Hechos 10:36 - Emberá Chamí

³⁶ Dachi Akõreba chi bed̶ea bia Jesucristo ʉ̃rʉbena jarabiasii israeld̶ebenarãmaa, Dachi Akõre baara biꞌia nuread̶amera. Mau Jesucristo jomaurã Mechiubʉ.

Hechos 10:36 ပူးပေါင်းရင်းမြစ်များ

Mateo 10:6

Maumaarã chi Israel puurud̶ebena oeja o ãyare nuree kĩra panuumaa wã́sturu.

Mateo 11:27

»Mʉ Chachaba mʉʉmaa ara ichi ʉ̃rʉbena joma kuitaabisii. Ab̶au bid̶a adua panuu mʉ, chi Warr saka nii; ab̶a mʉ Chacháburu kuitaa b̶uu. Ara mau kĩra ab̶au bid̶a adua panuu mʉ Chacha saka nii; ab̶aburu mʉ, chi Wárrburu kuitaa b̶uu. Mʉʉba ab̶aumaa mʉ Chacha kuitaabiiruubʉrã, mau ẽbẽraba kuitaai.

Mateo 28:18

Maud̶e Jesús ãchi kaita neeped̶a jarasii: —Dachi Akõreba mʉʉmaa chi poyaabarii deasii bajãad̶e, maud̶e nau iorod̶e joma poyaa uru b̶uamera.

Lucas 1:79

Mauba chi pãriud̶e nureerãmaa, chi biud̶ai wapea nureerãmaa bid̶a Dachi Akõreba ichi ʉ̃d̶aa kuitaabiai. Maud̶e dachimaa kuitaabiai saka ichi od̶e jirukaraayuwãe nibad̶ayu».

Lucas 24:47

Maabae ichi trʉ̃d̶eeba ichi ijãabadaurãba ẽbẽrarãmaa jarad̶ai ãchi kachirua ida b̶ud̶aped̶a Dachi Akõremaa need̶amera. Maka Dachi Akõreba ãchi kachirua perdonai. Mau naa Jerusalén puurud̶e jarad̶aped̶a joma puuru b̶eecha jarad̶e wãd̶ai.

Hechos 10:37

Machiba kuitaa panuu joma Judea druad̶e Jesús ʉ̃rʉbena nebʉrʉbadau. Naed̶e Galilead̶e Juanba jaradea b̶uasii ẽbẽrarã boro ead̶amera.

Hechos 11:19

Esteban biud̶akare ẽbẽrarãba chi Jesusd̶e ijãabadaurã kachirua waud̶ai baita wãraasid̶au. Maud̶eeba ãbarã Jerusalend̶ebena miru wãurisid̶au. Fenicia druad̶aa, Chipre islad̶aa maud̶e Antioquía puurud̶aa wãsid̶au. Ãchi wãaduucha chi bed̶ea Jesús ʉ̃rʉbena ab̶a judiorãmáburu jarabachid̶au.

Hechos 13:32

»Ara mau kĩra daiba nau bed̶ea bia jara panuu: Dachi Akõre dachi nabẽraed̶ebenarãba ome bed̶ea deasii maud̶e dachi, ãchid̶ebena neeped̶aad̶arã ewarid̶e mau bed̶ea dead̶a joma wausii. Jesús chokae jiradubisii salmo omed̶e b̶ʉ kub̶uu kĩra. Naka jara b̶uu: “Bichi mʉ Warrbʉ. Id̶i bichi mʉ Warr aaruu”.

Hechos 13:46

Mau Pabloba maud̶e Bernabeba wapeawẽa ãchimaa naka jarasid̶au: —Biawãra daiba machimaa Dachi Akõre bed̶ea naa jarad̶ai panasid̶au. Maamina machiba mau bed̶ea ida b̶u panuud̶eeba maud̶e machimaarã ewaricha Dachi Akõre ome chokae b̶uai kʉ̃riad̶awẽed̶eeba, daiba judiowãerãmaa mau bed̶ea jarad̶e wãd̶ai.

Hechos 2:36

»Maud̶eeba joma israeld̶ebenarã, biawãra kuitásturu: Jesús, chi machiba cruzd̶e jirab̶ubiped̶aad̶a, Dachi Akõreba mau chi jomaurã Mechiu maud̶e Dachi Karibabarii deai jarad̶a b̶usii».

Hechos 5:31

Dachi Akõreba Jesús ichi jua biare b̶usii Dachi Mechiu maud̶e dachi Karibabarii b̶uamera. Ichid̶eeba israeld̶ebenarãba kachirua ida b̶ud̶aped̶a waya Dachi Akõremaa poyaa need̶ai. Makarã ãchiba kachirua wauped̶aad̶a Dachi Akõreba perdonai.

Romanos 14:9

Cristo biusii, biud̶arã Mechiu bai baita. Maud̶e chokae jiradusii, chi chokae nuree Mechiu bai baita.

Romanos 5:1

Dachi Mechiu Jesucristod̶e ijãa panuud̶eeba Dachi Akõreba dachi chi ichid̶irã jipa nuree baara duanubarii. Maud̶eeba Cristod̶eeba Dachi Akõre ome sõbia panuu.

1 Corintios 15:27

Dachi Akõre bed̶ead̶e jara b̶uud̶eeba: «Bichiba joma ichi juad̶e b̶usii». «Joma Cristo juad̶e b̶usii» a b̶umina biꞌia kuitaa panuu Dachi Akõreba ara ichi Cristo juad̶e b̶uubasii. Dachi Akõréburu joma Cristo juad̶e b̶usii.

1 Corintios 15:47

Chi nabena ẽbẽra Adán abadau ioro waud̶ad̶eeba, nau iujãad̶ebena basii. Chi mawãarebena ẽbẽra Jesucristo abadau bajãad̶ebenabʉ.

Filipenses 2:11

Maud̶e jomaurãba Jesucristo jomaurã Mechiu a jarad̶ai maud̶e Dachi Bajãad̶ebena Akõremaa biꞌia berread̶ai.

Colosenses 1:20

Maud̶e kʉ̃riasii Cristod̶eeba ne joma bajãad̶ebena maud̶e nau iujãad̶ebena ichi ome biꞌia nuread̶amera. Maud̶eeba Cristo cruzd̶e oa chesiid̶eeba ichi ome jirukaraayuwãe b̶usii.

Hebreos 1:2

Maamina nau kaad̶ebena ewarid̶e ichi Warrd̶eeba dachimaa berreasii. Ichi Warrd̶eeba Dachi Akõreba joma wausii maud̶e mau b̶usii joma uru b̶uamera.

Hebreos 13:20

Dachi Mechiu Jesucristo chi Oeja Nubarii Mechiubʉ. Dachi Akõreba chi dachi jirukaraayuwãe b̶uai deabarii ichi biu b̶uad̶a chokae jiradubisii. Jesucristo oad̶eeba ẽbẽrarã Dachi Akõred̶erã ome bed̶ea deasii. Mau ewaricha b̶uai.

1 Pedro 3:22

Jesucristo chokae jiraduped̶a, bajãad̶aa wãped̶a Dachi Akõre jua biare b̶uu. Joma angelerã, joma jai kachiruarã chi mechiurã maud̶e chi meserãa nuree ichi juad̶e uru b̶uu.

Apocalipsis 1:18

Mʉ chi Chokae Nima. Mʉ biud̶amina ichiáse chokae nii, maud̶e ewaricha chokae nibai. Mʉa chi biud̶arã poyaa chokae jiradubiai b̶uu.

Apocalipsis 1:5

Maud̶e kʉ̃ria b̶uu Jesucristo bid̶a maka wau b̶uai. Ichiba Dachi Akõre ʉ̃rʉbena biawãra jarabarii. Biu b̶uad̶a naa chokae jiradusii, joma nau iujãad̶ebena chi reyrã audeara chi mechiu nii b̶uai baita. Mauba dachi kʉ̃ria b̶uu maud̶e ichi oad̶eeba kachiruad̶ebena karibasii.

Apocalipsis 17:14

Maabae chi maarã Oeja Kaebe Nii ome chĩod̶ai. Maamina chi Oeja Kaebe Niiba chi maarã poyaakuai, ichi Jomaurã Reyrã Audeara Chi Aude Mechiu Nii maud̶e Joma Chi Mechiurã Audeara Chi Aude Mechiu Niid̶eeba. Poyaakuad̶akare chi ichid̶e ãrea ijãabadaurã ichi baara paneed̶ai. Ichiba chi maarã iukuaped̶a jʉrʉ adaukuasii».

Apocalipsis 19:16

Ichiba paru jʉ̃ b̶uumaa b̶akara ʉ̃rʉ nau trʉ̃ b̶ʉ inii: «Jomaurã Reyrã Audeara Chi Aude Mechiu Nii» maud̶e «Joma Chi Mechiurã Audeara Chi Aude Mechiu Nii».