Hechos 1:24 - Emberá Chamí

^24-25 Maabae jomaurãba Dachi Akõremaa naka ʉtaa id̶isid̶au: —Dai Mechiu, Judas bichiba bʉid̶a b̶aesii. Ichiba waui b̶uu ida b̶usii ichi b̶uai b̶uumaa wãi baita. Jomaurãba sõd̶e kʉ̃risia panuu bichiba mau kuitaa b̶uu. Maud̶eeba daimaa kuitaabiáse nau ẽbẽra omed̶ebena sãu jʉrʉ adauruu bichiba bʉid̶aba waubadau waumera.

Hechos 1:24 ပူးပေါင်းရင်းမြစ်များ

Lucas 16:15

Maud̶e Jesusba ãchimaa jarasii: «Machi waabenarã daad̶e ẽbẽra bia kĩra nuree. Maamina Dachi Akõreba kuitaa b̶uu machi biawãra saka nuree. Ẽbẽrarãmaarã bibuara b̶uu, mau Dachi Akõremaarã biꞌiwãe b̶uu.

Juan 21:17

Jesusba waya id̶isii: —Simón, Jonás warr, ¿mʉ kʉ̃ria b̶uka? Mauba b̶es õbea id̶isii. Pedro kĩra nomaa b̶eesii, Jesusba b̶es õbea id̶isiid̶eeba. Maabae ichiba jarasii: —Mʉ Mechiu, bichiba joma kuitaa b̶uu. Bichiba kuitaa b̶uu mʉʉba bichi kʉ̃ria b̶uu. Jesusba jarasii: —Chi mʉʉd̶e ijãa nuree ãrea nu b̶uase oeja nubariiba ichi oeja chekerã nubarii kĩra.

Hechos 14:23

Puurucha ãbarã tãed̶e chi ijãabadaurã nubadaurã b̶usid̶au. Maabae Dachi Akõremaa ʉtaa id̶id̶aped̶a, chiko kod̶akau ewari waud̶aped̶a chi Dachi Mechiud̶e ijãa panuurã ichi juad̶e b̶usid̶au.

Hechos 15:8

Dachi Akõreba jomaurã sõ kuitaa b̶uu. Mau judiowãerãba ijãasid̶aud̶e Dachi Akõreba kuitaabiasii ãchi biꞌia irsibisii. Ichi Jauri ãchimaa deasii dachimaa naed̶e dead̶a kĩra.

Hechos 6:6

Chi ãbarãba maarã Jesusba bʉid̶arãmaa adoesid̶aud̶e, Dachi Akõremaa ʉtaa id̶iiduud̶e ãchi jua maarã ʉ̃rʉ kub̶usid̶au.

Romanos 8:27

Maud̶e Dachi Akõre dachi sõ ichiabariiba ichi Jauriba ʉtaa id̶i b̶uu kuitaa b̶uu, ichiba kʉ̃ria b̶uu kĩra ichid̶irã baita ʉtaa id̶ibariid̶eeba.

Hebreos 4:13

Dachi Akõreba chi ichiba waud̶a joma unubarii. Ab̶a bid̶a wãꞌãe ichiba unukau. Ichiba ne joma dod̶aa unubarii, dachiba mera uru panuu sid̶a arakʉd̶e unubarii. Ichiba ichiaruud̶e joma dachiba wauped̶aad̶a ichimaa jarad̶ai.

Apocalipsis 2:23

Mʉʉba chi warrarã kinibiai. Maka joma ãbarãba kuitaad̶ai mʉʉba jomaurã kʉ̃risia kuitaa nii maud̶e chi sõd̶eeba wau kʉ̃ria panuu. Mʉʉba machiba wauped̶aad̶a kĩra kastikai.