Hechos 1:14 - Emberá Chamí

¹⁴ Joma maarã Jesús ãbarã baara, ichi nawe María maud̶e waabena wẽrarã baara ãbua duanabachid̶au Dachi Akõremaa ʉtaa id̶id̶ai baita.

Hechos 1:14 ပူးပေါင်းရင်းမြစ်များ

Mateo 12:46

Jesusba wabid̶a ẽbẽrarãmaa berrea b̶uud̶e chi nawe, chi ãbarã awara panuu ichi ome berrea kʉ̃ria panasid̶au.

Mateo 21:22

Joma machiba Dachi Akõremaa ʉtaa id̶iiduu biawãra adaud̶ai ijãaduubʉrã, mau adaud̶ai.

Mateo 27:55

Maud̶e wẽrarã ãreaba kaitawẽeba ichia duanasid̶au. Maarã wẽrarã Jesús Galilead̶ebena neesiid̶e ichi aid̶a nibabachid̶au.

Marcos 15:40

Chi nuree wẽrarã aria duanad̶aba kaitawẽeba ichiamaa panasid̶au: María Magdalena, Salomé maud̶e chi ab̶au María. Mau Santiago (chi kũudrãa) maud̶e José nawe basii.

Marcos 16:1

Bari panabadau ewari wãsiid̶e María Magdalenaba, Santiago nawe Mariaba maud̶e Salomeba kera nedosid̶au Jesús purud̶ai baita.

Lucas 11:13

Machi chi kachirua nureeba machi warrarãmaa ne kaebea dead̶ai kuitaa panuubʉrã, ¿machi Akõre bajãad̶e b̶uuba chi ʉtaa id̶i panuumaa ichi Jauri deabai b̶uka?

Lucas 18:1

Jesusba nebʉrʉsii jaradeai baita Dachi Akõremaa ʉtaa id̶i panad̶ai ida b̶ud̶ayuwãe panad̶ai.

Lucas 23:49

Maka panuud̶e joma Jesús unubadaurãba maud̶e wẽrarã Galilead̶ebena ichi baara nibaped̶aad̶arãba kaitawẽeba ichia panasid̶au.

Lucas 23:55

Waabenarã wẽrarã Jesús baara Galilead̶ebena neeped̶aad̶a José baara wãsid̶au. Neesid̶aud̶e mo chob̶ea korod̶a unusid̶au. Maud̶e Jesús kakua ed̶a nub̶uuduu unusid̶au.

Lucas 24:10

María Magdalenaba, Juanaba, Santiago nawe Mariaba maud̶e waabena wẽrarã ãchi baara panuuba Jesusba bʉid̶arãmaa maka nebʉrʉsid̶au.

Lucas 24:33

Ara makʉd̶e ãchi waya Jerusalend̶aa wãsid̶au. Aria Jesusba jʉrʉ adaud̶arã 11 duanuu maud̶e waabenarã araa ãbua duanuu baara unusid̶au.

Lucas 24:53

Makaed̶ebena ãchi ewaricha Dachi Akõre de mechiu ãbudare wãbachid̶au Dachi Akõremaa biꞌia berread̶ai baita.

Lucas 8:20

Maud̶eeba waabenarãba ichimaa jarasid̶au: —Bichi nawe maud̶e bichi ãbarã awara panuu. Maarã bichi ichiad̶e nee panuu.

Hechos 2:1

Mau maad̶akare Pentecostés bari panabadau ewari basii. Maud̶e joma chi Jesusd̶e ijãa nuree araa ãbua duanasid̶au.

Hechos 2:42

Chi Jesusba bʉid̶arãba jaradea panuu ãchiba ãrea ũribachid̶au. Ãbua biꞌia duanabachid̶au. Pan b̶ʉad̶aped̶a, kobachid̶au. Maud̶e Dachi Akõremaa ʉtaa id̶i panabachid̶au.

Hechos 2:46

Ewaricha Dachi Akõre de mechiud̶aa araa ãbua imibachid̶au maud̶e ãbarã decha kĩrajʉʉd̶eeba ãbua kobachid̶au.

Hechos 6:4

Maka wauduubʉrã daiba poyaa biꞌia Dachi Akõremaa ʉtaa id̶i panad̶ai maud̶e ichi bed̶ea jara panad̶ai.

Romanos 12:12

Dachi Akõred̶ebena ne adoed̶ai kuitaa panuud̶eeba kĩrajʉʉ panásturu. Biꞌiwãe panuud̶e dauchia jãadua panásturu. Ewaricha Dachi Akõremaa ʉtaa id̶ísturu.

1 Corintios 14:13

Maud̶eeba chi dachiba ũrid̶akau bed̶ead̶e berrea b̶uuba Dachi Akõremaa ʉtaa id̶i b̶uu ara ichiba jarad̶a poyaa kuitaa jaraaruu baita.

Efesios 6:18

Ewaricha ne joma baita Dachi Akõre Jaurid̶eeba ʉtaa id̶i panásturu. Dau ʉ̃rʉma panuud̶eeba, joma ichi ẽbẽrarã baita kakua ãkaad̶awẽa ʉtaa id̶i panásturu.

Colosenses 4:2

Ewaricha Dachi Akõremaa ʉtaa id̶i panásturu. Ʉtaa id̶iiduud̶e dau ʉb̶ʉa panásturu maud̶e ichíturu kid̶ibai ásturu.