Hechos 10:22 - Emberá Chamí

²² Ãchiba panausid̶au: —Dai kokoroarã chi jaradea ua b̶uabarii Cornelioba bʉisii. Ichi ẽbẽra jipa nii maud̶e Dachi Akõre wapeadee nii. Joma judiorãba ichi ʉ̃rʉbena biꞌia kʉ̃risia panuu. Dachi Akõre angelba bichi ichi deemaa neei iusii bichi bed̶ea ũrimera.

Hechos 10:22 ပူးပေါင်းရင်းမြစ်များ

Mateo 1:19

Chi kima José mukĩra jipa nibasiid̶eeba, María chũpea b̶ʉi basii jomaurã daad̶e kachirua berread̶amaaba.

Mateo 2:12

Mau maad̶akare Dachi Akõreba kamokaraad̶e jarasii Herodesmaa wãd̶aabai. Maud̶eeba o ãyare wãsid̶au ãchi druad̶aa.

Marcos 6:20

Herodesba Juan wapea b̶uasii, mau ẽbẽra jipa nii maud̶e Dachi Akõre baita nii kuitaa b̶uasiid̶eeba. Maud̶eeba Juan nu uru b̶uasii. Maud̶e Juanba jaradea b̶uu ũrii kʉ̃ria b̶uabachimina ãrea apiid̶aubachii.

Marcos 8:38

Ab̶auba mʉ ʉ̃rʉbena kĩrakayaaruubʉrã maud̶e mʉ bed̶ead̶e, mʉ, chi Ẽbẽra Ba B̶uad̶a neeruud̶e mau ẽbẽra kakua kĩrakaya b̶uai. Mau ewarid̶e mʉ Chachaba mʉʉmaa poyaabarii dead̶ad̶eeba neei, chi ichi angelerã biꞌia nuree baara».

Lucas 2:25

Mau ewarid̶e ẽbẽra Simeón abadau Jerusalend̶e b̶uasii. Mau Simeón jipa b̶uasii maud̶e Dachi Akõreba jara b̶uu biꞌia waubachii. Ichiba esed̶au b̶uasii Dachi Akõreba Israel puuru sõbiabii ewari. Dachi Akõre Jauri ichi ome b̶uasii.

Lucas 23:50

Ẽbẽra José abadau b̶uasii. Mau Arimatea puuru, Judea druad̶ebena basii. Ẽbẽra bia nibasii maud̶e jipa nibasii. Dachi Akõreba ichid̶irã ichi juad̶e ua b̶uai esed̶au b̶uasii. Mau judiorã chi jaradea ua b̶uabadaurãd̶ebena basii maamina mau baita, ãchiba bed̶ea deaped̶aad̶a maud̶e chi wauped̶aad̶a biꞌiwãe b̶uasii. Maarãba wauped̶aad̶a kachirua b̶uu unusii.

Lucas 9:26

Ab̶auba mʉ ʉ̃rʉbena kĩrakayaaruubʉrã maud̶e mʉ bed̶ead̶e, mʉ, chi Ẽbẽra Ba B̶uad̶a neeruud̶e mau ẽbẽra kakua kĩrakaya b̶uai. Mau ewarid̶e mʉ neei, mʉ Chachaba mʉʉmaa poyaabarii deasiid̶eeba maud̶e ichi angelerã poyaabariid̶e.

Juan 13:20

Mʉʉba biawãra jaraaruu: mʉʉba bʉiruu ab̶auba biꞌia irsibiiruubʉrã mʉ biꞌia irsibiiruu. Maud̶e mʉ biꞌia irsibiiruuba mʉ bʉid̶a biꞌia irsibiiruu».

Juan 17:20

»Mʉʉba ãchi báitaburu id̶iwẽa b̶uu. Maumaarã maarã chi mʉ bed̶ea jaraaduud̶e ijãaduu baita id̶i b̶uu.

Juan 17:8

Bichiba mʉʉmaa jarad̶a mʉʉba maarãmaa jaradeasii. Maarãba mau bed̶ea ijãasid̶au. Maud̶eeba kuitaa panuu biawãra mʉ bichid̶ebena neesii. Biawãra ijãa panuu bichiba mʉ bʉisii.

Juan 5:24

»Mʉʉba biawãra jaraaruu: barikiuba mʉ bed̶ea ũriped̶a mʉ bʉid̶a ijãaruubʉrã, mau ẽbẽra mau ome ewaricha chokae b̶uai. Dachi Akõreba mau ichiabai. Biawãra mau ẽbẽra biu b̶uad̶a chokae b̶uu.

Juan 6:63

Dachi Akõre Jauríburu chokae b̶uabiabarii. Nau kakuaba poyaa maka waukau. Mʉʉba machimaa jaradea b̶uu Dachi Akõre Jauriba dachi chokae b̶uabiabarii ʉ̃rʉbena.

Juan 6:68

Simón Pedroba panausii: —Dai Mechiu, dai ¿kaimaa wãd̶aima? Ab̶a bichiaburu daimaa jaradeabarii Dachi Akõre ome ewaricha chokae nuread̶amera.

Hechos 10:2

Mau Cornelio ichi ded̶ebenarã baara joma jipa nureasii. Dachi Akõre wapeadee panasid̶au. Cornelioba judiorã aid̶ai baita chi nejarra ãrea deabachii maud̶e Dachi Akõremaa ʉtaa id̶i b̶uabachii.

Hechos 10:21

Ara makʉd̶e Pedro ed̶aa wãsii Cornelioba bʉid̶arãmaa. Ichiba jarasii: —Chi machiba jʉrʉ panuu mʉʉbʉ. ¿Kãare sãad̶e neesid̶ama?

Hechos 10:30

Maud̶e Cornelioba jarasii: —Ewari kimare basii ara nau horaka, ãsa ʉ̃rʉ hora õbead̶e, mʉʉba chiko kod̶akau ewari wau b̶uasii. Dachi Akõremaa ʉtaa id̶imaa b̶uud̶e ẽbẽra mʉ daad̶e akʉ nub̶uu unusii. Mau paru ted̶echoa b̶uasii.

Hechos 10:33

Ara makʉd̶e mʉʉba bichi jʉrʉbisii. Maud̶e bichi sõbia niid̶eeba, neesii. Jãabae joma dai nama Dachi Akõre daad̶e panuu Dachi Mechiuba bichimaa jarabi b̶uu ũrid̶ai baita.

Hechos 10:6

Mau mar iikaa june Simón chi ãnimara e poabibarii ded̶e b̶uu.

Hechos 11:14

Mauba jarai saka Dachi Akõreba bichi maud̶e bichi ded̶ebenarã karibai”.

Hechos 22:12

»Aria ẽbẽra Ananias abadau b̶uasii. Mau ẽbẽraba Dachi Akõre wapea b̶uud̶eeba Moisesba b̶ʉd̶ad̶e jara b̶uu kĩra waubachii. Maud̶eeba joma judiorã Damasco puurud̶ebenaba ichi ʉ̃rʉbena biꞌia berreasid̶au.

Hechos 24:15

Chi naarã judiorãba esed̶au panuu chi jipa nuree maud̶e chi jipawãe nuree biuped̶aad̶a Dachi Akõreba joma chokae jiradubiai. Mʉa bid̶a mau esed̶au b̶uu.

Hechos 6:3

Maud̶eeba ãbarã, machid̶ebena 7 ẽbẽrarã jipa nuree jʉrʉ́sturu. Ãchi Dachi Akõre Jaurid̶eeba nuread̶ai panuu maud̶e kʉ̃risia kuitaa nuread̶ai panuu. Maarã daiba b̶ud̶ai pẽdrãarã maud̶e waabenarã aid̶ad̶amera.

Romanos 1:17

Mau bed̶ea biad̶eeba Dachi Akõreba kuitaabia b̶uu dachi karibai, ichiba jara b̶uu kĩra. Jesucristod̶e ijãaruubʉrã maka b̶uai. Dachi Akõre bed̶ead̶e naka b̶ʉ kub̶uu: «Chi jipa nii, Dachi Akõred̶e ijãa niid̶eeba chokae nibai».

2 Corintios 5:18

Joma mau Dachi Akõreba wausii. Cristod̶eeba dachi ichi ome biꞌia b̶usii maud̶e dai b̶usii mau ʉ̃rʉbena ẽbẽrarãmaa jaradead̶amera.

1 Timoteo 3:7

Cristod̶e ijãad̶akaurã bid̶a ichi ʉ̃rʉbena biꞌia kʉ̃risiad̶ai panuu. Maka ẽbẽrarãba ichi ʉ̃rʉbena kachirua berread̶aabai maud̶e jʉbawãe niiba ichi ẽbẽrarã daad̶e nebʉra bara nii ai.

Hebreos 10:38

Chi jipa nii mʉʉd̶e ijãa niid̶eeba chokae nibai. Maamina ichiba ijãa b̶uu ida b̶uuruubʉrã, mʉʉba mau biꞌia unuubai».

Hebreos 11:2

Dachi nabẽraed̶ebenarãba Dachi Akõred̶e ijãa panasiid̶eeba Dachi Akõreba maarã biꞌia unusii.

Hebreos 12:23

Machi Dachi Akõre warrarã araa ãbua duanuumaa neesid̶au. Dachi Akõremaarã joma Ichi warr iminabʉ. Bajãad̶ebenad̶eeba ãchi trʉ̃ aria b̶ʉ kub̶uu. Machi chi dachi nebʉra joma kastikabariimaa neesid̶au. Chi ẽbẽrarã jipa nuree Dachi Akõreba biꞌia duanud̶amaa neesid̶au.

2 Pedro 3:2

Mʉʉba kʉ̃ria b̶uu Dachi Akõre baita berreabadaurãba naa jaraped̶aad̶a machiba kĩrabad̶ayu. Maud̶e kʉ̃ria b̶uu Jesucristo Dachi Mechiu, Dachi Karibabariiba jarad̶a kĩrabad̶ayu. Mau ichiba bʉid̶arãba machimaa jaradeasid̶au.

3 Juan 1:12

Ãba Demetrio ʉ̃rʉbena jomaurãba biꞌia berrea panuu. Chi biawãra bed̶ea ijãa b̶uud̶eeba unubia b̶uu ichi jipa nii. Dai bid̶a ichi ʉ̃rʉbena biꞌia kʉ̃risia panuu. Machiba kuitaa panuu daiba jara panuu biawãrabʉ.

Apocalipsis 14:10

Dachi Akõreba ichi kĩruuruuba mau ẽbẽra kachirua ãrea b̶ui uva b̶aa asia dobiiruu kĩra. Mau ẽbẽra chi ángel biꞌia nuree daad̶e, maud̶e Oeja Kaebe Nii daad̶e azufre aoko nub̶uuba ãrea biꞌiwãe b̶uai.