1:24

Maud̶eeba mʉ kakua ãchiba Dachi Akõremaa biꞌia berreasid̶au.