Hechos 10:16 - Emberá Chamí

¹⁶ Maka berrearuu Pedroba b̶es õbea ũrisii. Maabae chi ẽeboro waya bajãad̶aa wãsii.

Hechos 10:16 ပူးပေါင်းရင်းမြစ်များ

Juan 21:17

Jesusba waya id̶isii: —Simón, Jonás warr, ¿mʉ kʉ̃ria b̶uka? Mauba b̶es õbea id̶isii. Pedro kĩra nomaa b̶eesii, Jesusba b̶es õbea id̶isiid̶eeba. Maabae ichiba jarasii: —Mʉ Mechiu, bichiba joma kuitaa b̶uu. Bichiba kuitaa b̶uu mʉʉba bichi kʉ̃ria b̶uu. Jesusba jarasii: —Chi mʉʉd̶e ijãa nuree ãrea nu b̶uase oeja nubariiba ichi oeja chekerã nubarii kĩra.

Hechos 10:15

Chi mimiba waya jarasii: —Chi Dachi Akõreba biꞌia b̶ud̶a mau miadaa b̶uu a jararã́se.

Hechos 10:17

Mau unud̶akare Pedroba kuitaa kʉ̃risiaswãe b̶eesii. Wabid̶a mauba kãare jara b̶uu kʉ̃risia b̶uumisa chi Cornelioba bʉid̶arãba Simón de id̶id̶aped̶a chi de poraamaa neesid̶au.

2 Corintios 13:1

Dachi Akõre bed̶ead̶e naka jara b̶uu: «Ab̶auba kachirua waud̶a ichiaduud̶e ẽbẽra ome maebʉrã õbea panad̶ai panuu. Maud̶e ichiba kachirua waud̶a ʉ̃rʉbena arab̶aud̶e jaraaduubʉrã, kuitaad̶ai biawãra kachirua wausii». Nauba b̶es õbea mʉ machimaa wãaruud̶eeba iadaai Dachi Akõre bed̶ead̶e jara b̶uu kĩra.